bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 21
Judges 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Na ĩndĩ andũ ma Isilaeli nĩmeeavĩĩte ku Misiva, makasya, Vati mũndũ katĩ waitũ ũkanengane mwĩĩtu wake kwa Mbenyamini.
2
Na andũ mavika Mbethi‐eli, na mekala kw’o mbee wa Ngai kũvika wĩoo, na mookĩlya mawasya moo, na kũĩa mũno.
3
Na masya, Ame Yeova, Ngai wa Isilaeli, ũndũ ũũ wĩkĩkie nĩkĩ nthĩnĩ wa Isilaeli, ũndũ vethĩiwe ũmũnthĩ mbaĩ ĩmwe ĩolekete nthĩnĩ wa Isilaeli?
4
Na kweethĩwa ũnĩ ũsu, andũ mookĩla tene, na maaka kĩthembeo vo, na mathemba nthembo sya kũvĩvw’a na nthembo sya mũuo.
5
Na ana ma Isilaeli masya, Katĩ wa mbaĩ syonthe sya Isilaeli nĩ yĩva ĩtaneambatĩa Yeova ĩkomanonĩ? Nũndũ nĩmeeavĩte kĩavo kĩnene ũndũ wa ũla ũteũmwambatĩa Yeova ku Misiva, makasya, Ũsu akooawa vate ndĩi.
6
Na ana ma Isilaeli meelila nũndũ wa Mbenyamini, mwana‐a‐ĩthe woo, na masya, Kwĩ mbaĩ ĩmwe ĩvetiwe kwa Isilaeli ũmũnthĩ.
7
Twĩĩka ata nĩ kana tũmonee ala matiele aka, nũndũ nĩtwĩavĩte kwa Yeova atĩ tũtikamanenga ma eĩtu maitũ methĩwe aka?
8
Na masya, Nĩ yĩva ya mbaĩ sya Isilaeli ĩtaneambatĩa Yeova ku Misiva? Na, sisya, kũtineũka o na ũmwe kuma Yavesi‐ngileati ĩkomanonĩ mwakonĩ wa maeema.
9
Nũndũ yĩla andũ matalawa, sisya, vo vayaĩ o na ũmwe wa ala matwĩe Yavesi‐ngileati.
10
Na ĩkomano yatũma kw’o andũ ngili ĩkũmi na ilĩ ala ngũmbaũ nene mbee, yameaĩa, ĩkyasya, Endai mũkũne andũ ala matwĩe Yavesi‐ngileati kwa kũmatemanga na ũvyũ, vamwe na aka na syana nini.
11
Na ũndũ ũla mwĩĩka nĩw’o ũũ: mũkanange vyũ kĩla mũndũ mũũme, na kĩla mũndũ mũka ũla waakoma na mũndũ mũũme.
12
Na katĩ wa andũ ala matwĩe Yavesi‐ngileati meethĩa eĩtu atheu maana ana ala mataamanya mũndũ mũũme ũndũ wa kũkoma nake; na mamaete mwakonĩ wa maeema ku Silo, ĩla yĩ nthĩ ya Kanaani.
13
Na ĩkomano yonthe yatũmana na yaneena na ana ma Mbenyamini ala maĩ ĩvianĩ ya Limoni, na matavan’ya mũuo kwoo.
14
Na a Mbenyamini masyoka ĩvinda yĩu; na mamanenga ala eĩtu ala mamaekie me thayũ katĩ wa aka ma Yavesi‐ngileati: na vamwe na ũu matyaameanĩa.
15
Na andũ meelila ũndũ wa Mbenyamini, nũndũ Yeova nĩwĩkĩĩte ĩthenya katĩ wa mbaĩ sya Isilaeli.
16
Nĩvo ĩndĩ atumĩa ma ĩkomano maisye, Twĩĩka ata nĩ kana tũmonee ala matiele aka, nũndũ aka ma Mbenyamini nĩ oae?
17
Na masũngĩana, No mũvaka vethĩwe ũtiĩwa ũndũ wa ala mathonokie ma Mbenyamini, nĩ kana mbaĩ ndĩkathele vyũ kwa Isilaeli.
18
Ĩndĩ ithyĩ tũtitonya kũmanenga aka kuma eĩtunĩ maitũ; nũndũ ana ma Isilaeli nĩmeeavĩte, makasya, Naumanĩwe ũla ũkanenga a Mbenyamini mũka.
19
Na masya, Sisyai, kwĩ mboka ya Yeova kĩla mwaka ku Silo, ĩla yĩ ngalĩ ya ĩũlũ ya Mbethi‐eli, ngalĩ ya wumĩlonĩ wa syũa ya lelũ ũla wambatĩte kuma Mbethi‐eli kũvika Sekemu, na ngalĩ ya ĩtheo ya Levona.
20
Na mameaĩa ana ma Mbenyamini, makĩmea, Endai mwoveesye mĩũndanĩ ya mĩsavivũ;
21
na, sisyai, ethĩwa eĩtu ma Silo nĩmekumaala makasũnge mbathinĩ, nĩvo ĩndĩ mwĩuma mĩũndanĩ ya mĩsavivũ, na ĩyoseei kĩla mũndũ mũka kuma eĩtunĩ ma Silo, na mũkĩthi nthĩ ya Mbenyamini.
22
Na kũkeethĩwa, yĩla aaĩthe kana ana‐a‐inyia moo meũka kũteta kwitũ, tũkamea, Tũnengei mo kwa mwaĩa; nũndũ tũkyũkita tũtyaatialĩlya kĩla mũndũ woo mũka, o na ti inyw’ĩ mũmanenganĩte kwoo; kethĩwa nĩ ũu, yu mwĩthĩwa mwĩ avĩtan’ya.
23
Na ana ma Mbenyamini meeka ũu, na meeyosea aka, kwĩanana na ũtalo woo, kuma kwa asu masũngaa, namo mamatwaa: na mathi masyoka ũtiĩwanĩ woo, na matũngĩĩa i ndũa, na maitũa.
24
Na ana ma Isilaeli mauma vau ĩvindanĩ yĩu, kĩla mũndũ akĩthi mbaĩnĩ yake na mũvĩanĩ wake, nao mauma vo kĩla mũndũ akĩthi ũtiĩwanĩ wake.
25
Mĩthenyanĩ ĩsu kũtyaĩ mũsumbĩ nthĩnĩ wa Isilaeli: kĩla mũndũ eekaa ũndũ wonaa wĩ ũseo.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21