bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 18
Judges 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Mĩthenya ĩsu kũtyaĩ mũsumbĩ nthĩnĩ wa Isilaeli: na mĩthenya ĩsu mbaĩ ya Andani meemanthĩa ũtiĩwa matũae; nũndũ kũvika mũthenya ũsu ũtiĩwa woo ndwaĩ ũnamba ũmavalũkĩla mbaĩnĩ sya Isilaeli.
2
Na ana ma Ndani matũma andũ atano ma mũvĩa woo kuma ũtalonĩ woo w’onthe, andũ ngũmbaũ, kuma ku Nzola, na kuma Esitaoli, nĩ kana mathĩane nthĩ ĩsu, na kũmĩkuũa; na mamea, Endai, mũkakuũe nthĩ ĩsu. Nao mavika nthĩ yĩ ĩĩma ya Evalaimu, nyũmbanĩ ya Mika, na makoma vo.
3
Me vakuvĩ na nyũmba ya Mika, mamanya wasya wa ũla mwanake Mũlivai; nao meelelũkĩla vo, na mamũkũlya, Nũũ wakũetie kũũ? Na wĩĩka ata vaa? Na wĩ na kyaũ vaa?
4
Nake amea, Ũũ na ũũ nĩw’o Mika ũmbĩkĩte, na nũnandĩkĩte, nakwa nĩndw’ĩkĩte mũthembi wake.
5
Na mamwĩa, Nĩtũũkwĩsũva, mũkũlye Ngai, nĩ kana tũmanye kana nzĩa ĩla tũkwete kana ĩkaathimĩka.
6
Na mũthembi amea, Endai na mũuo: nzĩa ĩla mũkwete Yeova nũmyene.
7
Nĩvo ĩndĩ ala andũ atano maendie, na mavika Laisa, na moona andũ ala maĩ nthĩnĩ wayo, ũndũ matũaa meyelele, o tondũ Asitoni matwĩe, mauĩtye na meyelele; nũndũ kũtyaĩ mũndũ nthĩnĩ wa nthĩ ĩsu waĩ na ũtonyi ũla waĩ amasonokya ũndũnĩ o na wĩva, namo maĩ kũasa na Asitoni, na matyaĩ na ũndũ na mũndũ o na wĩva.
8
Na mavika kwa ana‐a‐inyia moo ku Nzola na Esitaoli: na ana‐a‐inyia mamakũlya, Mwĩasya ata?
9
Na mamea, Ũkĩlai, twambatei tũkokite nao; nũndũ nĩtũmyonete nthĩ ĩsu, na lĩlĩĩ, nĩ nzeo mũno: nenyu nĩmũkilĩtye? Mũtikethĩwe atulu wa kũthi na kũlika nĩ kana mũmĩmesye.
10
Yĩla mwĩthi, mũkavika kwa andũ meyelele, na nthĩ ĩsu nĩ nene; nũndũ Ngai nũmĩnenganĩte mokonĩ menyũ, vandũ vataaa kĩndũ o na kĩva kĩ kũũ nthĩ.
11
Na kw’o kwauma andũ maana thanthatũ mekĩe mĩio ya kaũ ma mũvĩa wa Andani, kuma ku Nzola, na kuma Esitaoli.
12
Na mambata, na mamba maeema ku Kiliathi‐yealimu, nthĩnĩ wa Yuta: kwondũ wa ũu maveta vandũ vau Maane‐ndani kũvika ũmũnthĩ; sisya, yĩ ĩtina wa Kiliathi‐yealimu.
13
Na mavĩta kuma ku mavika nthĩ yĩ iĩma ya Evalaimu, na mavika nyũmbanĩ ya Mika.
14
Nĩvo ĩndĩ ala andũ atano ala maendie kũthiana nthĩ ya Laisa masũngĩie na mamea ana‐a‐ĩthe moo, Nĩmwĩsĩ kana nyũmbanĩ ii ve evoti, na telavimu, na mũvw’anano mwasũvye, na mũvw’anano ũseũvĩtw’e na syĩndũ matwekethetye? Yu ĩndĩ sũanĩai ũndũ mũkwĩka.
15
Nao meelelũkĩĩla vo, na mavika nyũmbanĩ ya ũla mwanake Mũlivai, o nyũmbanĩ ya Mika, na mamũkũlya ũvoo wake.
16
Na ala andũ maana thanthatũ mekĩe mĩio ya kaũ, ala maĩ ma ana ma Ndani, maũngama ũlikĩlonĩ mbingĩlonĩ.
17
Na ala andũ atano ala maendie kũthiana ĩla nthĩ mambata, na malika vo nthĩnĩ, na moosa ũla mũvw’anano mwasũvye, na yĩla evoti, na ila telavimu, na ũla mũvw’anano ũseũvĩtw’e na syĩndũ matwekethetye: na ũla mũthembi aũngama ũlikĩlonĩ mbingĩlonĩ vamwe na ala andũ maana thanthatũ mekĩe mĩio ya kaũ.
18
Na yĩla asu malikile nyũmbanĩ ya Mika, na kũete mũvw’anano mwasũvye, na yĩla evoti, na ila telavimu, na ũla mũvw’anano ũseũvĩtw’e na syĩndũ matwekethetye, ũla mũthembi amakũlya, Mwĩĩka ata inyw’ĩ?
19
Nao mamwĩa, Vindya, kunĩka kanyw’a waku na kw’oko, na ũithi naitũ, wĩthĩwe ĩthe na mũthembi kwitũ: ũu nĩw’o kavaa kwaku kwĩthĩwa mũthembi wa nyũmba ya mũndũ ũmwe, kana kwĩthĩwa mũthembi wa mbaĩ na mũvĩa nthĩnĩ wa Isilaeli?
20
Na ngoo ya mũthembi yatana, nake oosa yĩla evoti, na ĩla telavimu, na ũla mũvw’anano mwasũvye, na alika andũnĩ asu.
21
Na ĩndĩ meethyũũa na maenda, na matongosya syana ila nini o na indo na mĩio.
22
Na yĩla maĩ kũasa na nyũmba ya Mika, andũ ala matwĩe nyũmbanĩ ila syaĩ vakuvĩ na nyũmba ya Mika moombana vamwe, na maatĩĩa ana ma Ndani mamakwata.
23
Na mamanĩĩsya ana ma Ndani. Nao mathyũũa mothyũ moo, na mamũkũlya Mika, Wĩ na ũndũ mwaũ, ũndũ wooka na nguthu yĩana ũu?
24
Nake asya, Inyw’ĩ nĩmwosie ngai ila naseũvisye, na mũthembi, nenyu nĩmũendete, nakwa nĩ na kĩngĩ kyaũ? Na nĩkĩ ĩndĩ mũũngũlya, Wĩ na ũndũ mwaũ?
25
Na andũ ma Ndani mamwĩa, Wasya ũsu waku ndũkew’ĩke katĩ waitũ, ala me na ũthatu maikese ũkũthũũmũkĩa, naku ũkyasya thayũ waku, vamwe na mathayũ ma andũ ma nyũmba yaku.
26
Na ana ma Ndani meendea: na yĩla Mika wonie kana me na vinya kwĩ we, eethyũũa na asyoka nyũmbanĩ yake.
27
Namo matwaa kĩla Mika waseũvĩtye, na ũla mũthembi waĩ nake, na mavika Laisa, kwa andũ mauĩtye na meyelele, na mamakũna kwa kũmatemanga na ũvyũ; na mavĩvya ĩ ndũa na mwaki
28
Na kũtyaĩ mũvonokya, nũndũ yaĩ kũasa na Sitoni, nao matyaĩ na ũndũ na mũndũ o na wĩva; nayo yaĩ mwandanĩ ũla wĩ vakuvĩ na Mbethi‐leovu. Na maaka ndũa, na mamĩtũa.
29
Na meeta syĩtwa ya ndũa ĩsu Ndani, kũatĩĩa syĩtwa ya ĩthe woo Nadni, ũla wasyaiwe nĩ Isilaeli: ĩndĩ syĩtwa ya ĩla ndũa mbee yeetawa Laisa.
30
Na ana ma Ndani meeũngamĩsya ũla mũvw’anano mwasũvye; na Yonathani, mwana wa Ngelisoni, mwana wa Mose, we na ana make maĩ athembi kwa mbaĩ ya Ndani kũvika mũthenya wa kũtavwa kwa nthĩ ĩsu.
31
Na ĩndĩ meeũngamĩsya mũvw’anano mwasũvye wa Mika ũla waseũvĩtye, ĩvinda yonthe yĩla nyũmba ya Ngai yaĩ Silo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21