bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 9
Judges 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
Na Avimeleki mwana wa Yelumbaali athi Sekemu kwa aaĩnaũme, na aneena namo, o na mũvĩa w’onthe wa nyũmba ya ĩthe wa inyia, akĩmea,
2
Nĩngũmwĩsũva, neenai matũnĩ ma andũ onthe ma Sekemu atĩĩ, Ũla ũseo kwenyu nĩ wĩva, nĩ ana onthe ma Yelumbaali, me mĩongo mũonza mamũsumbĩke, kana ũmwe amũsumbĩke? O na lilikanai kana nĩ ĩvĩndĩ yenyu na mwĩĩ wenyu.
3
Na mbaa ĩnaũme maneena ndeto ĩsu syonthe ũndũ wake matũnĩ ma andũ onthe ma Sekemu: na ngoo syoo syenda kũatĩĩa Avimeleki; nũndũ maisye, We nĩ mwana‐a‐inyia waitũ.
4
Na mamũnenga ilungu sya vetha mĩongo mũonza kuma nyũmbanĩ ya Mbaali‐mbelithi, ila Avimeleki watuvie andũ mate kĩĩĩ na ma mana, namo mamũatĩĩa.
5
Na athi nyũmbanĩ ya ĩthe ku Ovala, na ooaĩa ana‐a‐ĩthe make ana ma Yelumbaali ĩvianĩ yĩmwe, me andũ mĩongo mũonza: ĩndĩ Yothamu ĩlumaita ya Yelumbaali nĩyatiiwe; nũndũ nĩyeevithie.
6
Na andũ onthe ma Sekemu moombana vamwe, na nyũmba yonthe ya Milo, na mathi na mamũtw’ĩkĩthĩsya Avimeleki mũsumbĩ, ũtee wa mũtĩ wa mwaloni wa kĩtuĩ kĩla kyaĩ Sekemu.
7
Na yĩla mamũtavisye Yothamu, athi na aũngama mũtumbĩnĩ wa kĩĩma kya Ngelisimu, na ookĩlya wasya wake, na anĩĩsya, na amea, Mbĩthukĩĩsyaĩ, inyw’ĩ andũ ma Sekemu, nĩ kana Ngai amwĩthukĩĩsye.
8
Ĩvinda yĩmwe mĩtĩ nĩyaendie kwĩtĩkĩsya ũmwe mauta wĩthĩwe mũsumbĩ wayo; na yeea mũthata, Tũsumbĩke.
9
Ĩndĩ mũthata wamĩtavya, Nĩnaĩle kũtia mauta makwa, ala mataĩĩthasya Ngai o na andũ namo kwondũ wakwa, na ngĩthi kwĩyeeekangasya kũũ na kũũ ĩũlũ wa mĩtĩ?
10
Na mĩtĩ yeea mũkũyũ, Ũka we, ũtũsumbĩke.
11
Ĩndĩ mũkũyũ wamĩtavya, Nĩnaĩle kũtia mũyo wakwa, na ũsyao wakwa mũseo, na ngĩthi kwĩyeeekangasya kũũ na kũũ ĩũlũ wa mĩtĩ?
12
Na mĩtĩ yeea mũsavivũ, Ũka we, ũtũsumbĩke.
13
Na mũsavivũ wamĩtavya, Nĩnaĩle kũtia mbinyu yakwa mbĩthĩ, ĩla ĩtanĩthasya Ngai na mũndũ, na ngĩthĩ kwĩyeeekangasya kũũ na kũũ ĩũlũ wa mĩtĩ?
14
Nĩvo ĩndĩ mĩtĩ yonthe yatavisye mũtae, Ũka we, ũtũsumbĩke.
15
Na mũtae watavya mĩtĩ, Ethĩwa nĩv’o nĩmũũmbĩtĩkisya mauta nĩthĩwe mũsumbĩ wenyũ, yu ĩndĩ ũkai mwĩvithe muunyĩnĩ wakwa; na ethĩwa ti ũu, mwaki nĩwume mũtaenĩ ũvĩvye mĩkũũ ya Levanoni.
16
Na yu ĩndĩ, ethĩwa nĩmwĩkĩte w’o na ũlũngalu, kũmũtw’ĩkĩthya Avimeleki mũsumbĩ, na ethĩwa nĩmwĩkĩte Yelumbaali na nyũmba yake nesa, na nĩmũmwĩkĩte kwĩanana na ũndũ moko make maĩlĩtwe
17
(nũndũ nau nĩwamũkitĩe, na alikya thayũ wake mũisyonĩ, na amũvonokya kuma kw’okonĩ kwa Mitiani:
18
nenyu nĩmũmyũkĩlĩĩle nyũmba ya nau mũnthĩ ũũ, na mwooaĩa ana make, andũ mĩongo mũonza, ĩvianĩ yĩmwe, na mwatw’ĩkĩthya Avimeleki, mwana wa mũthũkũmi wake mwĩĩtu, mũsumbĩ wa andũ ma Sekemu, nũndũ nĩ mwĩvae wenyu);
19
ethĩwa ĩndĩ nĩmwĩkĩte Yelumbaali na nyũmba yake w’o na ũlũngalu mũnthĩ ũũ, tanĩaĩ ĩndĩ Avimeleki, o nake namũtanĩe:
20
ĩndĩ ethĩwa ti ũu, mwaki nĩwume kwa Avimeleki, na ũivivya andũ ma Sekemu, na nyũmba ya Milo; na mwaki nĩwume kwa andũ ma Sekemu, na kuma nyũmbanĩ ya Milo, na ũivĩvya Avimeleki.
21
Na Yothamu asemba, na akĩa, na athi Mbeeli, na atũa kw’o, nũndũ wa kũkĩa Avimeleki, mwana‐a‐ĩthe.
22
Na Avimeleki aĩ mũnene wa Isilaeli myaka ĩtatũ.
23
Na Ngai atũma veva mũthũku katĩ wa Avimeleki na andũ ma Sekemu; na andũ ma Sekemu mamwĩka Avimeleki naĩ na ũkengani:
24
nĩ kana ũla ũng’endu weekiwe andũ mĩongo mũonza ma Yelumbaali wũke, na nĩ kana nthakame syoo syilĩĩlwe ĩũlũ wa Avimeleki mwana‐a‐ĩthe woo, ũla wamoaie, na ĩũlũ wa andũ ma Sekemu, ala meekĩie moko make vinya oae ana‐a‐ĩthe.
25
Na andũ ma Sekemu maia oveesya mĩtumbĩnĩ ya iĩma, namo mamavutaa onthe ala mavĩtĩlaa nzĩanĩ ĩsu vakuvĩ namo; na Avimeleki atavw’a.
26
Na Ngaali mwana wa Eveti ooka na ana‐a‐ĩthe, na athi Sekemu; na andũ ma Sekemu maia wĩkwatyo woo kwake.
27
Na mauma mathi mĩũndanĩ, na maketha mĩũndanĩ yoo ya mĩsavivũ, na maanga nzavivũ, na mavoka mboka, na mathi nyũmbanĩ ya ngai yoo, na maya na manyw’a, na mamũumanĩa Avimeleki.
28
Na Ngaali mwana wa Eveti asya, Avimeleki nũũ, na Sekemu nũũ, kana tũmũthũkũme? Ti mwana wa Yelumbaali? Na Nzevuli mũnene wa kwake? Thũkũmai andũ ma Amolu ĩthe wa Sekemu: ĩndĩ twĩmũthũkũma nĩkĩ?
29
Nenda kethĩwa andũ aa me kw’okonĩ kwakwa! Nĩvo ĩndĩ nĩthĩwa nĩmũveta Avimeleki. Na amwĩa Avimeleki, Ongela ita syaku, nokyumaala.
30
Na yĩla Nzevuli mũsumbĩki wa ndũa wewie ndeto sya Ngaali mwana wa Eveti, ũthatu wake wakana.
31
Na atũma atũmwa na ũseleke kwa Avimeleki, makamwie, Sisya, Ngaali mwana wa Eveti na ana‐a‐ĩthe nĩmokĩte Sekemu; na sisya, nĩmekũingĩanĩsya ndũa nĩ kana ĩkũalyũkĩle.
32
Na yu kwondũ wa ũu, ũkĩla ũtukũ, we na andũ ala me naku, na mũkoveesye kĩthekanĩ:
33
na kũkeethĩwa kĩoko, o syũa yauma, wĩũkĩla tene, na kũvithũkĩa ĩ ndũa; na, sisya, yĩla we na andũ ala me nake meumaala kũkita naku, ũkatonya kũmeka o kwĩanana na ũndũ wĩona mwanya.
34
Na Avimeleki ookĩla ũtukũ, na andũ onthe ala maĩ nake, na me nguthu inya mooveesya andũ ma Sekemu.
35
Na Ngaali mwana wa Eveti aumaala, na aũngama ũlikĩlonĩ mbingĩlonĩ ya ndũa: na Avimeleki na andũ ala maĩ nake mookĩla kuma vala moveesye.
36
Na yĩla Ngaali wonie andũ, amwĩa Nzevulĩ, Sisya, nĩkũtheeete andũ kuma mĩtumbĩnĩ ya iĩma. Na Nzevuli amwĩa, Wĩona muunyĩ ya iĩma ũkasya nĩ andũ.
37
Na Ngaali aneena ĩngĩ na asya, Sisya, nũkũtheeete andũ mavĩtĩle ĩ nthĩ katĩ, na nguthu ĩmwe yĩsĩle nzĩanĩ ya mũtĩ wa mwaloni wa Meonenimu.
38
Nĩvo ĩndĩ Nzevuli wamwĩie, Ũĩva yu ĩndĩ kanyw’a waku, ũndũ waisye, Avimeleki nũũ, kana tũmũthũkũme? Aa ti ũko wa andũ ala ũvũthĩtye? Nĩngũkwĩsũva, umaala yu wũkite namo.
39
Na Ngaali aumaala e mbee wa andũ ma Sekemu, na okita na Avimeleki.
40
Na Avimeleki amũkũa, na Ngaali akũkĩa mbee wake, na kwavalũkw’a aingĩ okite, o kũvika ũlikĩlonĩ mbingĩlonĩ.
41
Na Avimeleki atũa Aluma: na Nzevuli alũngya Ngaali na ana‐a‐ĩthe matikatũe Sekemu.
42
Na kweethĩwa ũnĩ ũsu, andũ maumaala mathi kĩthekanĩ; na matavya Avimeleki.
43
Na oosa andũ na amaaan’ya nguthu itatũ, na ooveesya kĩthekanĩ; na asisya, na, sisya, andũ maumaala kuma ndũanĩ; na amokĩlĩĩla, na amakũna.
44
Na Avimeleki, na nguthu ila syaĩ nake, makuthũka na vĩnya, na maũngama ũlikĩlonĩ mbingĩlonĩ ya ndũa: na ila nguthu ilĩ syakuthũkĩa ala maĩ kĩthekanĩ, na syamakũna.
45
Na Avimeleki okita na andũ ma ndũa ĩsu mũthenya ũsu w’onthe; na akwata ĩ ndũa, na ooaa andũ ala maĩ nthĩnĩ: na aomboanga ĩ ndũa, na amĩvũĩa mũnyũ.
46
Na yĩla andũ onthe ma mwako mũtũlu wa mũnyoolo wa Sekemu meewĩe ũvoo ũsu, malĩka ngomenĩ yĩ vinya ya nyũmba ya Elimbelithi.
47
Na Avimeleki atavw’a kana andũ onthe ma mwako mũtũlu wa mũnyoolo wa Sekemu nĩmombanĩte vamwe.
48
Na Avimeleki ambata kĩĩmanĩ kya Nzalĩmoni, we na andũ onthe ala maĩ nake; na Avimeleki oosa ĩthoka na kw’oko kwake, na atema ũvonge mĩtĩnĩ, na oosa awilĩĩla, kĩtuo: na eea andũ ala maĩ nake, Ũndũ mwoona neeka, ĩkalaatei, mwĩke o ũndũ neeka.
49
Na andũ asu onthe matema o take kĩla mũndũ ũvonge wake, na maatĩĩa Avimeleki, na masyĩkĩa ngomenĩ yĩ vinya, na makwatya ngome ĩsu yĩ vinya mwaki vala ve asu; kwondũ wa ũu andũ onthe ma mwako mũtũlu wa mũnyoolo wa Sekemu namo makw’a, aũme na aka ta ngili ĩmwe.
50
Nĩvo ĩndĩ Avimeleki waendie Thevesi, na amba maeema ataũĩĩe Thevesi, na amĩkwata.
51
Ĩndĩ kwaĩ mwako mũtũlu wa mũnyoolo wĩ winya nthĩnĩ wa ĩ ndũa, na aũme na aka onthe, na onthe ma ĩ ndũa, makĩĩĩa vo, na meevingĩa nthĩnĩ, na matũla kĩalanĩ kya ũla mwako mũtũlu wa mũnyoolo.
52
Na Avimeleki avika vala ve ũ mwako mũtũlu wa mũnyoolo, na awũkita, na athengeea mũomo wa ũ mwako mũtũlu wa mũnyoolo nĩ kana ovĩvye na mwaki.
53
Na mũndũ mũka ũmwe alekya nthio ya ĩvia mũtwenĩ wa Avimeleki, na amũvevenza kĩng’ala kyake.
54
Nĩvo ĩndĩ wetie na mĩtũkĩ mwanake ũla wamũkuĩaa mĩio yake ya kaũ, na amwĩa, Kũa ũvyũ waku, ũmbũae, nĩ kana andũ matikaaneene ũndũ wakwa, Mũndũ mũka nĩwamũaie. Na mwanake wake amũtonya mũkuthũ, na akw’a.
55
Na yila andũ ma Isilaeli moonie kana Avimeleki nĩwakw’a, mathi kĩla mũndũ kwake.
56
Ũu nĩw’o Ngai wamũĩvie Avimeleki ũthũku wake, ũla wekie ĩthe, ũndũ wa kũaa ana‐a‐ĩthe mĩongo mũonza;
57
na Ngai nĩwaĩvanĩĩsye ũthũku w’onthe wa andũ ma Sekemu mĩtwenĩ yoo: na kĩumo kya Yothamu mwana wa Yelumbaali nĩkyamakwatie.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21