bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 16
Judges 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
Na Samusoni athi Ngasa, na oona ĩlwaya vo, na alika kwayo.
2
Na Angasa matavw’a, kũkyaw’a, Samusoni nĩ mũku kũũ. Na mamũthyũlũlũka mamũvinganĩsya nthĩnĩ, na mamwoveesya mbingĩlonĩ ya ndũa ũtukũ w’onthe, na nĩmakilĩtye ũtukũ w’onthe, makyasya, Tweteele kũvika masũilũnĩ, na ĩndĩ tũkĩmũaa.
3
Na Samusoni akoma mũvaka ũtukũ katĩ, na ookĩla ũtukũ katĩ, na akwata mĩomo ya mbingĩlo ya ĩ ndũa, na ila itũi ilĩ, na aikũanĩsya vamwe na kĩvingi, na asilĩĩla ituonĩ syake, na aikua asyambatya mũtumbĩnĩ wa kĩĩma kĩla kyelekele Eviloni.
4
Na kweethĩwa ĩtina, amwenda mũndũ mũka wĩ mwandanĩ wa Soleki, ũla wetawa syĩtwa yake Ndelila,
5
Na eaĩi ma Avilisiti mambata kwake, na mamwĩa, Mũsengasenge, ũmanye vala vinya wake mũnene ũĩ, na ũndũ tũtonya kũmũkĩlya vinya, nĩ kana tũmwove tũmũthĩn’ye: na tũkakũnenga kĩla ũmwe waitũ ilungu sya vetha ngili ĩmwe na ĩana yĩmwe.
6
Na Ndelila eea Samusoni, Nĩngũkwĩsũva, ndavya vala vinya waku mũnene ũĩ, na ũtonya kwovwa na kyaũ ũkathĩnw’e.
7
Na Samusoni amwĩa, Ethĩwa nĩmeũmbova na ndii mũonza nzĩũ ila ite mbovu, nĩvo nĩaa vinya, na ngeethĩwa o ta mũndũ ũngĩ.
8
Nĩvo ĩndĩ eaĩi ma Avilisiti mamũetee ndii mũonza nziũ ite mbovu, na amwova nasyo.
9
Na ĩndĩ aĩ na oveesya mekalĩte kasũmbanĩ ka nthĩnĩ. Na amwĩa, Avilisiti nĩmeũkũkwata, Samusoni. Nake atw’a ndii isu, o ta ũlii wa katane ũndũ ũtw’ĩ kaa wakiita mwaki. Kwondũ wa ũu vinya wake ndwaamanyĩka.
10
Na Ndelila eea Samusoni, Sisya, nũnambũĩa ngũĩ, na ũnandavya movũngũ: na nĩngũkwĩsũva, ndavya yu ũtonya kwovwa na kyaũ.
11
Nake amwĩa, Ethĩwa nomambova na makanda meũ ki ala mataaova kĩndũ, nĩvo nĩaa vinya na ngeethĩwa o ta mũndũ ũngĩ.
12
Na ĩndĩ Ndelila oosa makanda meũ, na amwova namo, na amwĩa, Avilisiti nĩmeũkũkwata, Samusoni. Na ala oveesya mekalĩte kasũmbanĩ ka nthĩnĩ. Nake amatw’a mauma mokonĩ make o ta kaũlii.
13
Na Ndelila amwĩa Samusoni, Kũvika o na yu ũmbũĩaa ngũĩ, na kũndavya movũngũ: ndavya ũtonya kwovwa na kyaũ. Nake amwĩa, Ethĩwa ũkatumanĩsya ithũkũ ii mũonza sya nzw’ĩĩ sya mũtwe wakwa na ndii sya kĩtumi.
14
Na ailũman’ya mũno na kyambo, na amwĩa, Avilisiti nĩmeũkũkwata, Samusoni. Na aamũka kuma toonĩ, na akũa kyambo kya mũamba, na ndii sya kĩtumi.
15
Nake amwĩa, Ũtonya ũneena ata, Nyie nĩngwendete, yĩla ngoo yaku ĩte vamwe nakwa? Nũmbũĩĩte ngũĩ mavinda asu atatũ, na ndũneendavya vala vinya waku mũnene ũĩ.
16
Na kweethĩwa, yĩla wamũthingĩĩsye na ndeto syake kĩla mũthenya na kũmũthetheesya, ngoo yake yanyamaa yesa ũkw’a.
17
Nake amũtavya ũndũ wĩ ngoonĩ yake w’onthe, na amwĩa, Wenzĩ ndwaavika mũtwe kwakwa; nũndũ nekalile nĩ Mũnasili kwa Ngai kuma nĩ ĩvunĩ ya mwaitũ: ethĩwa ngeenzwa, nĩvo vinya wakwa wĩuma kwakwa, nakwa ngatw’ĩka mwonzu, na ngeethĩwa o ta mũndũ ũngĩ.
18
Na yĩla Ndelila wonie kana nĩwamũtavya w’onthe ũla wĩ ngoonĩ yake, atũmana ete eaĩi ma Avilisiti, akĩmea, Ambatai o ĩvinda yĩĩ yĩmwe, nũndũ nĩwandavya w’onthe ũla wĩ ngoonĩ yake. Nĩvo ĩndĩ eaĩi ma Avilisiti mambatie vala ũĩ, na maete ila mbesa na moko moo.
19
Nake amũkomya too maũũnĩ make; na eeta mũndũ, nake asyenza ila ithũkũ mũonza sya mũtwe wake; na ambĩlĩlya kũmũthĩn’ya, na vinya wake wamuma.
20
Na asya, Avilisiti nĩmeũkũkwata, Samusoni. Nake aamũka kuma toonĩ, na asya, Nyie nĩngumaala o ta mavinda ala angĩ, na kwĩvuunza. Ĩndĩ ndaamanya kana Yeova nĩwamũtia.
21
Na Avilisiti mamũkwata, na mamũvũthũanga metho; na mamũtheesya Ngasa, na mamwĩkĩa mbĩngũ sya ũthuku; nake athiĩaa nyũmbanĩ ya kolokolo.
22
Indĩ nzw’ĩĩ sya mũtwe wake syambĩlĩlya kwĩana ĩngĩ ĩtina wa eenzwa.
23
Na ala eaĩi ma Avilisiti moombana vamwe nĩ kana mamũthembee Ndakoni ngai yoo nthembo nene, na kũtana; nũndũ maasya, Ngai yaitũ nĩnenganĩte Samusoni mũmaitha waitũ mokonĩ maitũ.
24
Na yĩla andũ mamwonie, mataĩa ngai yoo; nũndũ maisye, Ngai yaitũ nĩnenganĩte mũmaitha waitũ mokonĩ maitũ na mwanangi wa nthĩ yaitũ, ũla woaie aingĩ maitũ.
25
Na kweethĩwa, yĩla ngoo syoo syatana, masya, Mwĩtei Samusoni, nĩ kana atũthaũkĩe. Nao mamwĩta Samusoni kuma nyũmbanĩ ya kolokolo; nake amathaũkĩa. Na mamũũngamya katĩ wa ituĩ:
26
na Samusoni eea kĩla kĩmwana kyamũkwete kw’oko, Ndekya nĩkwatange ituĩ ila iũngamĩtye nyũmba ĩno, nĩ kana nĩsyaĩĩe.
27
Na ĩndĩ nyũmba ĩsu yausũĩte aũme na aka; na eaĩi onthe ma Avilisiti maĩ vo; na kwaĩ aũme na aka ta ngili itatũ kĩalanĩ ĩũlũ, ala meloelaa Samusoni aithaũka.
28
Nake Samusoni amwĩkaĩla Yeova, na asya, Ame Mwĩaĩi Yeova, ndilikana, nĩngũũvoya, na mbĩkĩa vinya, nĩngũũvoya, o ĩvinda yĩĩ yoka, ame Ngai, nĩ kana nĩyĩĩvanĩsye o ĩmwe kwa Avilisiti nũndũ wa metho makwa elĩ.
29
Na Samusoni akwata ila ituĩ ilĩ sya katĩ ila syaũngamĩtye nyũmba ĩsu, na ailuuta, kĩmwe na kw’oko kwake kwa aũme, na kĩla kĩngĩ na kw’oko kwake kwa aka.
30
Na Samusoni asya, Eka nĩkw’e vamwe na Avilisiti. Nake eenyitĩĩa na vinya wake w’onthe; na nyũmba yavalũkĩla ala eaĩi, na andũ onthe ala maĩ nthĩnĩ wayo. Kwondũ wa ũu akw’ũ ala woaie aikw’a nĩ aingĩ kwĩ ala woaĩte e thayũ.
31
Nĩvo ĩndĩ ana‐a‐inyia make na nyũmba yonthe ya ĩthe matheea, na mamwosa, na mamwambatya, na mamũthika katĩ wa Nzola na Esitaoli, vandũnĩ va mbũa va andũ ma Manoa, ĩthe wake. Nake asilanilye Isilaeli myaka mĩongo ĩlĩ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21