bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 14
Judges 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
1
Na Samusoni atheea Timina, na oona mũndũ mũka ku Timina wa eĩtu ma Avilisiti.
2
Na ambata, na atavya ĩthe na nyinyia, na amea, Nĩnonete mũndũ mũka ku Timina wa eĩtu ma Avilisiti: yu ĩndĩ ndwaĩai we ethĩwe kĩveti kyakwa.
3
Nĩvo ĩndĩ ĩthe na nyinyia mamũkũlilye, Kũti mũndũ mũka nongi katĩ wa eĩtu ma ana‐a‐au, kana andũnĩ makwa onthe, ũndũ ũkũthi kwa Avilisiti ala mate aĩke kũtwaa kĩveti? Na Samusoni amwĩa ĩthe, Ndwaĩa ũsu; nũndũ nũkũmbendeesya mũno.
4
Ĩndĩ ĩthe na nyinyia matyaamanya kana ũndũ ũsu waĩ wa Yeova; nũndũ nĩwamanthaa ũndũ kwa Avilisiti. Na ĩvinda yĩu Avilisiti nĩmasumbĩkĩte Isilaeli.
5
Na ĩndĩ Samusoni atheea Timina, e na ĩthe na nyinyia, na mavika mĩũndanĩ ya mĩsavivũ ya Timina: na, sisya, mũnyambũ wa mũika wamũtundumĩa.
6
Na Veva wa Yeova ooka ĩũlũ wake na vinya, na awatũan’ya o tondũ waĩ atũan’ya katena ka mbũi; na ndaĩ na kĩndũ kw’okonĩ kwake: ĩndĩ ndaatavya ĩthe kana nyinyia ũndũ weka.
7
Na atheea, na aneenan’ya na ũla mũndũ mũka; nake amwendeesya Samusoni mũno.
8
Na itinanga asyoka amũtwae; na aathũka asisye kĩla kimba kya mũnyambũ: na, sisya, vaĩ kĩthuĩ kya nzũkĩ nthĩnĩ wa kimba kya ũla mũnyambũ, na ũkĩ wa nzũkĩ.
9
Na atwa na moko make, na athi, akĩya o aendete; na avika vala ve ĩthe na nyinyia, na amanenga, na maya; ĩndĩ ndaamatavya kana aumya ũkĩ ũsu wa nzũkĩ kimbanĩ kya mũnyambũ.
10
Na ĩthe atheea kwa ũ mũndũ mũka: na Samusoni avoka mboka e kw’o; nũndũ nĩw’o anake meekaa.
11
Na kweethĩwa, yĩla mamwonie, mamũetee amũtindya mĩongo ĩtatũ methĩwe nake.
12
Na Samusoni amea, Ekai yu, nĩmũkwatye ndaĩ: ethĩwa nĩmũtonya kũmĩndavya katĩ wa mĩthenya ĩsu mũonza ya mboka, na mũkĩmĩmanya, nĩvo nĩmũnenga ngũa mĩongo ĩtatũ sya katane na ngũa ingĩ mĩongo ĩtatũ sya ũkũan’ya;
13
ĩndĩ ethĩwa mũtitonya kũndavya yo, nĩvo mwĩnenga ngũa mĩongo ĩtatũ sya katane na ngũa ingĩ mĩongo ĩtatũ sya ũkũan’ya. Na mamwĩa, Kwatan’ya ndaĩ yaku, nĩ kana tũmĩw’e.
14
Na amea, Kuma kwa ũla ũĩsaa kwaumie kya ũya, Na kuma kwa ũla wĩ vinya kwaumie mũyo. Na matyaatonya kũmĩtavan’ya ĩ ndaĩ katĩ wa mĩthenya ĩsu ĩtatũ.
15
Na kweethĩwa mũthenya wa mũonza, meea mũka wa Samusoni, Sengasenga mũemeu, nĩ kana atũtavye ĩla ndaĩ, tũtikese ũkũvĩvya na mwaki we na nyũmba ya au: kau mũinatwĩtaa mũtũvute? Ũu ti w’o?
16
Na mũka wa Samusoni aĩa e mbee wake, na amwĩa, Noũmenete, na ndũmbendete: nũkwatĩtye ana ma andũ makwa ndaĩ na ndũneemĩndavya. Na amwĩa, Sisya, ndineemĩtavya nau kana mwaitũ, na nĩkũtavya we?
17
Na aĩa e mbee wake mĩthenya mũonza, ĩla yaĩ ya mboka yoo: na kweethĩwa mũthenya wa mũonza amũtavya, nũndũ amũthing’ĩĩsye mũno; nake amatavya ana ma andũ make ĩ ndaĩ.
18
Na andũ ma ĩ ndũa mũthenya ũsu wa mũonza syũa yĩtanathũa mamũkũlya, Nĩ kyaũ kĩ mũyo kwĩ ũkĩ wa nzũkĩ? Na nĩ kyaũ kĩ vinya kwĩ mũnyambũ? Nake amea, Kethĩwa mũinenza na moi yakwa, Mũiĩthĩwa mũmanyie ndaĩ yakwa.
19
Na Veva wa Yeova ooka na vinya ĩũlũ wake, nake atheea Asikeloni, na akũna andũ mĩongo ĩtatũ ma vo, na oosa mũtavo woo, na amanenga ala mamũtavisye ĩla ndaĩ ngũa sya ũkũan’ya. Na ũthatu wake wakana, na ambata mũsyĩ kwa ĩthe.
20
Ĩndĩ mũka wa Samusoni anenganwe kwa mũtindan’ya wake, ũla watw’ĩte mũnyanyae.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21