bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 11
Judges 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
Na ĩndĩ Yevitha Mũngileati aĩ ngũmbaũ nene, nake aĩ mwana wa ĩlwaya: na Ngileati amũsyaa Yevitha.
2
Na kĩveti kya Ngileati kyamũsyaĩa ana; na yĩla ana asu ma kĩveti kyu meanie, malũngya Yevitha, na mamwĩa, We ndũkethĩwa na ũtiĩwa nyũmbanĩ ya ĩthe waitũ; nũndũ we wĩ mwana wa mũndũ mũka ũngĩ.
3
Nĩvo ĩndĩ Yevitha wamakĩie ana‐a‐ĩthe, na atũa nthĩ ya Tovu: na andũ mate kĩĩĩ malũman’ya na Yevitha, na mangangaa vamwe nake.
4
Na kweethĩwa ĩvinda yathela, ana ma Amimoni mavithũkĩa Isilaeli.
5
Na kweethĩwa, o yĩla ana asu ma Amimoni mavithũkĩaa Isilaeli, atumĩa ma Ngileati mathi kũmũlatya Yevitha kuma nthĩ ya Tovu;
6
na mamwĩa Yevitha, Ũka ũtw’ĩke mũnene waitũ, nĩ kana tũkite na ana ma Amimoni.
7
Na Yevitha amea atumĩa ma Ngileati, Inyw’ĩ mũtyamenie, na mwandũngya nyũmbanĩ ya nau? Na mwĩmbũkĩĩa yu kĩ yĩla mwĩ thĩnanĩ?
8
Na ala atumĩa ma Ngileati mamwĩa Yevitha, Kwondũ wa ũu ithyĩ yu nĩtũkwĩthyũũĩe ĩngĩ, nĩ kana ũthi naitũ, na kũkita na ana ma Amimoni; naku ũkeethĩwa mũtongoi waitũ ĩũlũ wa onthe ala matwĩe Ngileati.
9
Na Yevitha amea ala atumĩa ma Ngileati, Ethĩwa nĩmũũndũnga kwitũ ĩngĩ kũkita na ana ma Amimoni, na Yeova aimanengane kwakwa, ngeethĩwa mũtongoi wenyu?
10
Na atumĩa ma Ngileati mamwĩa Yevitha, Yeova akeethĩwa ngũsĩ katĩ waitũ; o kwĩanana na ndeto yaku now’o tũkeeka.
11
Na ĩndĩ Yevitha aendan’ya na atumĩa ma Ngileati, na andũ mamũtw’a mũtongoi na mũnene woo: na Yevitha aneenea ndeto syake syonthe mbee wa Yeova kũu Misiva.
12
Na Yevitha atũma atũmwa kwa mũsumbĩ wa ana ma Amimoni, akĩkũlya, Wĩ na ũndũ mwaũ nakwa, nĩ kana wũke kwakwa wũkite na nthĩ yakwa?
13
Na mũsumbĩ wa ana ma Amimoni asũngĩa ala atũmwa ma Yevitha, Nĩkwĩthĩwa Isilaeli nĩwosie nthĩ yakwa, yĩla wambatie kuma Misili, kuma Alinoni o kũvika Yavoki, na kũvika Yolotani: kwondũ wa ũu tũnga yu nthĩ isu na mũuo.
14
Na Yevitha atũma atũmwa ĩngĩ kwa mũsumbĩ wa ana ma Amimoni:
15
na amwĩa, Yevitha asya atĩĩ: Isilaeli ndaaosa nthĩ ya Moavi, kana nthĩ ya ana ma Amimoni;
16
ĩndĩ yĩla wambatie kuma Misili, na Isilaeli aendela weũnĩ kũvika Ũkanga Mũtune, na avika Katesi;
17
nĩvo ĩndĩ Isilaeli watũmie atũmwa kwa mũsumbĩ wa Etomu, akĩmwĩa, Nĩngũkwĩsũva, eka nĩvĩtĩle nthĩ yaku; ĩndĩ mũsumbĩ wa Etomu ndaaĩthukĩĩsya. Na o ta ũu atũmana kwa mũsumbĩ wa Moavi; nake ndaaĩtĩkĩla: na Isilaeli ekalanga Katesi.
18
Na ĩndĩ maendela weũnĩ, na mathyũlũlũka nthĩ ya Etomu, na nthĩ ya Moavi, na mavĩtĩla ngalĩ ya wumĩlonĩ wa syũa ya nthĩ ya Moavi, na mamba maeema mũingo ũla ũngĩ wa Alinoni: ĩndĩ matyaakĩla mũvaka wa Moavi, nũndũ Alinoni waĩ mũvaka wa Moavi.
19
Na Isilaeli atũma atũmwa kwa Sioni mũsumbĩ wa Aamoli, mũsumbĩ wa Esivoni; na Isilaeli amwĩa, Nĩtũũkwĩsũva, eka tũvĩtĩle nthĩ yaku tũvike kwakwa.
20
Ĩndĩ Sioni ndaaĩtĩkĩla Isilaeli akĩle mũvaka wake; ĩndĩ Sioni oomban’ya andũ make onthe, na mamba maeema ku Yaasa, na mokita na Isilaeli.
21
Na Yeova, Ngai wa Isilaeli, anengane Sioni na andũ make onthe kw’okonĩ kwa Isilaeli, namo mamakũna: kwondũ wa ũu Isilaeli mamesya nthĩ yonthe ya Aamoli, ala matwĩe nthĩ ĩsu.
22
Na moosa mũvaka w’onthe wa Aamoli, kuma Alinoni kũvika Yavoki, na kuma weũnĩ kũvika Yolotani, watw’ka woo.
23
Na yu ĩndĩ Yeova, Ngai wa Isilaeli, nĩwalũngilye Aamoli mbee wa andũ make Isilaeli, naku wĩmosa methĩwe maku?
24
Kĩla ngai yaku Kemosi yĩkũnenga kĩthĩwe kyaku we ndwĩosa? O ta ũu o ala Yeova Ngai waitũ ũlũngĩtye mbee waitũ, asu tũkamosa methĩwe maitũ.
25
Na yu wĩ mũseango kwĩ Mbalaki mwana wa Nzivoli, mũsumbĩ wa Moavi? Aatata kũkĩlan’ya vinya na Isilaeli, kana aokita namo?
26
Yĩla Isilaeli matwĩe Esivoni na tũtũla twayo, na Aloeli na tũtũla twayo, na ndũa syonthe ila syĩ ũtee wa Alinoni, myaka maana atatũ; nĩkĩ mũtyaaitũnga ĩvindanĩ yĩu?
27
Nyie ĩndĩ ndikũvĩtanĩsye, ĩndĩ we nũũmbĩka naĩ ũkyũkita nakwa: Yeova, ũla Mũsili, nĩethĩwe mũsili ũmũnthĩ katĩ wa ana ma Isilaeli na ana ma Amimoni.
28
Ĩndĩ mũsumbĩ wa ana ma Amimoni ndaaĩthukĩĩsya ndeto sya Yevitha ila wamũtwaĩe.
29
Nĩvo ĩndĩ Veva wa Yeova wookie ĩũlũ wa Yevitha, na avĩtĩla Ngileati na Manase, na avĩtĩla Misiva ya Ngileati, na kuma Misiva ya Ngileati avĩta avika kwa ana ma Amimoni.
30
Na Yevitha eevĩta wĩvĩto kwa Yeova, na amwĩa, Ethĩwa ũkamanengane ana ma Amimoni w’o kw’okonĩ kwakwa,
31
kũkeethĩwa o kĩla kĩumaala kuma mĩomonĩ ya nyũmba yakwa kĩnthaũe, yĩla nĩsyoka na mũuo kuma kwa ana ma Amimoni, kĩkeethĩwa kĩ kya Yeova, na ngakĩthemba kĩthĩwe nthembo ya kũvĩvw’a.
32
Na ĩndĩ Yevitha ainga kwa ana ma Amimoni akokite namo; na Yeova amanengane kw’okonĩ kwake.
33
Na amakũna kuma Aloeli kũvika Minithi, o ndũa mĩongo ĩlĩ, na kũvika Avelikelamimu, na ũai mũnene mũno. Kwondũ wa ũu ana ma Amimoni makĩlw’a vinya nĩ ana ma Isilaeli.
34
Na Yevitha ooka Misiva mũsyĩ kwake; na, sisya, mwĩĩtu wake aumaala amũthaũe e na tũthembe na akĩsũnga: nake asyaĩtwe e ũmwe; ate o we ndaĩ na mwana kana mwĩĩtu.
35
Na kweethĩwa, yĩla wamwonie, atembũanga ngũa syake, na asya, Ĩiaa, mwĩĩtu wakwa! Nĩwantheesya mũno, na wĩ ũmwe wa ala manthĩnasya; nũndũ nĩnamwathamĩsye Yeova kanyw’a wakwa, na nditonya kũalyũka.
36
Nake amwĩa, Nau, nĩwamwathamĩsye Yeova kanyw’a waku; mbĩka kwĩanana na ũndũ ũnaumie kanyw’anĩ waku, nũndũ Yeova nũnakũĩvanĩsye kwa amaitha maku, o ana ma Amimoni.
37
Na amwĩa ĩthe, Nĩkwe ũũ: ndeka vandũ va myei ĩlĩ, nĩ kana nĩthi na kwanganga iĩmanĩ, na ngĩĩĩa wĩĩtu wakwa, nyie na atindan’ya makwa.
38
Na amwĩa, Thi. Na amũeka athi vandũ va myei ĩlĩ: na athi, we na atindan’ya make, na aĩĩa wĩĩtu wake iĩmanĩ.
39
Na kweethĩwa myei ĩlĩ yathela, asyoka kwa ĩthe, ũla wamwĩkie kwĩanana na wĩvĩto wake ũla wevĩtĩte: na ndaamanya mũndũ mũũme. Na kyatw’ika kĩthĩo nthĩnĩ wa Isilaeli,
40
atĩ eĩtu ma Isilaeli makĩendaa o kĩla mwaka kũmũlilikana mwĩĩtu wa Yevitha ũla Mũngileati mĩthenya ĩna kila mwaka.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21