bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 3
Judges 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Na ĩndĩ ii nĩsyo mbaĩ ila Yeova watialilye atatae Isilaeli nasyo, o ala ma Isilaeli ala mataamanya makaũ onthe ma ku Kanaani;
2
no kana mosyaanĩo ma ana ma Isilaeli mamanyae, nĩ kana mamanyĩaw’e kũkita, na mũno mũno o asu ala mataamanya mbee ũndũ o na ũmwe wakw’o:
3
na nĩsyo ii, eaĩi atano ma Avilisiti, na Akanaani onthe, na Asitoni, na Aivi ala matũaa kĩĩmanĩ kya Levanoni, kuma kĩĩma kya Mbaalielimoni kũvika ũlikĩlonĩ wa Amathi.
4
Nasyo saytiiwe sya kũtataa Isilaeli nasyo, ũndũ wa kũmanyaa ethĩwa makeethukĩĩasya mĩao ya Yeova, ĩla weaĩe aaĩthe moo na kanyw’a wa Mose.
5
Na ana ma Isilaeli namo matũa katĩ wa Akanaani, na Aititi, na Aamoli, na Avelisi, na Aivi, na Ayevusi:
6
namo matwaa eĩtu ma asu methĩwe aka moo, namo manenga ana ma asu eĩtu moo, na kũthũkũmaa ngai sya asu.
7
Na ana ma Isilaeli meekaa ũla Yeova wonaa wĩ ũthũku, na kũlwa nĩ Yeova Ngai woo, na mathũkũmaa Mbaalimu na Asetalothi.
8
Kwondũ wa ũu ũthatu wa Yeova wakanĩa Isilaeli, nake amathoosya kw’okonĩ kwa Kusani‐lisathaimu mũsumbĩ wa Mesovotamia: na ana ma Isilaeli mamũthũkũma Kusani‐lisathaimu myaka nyanya.
9
Na yĩla ana ma Isilaeli mamwĩkaĩlile Yeova, Yeova amaũngamĩsya ana ma Isilaeli mũtangĩĩi, ũla wamatangĩĩe, nake nĩ Othinieli mwana wa Kenasi, mũinae we Kalevu.
10
Na veva wa Yeova ooka ĩũlũ wake, nake asilanasya Isilaeli; na auma akokite, na Yeova amũnengane Kusani‐lisathaimu mũsumbĩ wa Mesovotamia kw’okonĩ kwake: na kw’oko kwake kwamũkĩlya Kusani‐lisathaimu vinya.
11
Na ĩ nthĩ yathũmũa myaka mĩongo ĩna. Na Othinieli mwana wa Kenasi akw’a.
12
Na ana ma Isilaeli meeka ĩngĩ ũla Yeova wonaa wĩ ũthũku: na Yeova amwĩkĩa Ekeloni mũsumbĩ wa Moavi vinya okite na Isilaeli, nũndũ nĩmekĩte ũla Yeova wonaa wĩ ũthũku.
13
Na Ekeloni amomban’ya kwake ana ma Amimoni na Amaleki; na athi na akũna Isilaeli, na moosa ĩla ndũa ya mĩtende yĩthĩwe ng’ũndũ yoo.
14
Na ana ma Isilaeli mamũthũkũma Ekeloni mũsumbĩ wa Moavi myaka ĩkũmi na nyanya.
15
Ĩndĩ yĩla ana ma Isilaeli mamwĩkaĩlile Yeova, we Yeova amaũngamĩsya mũtangĩĩi, o Euti mwana wa Ngela, ũla Mũmbenyamini, mũndũ waĩ kĩmotho. Na ana ma Isilaeli mamũtwaĩa Ekeloni mũsumbĩ wa Moavi mũvothi na kw’oko kwa ũsu.
16
Na Euti eetuĩa ũvyũ waĩ mũĩ ngalĩ syelĩ, ũasa waw’o mũkono ũmwe; na awĩyovela nthĩnĩ wa ngũa yake nthũnũnĩ yake ya kw’oko kwa aũme.
17
Na amũnenga Ekeloni mũsumbĩ wa Moavi ũla mũvothi: na ĩndĩ Ekeloni aĩ mũndũ mũnou mũno.
18
Na amina kũmũnenga mũvothi ũsu, amea andũ ala maetie mũvothi mathi.
19
Ĩndĩ we mwene eetulũlĩle vala vasũvaw’a mĩvw’anano vakuvĩ na Ngilikali, na asya, Nyie nĩ na ũtũmane wa kĩmbithĩ kwaku, we mũsumbĩ. Nake asya, Vindyai. Na onthe ala maũngamĩte vakuvĩ nake mauma vala ũĩ.
20
Na Euti ooka vala ũĩ; nake ekalĩte e weka nyũmbanĩ ya ĩũlũ ya mbevo. Na Euti asya, Nĩ na ũtũme kwaku kuma kwa Ngai. Na ookĩla kĩvĩlanĩ kyake.
21
Na Euti atambũũkya kw’oko kwake kwa aka, na akũa ũvyũ nthũnũnĩ ya kw’oko kwake kwa aũme, na amũvũthũa ĩvu naw’o:
22
na mbusya o nayo yalikanĩlya na ũvyũ; na mathunya malindĩla ũvyũ, nũndũ ndaamũkũa ũvyũ ĩvunĩ yake; na wakuthũkana mũongo.
23
Nĩvo ĩndĩ Euti waumaalile valasyanĩ, na amũvingĩa mĩomo ya nyũmba ĩsu ya ĩũlũ, na avinga ki.
24
Na ĩndĩ yĩla waendie athũkũmi make mooka; namo moona, na, sisya, mĩomo ya nyũmba ĩsu ya ĩũlũ nĩ mĩvinge ki, na masya, Vate ndĩi evw’ĩkĩte maũũ make e nyũmbanĩ ya ĩũlũ.
25
Na meteelanga mũvaka meew’a nthoni; na, sisya, ndaavingũa mĩomo ya nyũmba ya ĩũlũ: kwondũ wa ũu moosa ũvungũo, na mamĩvingũa; na, sisya, mwĩaĩi woo avalũkĩte nthĩ e mũkw’ũ.
26
Na Euti eevonokya yĩla meeteelete, na avĩtũka vala vasũvĩaw’a mĩvw’anano, na eevonokĩsya Seila.
27
Na kweethĩwa, yĩla wavikie, avuvĩa soo nthĩ yĩ iĩma ya Evalaimu; na ana ma Isilaeli matheea vamwe nake kuma nthĩ yĩ iĩma, e mbee woo.
28
Na amea, Ngatĩĩai; nũndũ Yeova nũnenganĩte amaitha menyu Amoavi mokonĩ menyu. Na matheea mamũatĩĩe, na makwata masyũko ma Yolotani masiĩĩe Amoavĩ, na matyaamũnenga mũndũ ũthei wa kũinga.
29
Na ĩvinda yĩu makũna ma Moavi andũ ta ngili ĩkũmi, kĩla mũndũ mũnou, na kĩla mũndũ ngũmbaũ; na vati mũndũ waavĩta.
30
Ũu nĩw’o Moavi wakĩlĩlw’e vinya mũthenya ũsu na kw’oko kwa Isilaeli. Na nthĩ yathũmũa myaka mĩongo nyanya.
31
Na ĩtina wake kwaĩ Samukalĩ mwana wa Anathi, ũla wakũnie Avilisiti maana thanthatũ na mũsenge wa kũinga ng’ombe: o nake amatangĩĩa Isilaeli.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21