bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 2
Judges 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Na mũlaĩka wa Yeova ambata kuma Ngilikali kũthi Mbokimu. Na asya, Nyie nĩnatumie mwambata kuma Misili, na nĩnamũetie nthĩ ĩla nameavĩe aaĩthe menyu; na nĩnaisye, Ndikananga o na ĩndĩĩ ũtianĩo wakwa nenyu:
2
nenyu mũtikaatianĩe ũtianĩo o na wĩva na ala matwĩe nthĩ ĩno; mwĩomboa ithembeo syoo. Ĩndĩ mũtyaaĩthukĩĩsya wasya wakwa: mwĩkaa ũu kĩ?
3
Kwondũ wa ũu o nakwa nĩnaisye, Ndikamalũngya maume vala mũĩ; ĩndĩ makeethĩwa ta mĩw’a mbaunĩ syenyu, na ngai syoo ikeethĩwa kĩtei kwenyu.
4
Na kweethĩwa, yĩla ũla mũlaĩka wa Yeova waneenie ndeto isu na ana ma Isilaeli onthe, andũ mookĩlya mawasya moo na maĩa.
5
Na meeta syĩtwa ya vandũ vau Mbokimu: na mamũthembea Yeova vo.
6
Na ĩndĩ yĩla Yosua wamombũũkisye andũ, ana ma Isilaeli mathi kĩla mũndũ ũtiĩwanĩ wake amĩmesye nthĩ.
7
Na andũ mamũthũkũmaa Yeova mĩthenya yonthe ya Yosua, na mĩthenya yonthe ya atumĩa ala mekalangile thayũ kwĩ Yosua, ala monete wĩa mũnene w’onthe wa Yeova ũla wekĩte kwondũ wa Isilaeli.
8
Na Yosua mwana wa Nuni, mũthũkũmi wa Yeova, akw’a, e wa myaka ĩana na ĩkũmi.
9
Na mamũthika mũvakanĩ wa ũtiĩwa wake ku Timinathi‐eelesi, nthĩ yĩ iĩma ya Evalaimu, ngalĩ ya ĩũlũ ya kĩĩma kya Ngaasi.
10
O na andũ onthe ma nzyawa ĩsu yonthe moombanw’a vamwe na aaĩthe moo, na kwookĩla nzyawa ĩngĩ ĩtina woo, ĩla ĩtamwĩsĩ Yeova, o na ĩteesĩ wĩa ũla wekĩte kwondũ wa Isilaeli.
11
Na ana ma Isilaeli meekaa ũla Yeova wonaa wĩ ũthũku, na mathũkũmaa Mbaalimu;
12
na mamũtia Yeova, Ngai wa aaĩthe moo, ũla wamaumisye nthĩ ya Misili, na maatĩĩa ngai ingĩ, ngainĩ sya ngo sya andũ ila syamathyũlũlũkĩte, na masyĩkunamĩsya: na mamũthatya Yeova.
13
Na mamũtia Yeova, na mathũkũmaa Mbaali na Asetalothi.
14
Na ũthatu wa Yeova wakanĩa Isilaeli, nake amanengane mokonĩ ma anangi ala mamanangaa; na amathoosya mokonĩ ma amaitha moo ala mamathyũlũlũkĩte, mũvaka matyaatonya kũũngama ĩngĩ mbee wa amaitha moo.
15
O kw’onthe kũla maendĩe kw’oko kwa Yeova kwaĩ ĩũlũ woo kwondũ wa ũthũku, o tondũ Yeova waĩtye, na o tondũ Yeova wameavĩe: na maĩ athĩn’ye mũno.
16
Na Yeova aũngamasya asili, ala mamavonokasya mokonĩ ma ala mamanangaa.
17
Na vamwe na ũu matyaamethukĩĩasya asili moo; nĩkwĩthĩwa nĩmeekaa ũmalwaya makĩatĩĩa ngai ingĩ, na kũsyĩkunamĩsya: nĩmelelũkaa na mĩtũkĩ kuma nzĩanĩ ĩla aaĩthe moo maendelaa, makĩw’aa mĩao ya Yeova; ĩndĩ mo matyaaĩka ũu.
18
Na yĩla Yeova wamaũngamĩsya asili, nĩvo ĩndĩ Yeova waĩ vamwe na mũsili ũsu, na aimavonokya kuma mokonĩ ma amaitha moo mĩthenya yonthe ya mũsili ũsu: nũndũ Yeova nĩwetũngaa nũndũ wa kũluma kwoo kwondũ wa ala mamathĩnasya na kũmew’ĩthasya woo.
19
Ĩndĩ kweethĩawa, o yĩla mũsili wakw’a, nĩmasyokaa na ĩtina, na kwĩvukasya kwĩ aaĩthe moo, kwondũ wa kũatĩĩa ngaĩ ingĩ na kwithũkũmaa, na kũsyĩkunamĩasya; matyaaekana na meko moo kana mũendele woo wa kwaa matũ.
20
Na ũthatu wa Yeova wakanĩa Isilaeli; an asya, Nũndũ mbaĩ ĩno nĩvĩtĩtye ũtianĩo wakwa ũla nameaĩe aaĩthe moo, na matyaaĩthukĩĩsya wasya wakwa;
21
nakwa nyie kuma yu ndikailũngya mbaĩ ila Yosua watialilye aikw’a syume vala maĩ;
22
nĩ kana nĩmatatae Isilaeli nasyo ethĩwa makakwataa nzĩa ya Yeova mamĩendelae, o tondũ aaĩthe moo mamĩkwataa, kana ti w’o.
23
Kwondũ wa ũu Yeova aeka mbaĩ isũ, ate kwilũngya na mĩtũkĩ; o na ndaainengane kw’okonĩ kwa Yosua.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21