bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 20
Judges 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
1
Nĩvo ĩndĩ ana onthe ma Isilaeli maumaalile, na ĩkomano yoombanĩa Yeova ku Misiva ta mũndũ ũmwe, kuma Ndani kũvika Mbeeli‐sieva, vamwe na nthĩ ya Ngileati.
2
Na anene ma andũ onthe, o ma mbaĩ syonthe sya Isilaeli, meeyumĩlya ũmbanonĩ wa andũ ma Ngai, andũ ngili maana ana ala maendete na maũũ ala makũaa ũvyũ.
3
(Na ĩndĩ ana ma Mbenyamini meew’a kana ana ma Isilaeli nĩmambatie Misiva.) Na ana ma Isilaeli masya, Tũtavyei, ũthũku ũũ weekĩkie ata?
4
Na ũla Mũlivai, mũũme wa mũndũ mũka ũsu ũnooaiwe, asũngĩa na asya, Navikie Ngivea ĩla ya Mbenyamini, nyie na mũka wakwa ngombo, nĩ kana tũkome kw’o.
5
Na andũ ma Ngivea mambũkĩlĩla, na manthyũlũlũkĩla nyũmba ngalĩ syonthe ũtukũ; mendaa kũmbũaa nyie, na mũka wakwa ngombo mamũkinda, nake akw’a.
6
Nakwa noosa mũka wakwa ngombo na kũmũtilanga ilungu, na kũmũtwaa kw’onthe nthĩ yonthe ya ũtiĩwa wa Isilaeli; nũndũ mekĩte wathe na ũtumanu nthĩnĩ wa Isilaeli.
7
Sisyai, inyw’ĩ ana ma Isilaeli, inyw’onthe, tũnengei ũtao wenyu na kĩosyo kyenyu.
8
Na andũ onthe mookĩla ta mũndũ ũmwe, makyasya, Ithyĩ vati ũmwe katĩ waitũ wĩsyoka ĩeemanĩ yake, o na vati ũmwe katĩ waitũ wĩsyoka mũsyĩ kwake.
9
Ĩndĩ yu ũndũ ũla tũkwĩka Ngivea nĩ ũũ: nĩtũkwambata tũkokite nayo kwa nzĩa ya kũlimana;
10
na tũkoosa andũ ĩkũmi kwa kĩla ĩana mbaĩnĩ syonthe sya Isilaeli, na ĩana kwa ngili, na ngili kwa ngili ĩkũmi, nĩ kana mamalatĩlye andũ lĩu, nĩ kana, mavika Ngivea ya Mbenyamini, matonye kwĩka kwĩanana na ũtumanu w’onthe ũla meekie nthĩnĩ wa Isilaeli.
11
Na ĩndĩ andũ onthe ma Isilaeli moombanĩĩa ndũa ĩsu, makwatene vamwe o ta mũndũ ũmwe.
12
Na mbaĩ sya Isilaeli syatũma andũ maende mbaĩnĩ yonthe ya Mbenyamini, makĩkũlya, Ũthũku ũũ nĩ mwaũ wĩkĩkĩte katĩ wenyu?
13
Yu, ĩndĩ nenganai andũ asu athe, ala me Ngivea, nĩ kana tũmoae, na kũveta ũthũku kwa Isilaeli. Ĩndĩ a Mbenyamini matyaaĩtĩkĩla kwĩw’a wasya wa ana‐a‐ĩthe moo ana ma Isilaeli.
14
Na ana ma Mbenyamini moombana kuma ndũanĩ sya Ngivea, nĩ kana maume makokite na ana ma Isilaeli.
15
Na ana ma Mbenyamini matalilwe mũthenya ũsu kuma ĩ ndũanĩ andũ ngili mĩongo ĩlĩ na thanthatũ ala makũaa ũvyũ, eka andũ ma Ngivea, ala matalĩtwe andũ anyuve maana mũonza.
16
Katĩ wa andũ asu onthe kwaĩ andũ anyuve maana mũonza ma imotho; kĩla ũmwe aĩ atonya kwĩkya mavia na kĩkũtha kamwanyanĩ keanĩa ũsw’ĩĩ, na ndavĩtya.
17
Na andũ ma Isilaeli, eka a Mbenyamini, matalilwe andũ ngili maana ana ala makũaa ũvyũ: asu onthe maĩ andũ ma kaũ.
18
Na ana ma Isilaeli mookĩla, na mambata Mbethi‐eli, na makũlya Ngai ũtao; na makũlya, Naaũ ala mekwamba kwambata kwondũ witũ mokite na Mbenyamini? Na Yeova asya, Yuta nĩwe wĩamba kwambata.
19
Na ana ma Isilaeli mookĩla kĩoko, na mamba maeema mataũĩĩe Ngivea.
20
Na andũ ma Isilaeli maumaala mokite na Mbenyamini; na andũ ma Isilaeli mataũsya ita mokitĩe namo ku Ngivea.
21
Na ana ma Mbenyamini mauma Ngivea, na maanangĩa nthĩ ma Aisilaeli mũthenya ũsu andũ ngili mĩongo ĩlĩ na ilĩ.
22
Na andũ, aũme ma Isilaeli, meeyĩkĩa vinya, na mataũsya ita ĩngĩ o vala manataũĩtye mũthenya wa mbee.
23
Na ana ma Isilaeli mambata na maĩa mbee wa Yeova kũvika wĩoo; na mamũkũlya Yeova, makyasya, Ngathengeea ĩngĩ nũkite na ana ma Mbenyamini mwana‐a‐asa wakwa? Na Yeova amwĩa, Ambata wũkite nake.
24
Na ana ma Isilaeli mathengeea mokite na ana ma Mbenyamini mũthenya wa kelĩ.
25
Na Ambenyamini maumaala kuma Ngivea mokite namo mũthenya wa kelĩ, na ĩngĩ maanangĩa nthĩ ma ana ma Isilaeli andũ ngili ĩkũmi na nyanya; asu onthe maĩ ala makũaa ũvyũ.
26
Nĩvo ĩndĩ ana ma Isilaeli onthe, o andũ onthe, mambatie, na mavika Mbethi‐eli, na maĩa, na mekala nthĩ vu mbee wa Yeova, na matĩĩa kũya mũthenya ũsu kũvika wĩoo; na mamũthembea Yeova nthembo sya kũvĩvw’a na nthembo sya mũuo.
27
Na ana ma Isilaeli mamũkũlya Yeova (nũndũ ĩsandũkũ ya ũtianĩo ya Ngai yaĩ kw’o mĩthenya ĩsu,
28
na Vineasi, mwana wa Eleasali, mwana wa Aluni, nĩwaũngamaa mbee wayo mĩthenya ĩsu), makyasya, Ngaumaala o ĩngĩ kũkita na ana ma Mbenyamini, mwana‐a‐asa wakwa, kana nĩeke? Na Yeova amwĩa, Ambata; nũndũ ũnĩ ngamũnengane kw’okonĩ kwaku.
29
Na Isilaeli maia oveesya mathyũlũlũkĩte Ngivea.
30
Na ana ma Isilaeli mambata mokite na ana ma Mbenyamini mũthenya wa katatũ, na meetaũsya mokite na Ngivea, o ta mavinda ala angĩ.
31
Na ana ma Mbenyamini maumaala mokite na andũ asu, nao makusw’a mathi vaasa na ĩ ndũa; na mambĩlĩlya kũkũna na kũaĩa andũ, ta andũ mĩongo ĩtatũ ma Isilaeli, o ta mavinda ala angĩ, malelũnĩ, ala ũmwe wamo ũelete Mbethi‐eli, na ũla ũngĩ Ngivea, mũũndanĩ.
32
Na ana ma Mbenyamini masya, Nĩmeũkũnwa mavalũkw’e nthĩ nĩ ithyĩ, o ta mbee. Ĩndĩ ana ma Isilaeli masya, Nĩtũkũke, na tũkĩmakusya maume ndũanĩ kũvika malelũnĩ.
33
Na andũ onthe ma Isilaeli mookĩla kuma vala maĩ, na meetaũsya ku Mbaali‐tamali: na ala oveesya ma Isilaeli makuthũka kuma kũla maĩ, o kuma Maale‐ngeva.
34
Na kwooka andũ anyuve ngili ĩkũmi kuma kwa Isilaeli onthe mokite na Ngivea, na kaũ ũsu waĩ mwai mũno; ĩndĩ matyaamanya kana ũthũku nũmathengeee.
35
Na Yeova akũnĩa Mbenyamini vu mbee wa Isilaeli; na ana ma Isilaeli mũthenya ũsu maananga ma Mbenyamini andũ ngili mĩongo ĩlĩ na itano na ĩana yĩmwe: asu onthe nĩmakũaa ũvyũ.
36
Na ĩndĩ ana ma Mbenyamini moona kana nĩmakũnwa; nũndũ andũ ma Isilaeli nĩmathũkĩaa Mbenyamini, nĩkwĩthĩwa nĩmamaĩkĩĩaa oveesya ala mamaiĩte mokite na Ngivea.
37
Na ala oveesya meekalaata, na mavithũkĩa Ngivea; na ala oveesya meekusya maendeee mbee, na makũna ndũa yonthe kwa kũtemanga na ũvyũ.
38
Na ĩndĩ wonan’yo watw’ĩtwe katĩ wa andũ ma Isilaeli na ala oveesya waĩ atĩ mokĩlye mũumbĩ mũnene wa syũki kuma ĩ ndũanĩ.
39
Na andũ ma Isilaeli meethyũũĩa kaũ, na a Mbenyamini mambĩlĩlya kũkũna na kũaa andũ ma Isilaeli ta andũ mĩongo ĩtatũ; nũndũ maasya, Nĩ w’o, nĩmeũkũnwa mavalũkw’e nthĩ nĩ ithyĩ, o ta kaũnĩ wa mbee.
40
Ĩndĩ yĩla mũumbĩ wa kĩtuĩ kya syũki wambĩlĩlye kũkĩla kuma ndũanĩ, Ambenyamini masisya ĩtina woo; na, sisya, ndũa yonthe yausũĩte syũki yambatĩte ĩtunĩ.
41
Na andũ ma Isilaeli meethyũũa, na andũ ma Mbenyamini mateva; nũndũ nĩmoonie kana ũthũku nĩwamakwata.
42
Kwondũ wa ũu moon’ya andũ ma Isilaeli mĩongo yoo melekele nzĩa ya weũnĩ; ĩndĩ kaũ wamaatĩĩa na vinya; na ala maumĩte ndũanĩ mamanangĩa vau katĩ.
43
Mamathyũlũlũka Ambenyamini ngalĩ syonthe, na mamalũngya, na mamaanganĩsya vo vandũ voo va ũthũmũa, o kũvika kwelekela Ngivea ngalĩ ya wumĩlonĩ wa syũa.
44
Na kwavalũkw’a ma Mbenyamini andũ ngili ĩkũmi na nyanya; asu onthe maĩ andũ ngũmbaũ.
45
Na meethyũũa na makũka melekele weũnĩ kũvika ĩvianĩ ya Limoni: na meethĩan’ya mamo malelũnĩ andũ ngili itano, na mamaatĩĩa na vinya kũvika Ngitomu, na makũna mamo andũ ngili ilĩ.
46
Kwondũ wa ũu onthe ma Mbenyamini ala mavalũkile mũthenya ũsu maĩ ngili mĩongo ĩlĩ na itano ala makũaa ũvyũ; asu onthe maĩ andũ ngũmbaũ.
47
Ĩndĩ andũ maana thanthatũ meethyũũa na makũka melekele weũnĩ kũvika ĩvianĩ ya Limoni, na mekala ĩvianĩ ya Limoni myei ĩna.
48
Na andũ ma Isilaeli meethyũũĩa ana ma Mbenyamini ĩngĩ, na mamakũna kwa kũmatemanga na ũvyũ, ndũa nima, o na indo, na kyonthe kĩla moonie: vamwe na ũu ndũa syonthe ila moonie nĩmaivĩvisye na mwaki.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21