bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 19
Judges 19
Kamba (Mbivilia) 1956
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
1
Na kweethĩwa mĩthenya ĩsu, yĩla kũtaĩ mũsumbĩ nthĩnĩ wa Isilaeli, kwaĩ Mũlivai ũmwe wekalaa ũeni ngalĩ ĩla ĩngĩ ya nthĩ yĩ iĩma ya Evalaimu, ũla wetwaĩe mũndũ mũka ngombo wa Mbethi‐leemu‐yuta.
2
Na mũndũ mũka ũsu ngombo amũthĩn’ya kwa kwĩka ũmalwaya, na amũtia athi nyũmbanĩ kwa ĩthe ku Mbethi‐leemu‐yuta, na ekalile kw’o vandũ va myei ĩna.
3
Na mũũme ookĩla, na amũatĩĩa, e na mũthũkũmi wake, na mang’oi elĩ, akaneene nake nesa, amũtũnge ĩngĩ: na ũla mũndũ mũka amũthokya nyũmbanĩ ya ĩthe; na yĩla ĩthe wa mwĩĩtu ũsu wamwonie, atana ũndũ wa kũmwona.
4
Na mũthoni, ĩthe wa mwĩĩtu ũsu, amwĩkalya; nake ekala nake mĩthenya ĩtatũ: na ĩndĩ maya na manyw’a, na kũkoma kw’o.
5
Na kweethĩwa mũthenya wa kana, mookĩla kĩoko tene, nake ookĩla nĩ kana aende: na ĩthe wa ũla mwĩĩtu amwĩa mũthoni, Ĩkĩa ngoo yaku vinya na kalungu ka kĩmũtũ, na ĩtina mũkĩyĩendea.
6
Na ĩndĩ mekala nthĩ, na maya na manyw’a, elĩ vamwe: na ĩthe wa ũla mwĩĩtu atavya mũthoni, Nĩngũkwĩsũva, endeew’a nĩ kwĩkala ũtukũ w’onthe, na ngoo yaku nĩtane.
7
Na ũla mũndũ ookĩla nĩ kana aende; ĩndĩ mũthoni amũthetheesya mũno, nake akoma ĩngĩ kw’o.
8
Na ookĩla kĩoko tene mũthenya wa katano nĩ kana athi; na ĩthe wa ũla mwĩĩtu amwĩa, Ĩkĩa ngoo yaku vinya nĩngũkwĩsũva, na ĩkalanga syũa yeeeke; na maya, me elĩ.
9
Na yĩla ũla mũndũ wokĩlile nĩ kana aende, we, na ũla mũndũ mũka wake ngombo, na mũthũkũmi wake, mũthoni, ĩthe wa ũla mwĩĩtu, amwĩa, Sisya, yu mũthenya nĩ mũendu, nĩngũkwĩsũva, ĩkala ũtukũ w’onthe: sisya, syũa yĩkilĩlye ũthũa, koma kũũ, nĩ kana ngoo yaku ĩtane; na ũnĩ tene wĩkwata nzĩa, nĩ kana wĩnũke.
10
Ĩndĩ ũla mũndũ ndaaĩtĩkĩla kwĩkala ũtukũ ũsu, ĩndĩ ookĩla na athi, na avika kwelekela Yevusi (nayo nĩ Yelusaleme): nake aĩ na mang’oi elĩ me matandĩke; o na ũla mũndũ mũka wake ngombo aĩ nake.
11
Yĩla maĩ vakuvĩ na Yevusi, mũthenya waĩ mũendu mũno; na ũla mũthũkũmi amwĩa vwana wake, Nĩngũkwĩsũva, ũka, twelelũkĩĩle ndũa ĩno ya Ayevusi, tũkome vo.
12
Na vwana wake amwĩa, Tũtiathũka ndũa ya mũndũ wa nthĩ ĩngĩ, ĩte ya ana ma Isilaeli; ĩndĩ nĩtũũvĩta tũvike Ngivea.
13
Na amwĩa mũthũkũmi wake, Ũka tũthengeee vandũ vamwe va kũndũ kũũ; na nĩtũũkoma Ngivea, kana Lama.
14
Na ĩndĩ mavĩta na meeendea; na syũa yamathũĩĩa me vakuvĩ na Ngivea, ĩla ya Mbenyamini.
15
Nao meelelũkĩĩla vo, malike makome Ngivea: nake alika nthĩnĩ, na ekala nthĩ nzĩanĩ nene ya ĩ ndũa; nũndũ kũtyaĩ mũndũ o na ũmwe waamathokya nyũmbanĩ yake makome.
16
Na, sisya, kwooka mũtumĩa mũkũũ aumĩte wĩanĩ wake mũũndanĩ wĩoo: na mũndũ ũsu aĩ wa nthĩ yĩ iĩma ya Evalaimũ, nake ekalaa ũeni ku Ngivea; ĩndĩ andũ ma vandũ vau maĩ Ambenyamini.
17
Nake ookĩlya metho make, na oona mũndũ ũendete kyalo nzĩanĩ nene ya ndũa; na ĩndĩ ũla mũtumĩa amũkũlya, Wĩthi na kũ? Na wauma va?
18
Nake amwĩa, Nĩtũvĩtĩte tumĩte Mbethi‐leemũyuta tũthi ngalĩ ĩla ĩngĩ ya nthĩ yĩ iĩma ya Evalaimu; nĩ kw’o nĩnaumie, na naendie Mbethi‐leemu‐yuta; na yu nĩendete nyũmbanĩ ya Yeova; na vati mũndũ ũnanthokya nyũmbanĩ yake.
19
Ĩndĩ ve ũa na lĩu wa mang’oi maitũ; na ve lĩu na mbinyu nayo kwondũ wakwa, na mũthũkũmi waku mwĩĩtu, na mwanake ũla wĩ vamwe na athũkũmi maku: vati vata wa kĩndũ o na kĩmwe.
20
Na ũla mũtumĩa asya, Mũuo wĩthĩwe kwaku; ĩndĩ mavata maku onthe methĩwe ĩũlũ wakwa; ĩndĩ ndũkakome nzĩanĩ nene.
21
Na ĩndĩ amũtwaa nyũmbanĩ yake, na anenga mang’oi lĩu; na mathambya maũũ moo, maya, na manyw’a.
22
Na makĩtan’ya ngoo syoo, sisya, andũ ma ndũa ĩsu, andũ athe, mathyũlũlũka ĩ nyũmba, na kũkũnanga mũomo; na maneena na vwana wa nyũmba, ũla mũtumĩa maimwĩa, Mumaalye nza mũndũ ũla woka nyũmbanĩ yaku, nĩ kana tũmũmanye.
23
Na ũla mũndũ, vwana wa nyũmba, aumaala nza vau maĩ, na amea, Aiee, ana‐a‐ia makwa, nĩngũmwĩsũva, mũikeke ũthũku wĩana ũu; nũndũ mũndũ ũũ nũlikile nyũmbanĩ yakwa, mũikeke ũtumanu ũũ.
24
Sisya, vaa ve mwĩĩtu wakwa mũtheu, na mũndũ mũka wake ngombo; nĩngũmaumaalya nza oyu, na mathũkyei, na kũmeka ũndũ mũkwona wĩ ũseo: ĩndĩ mũndũ ũũ mũikamwĩke ũtumanu ta ũsu.
25
Ĩndĩ andũ asu matyaaĩtĩkĩla kũmwĩthukĩĩsya: na ĩndĩ mũndũ ũsu amũkwata mũndũ mũka wake ngombo, na amumaalya nza vala maĩ; nao mamũmanya, na mamũthĩn’ya ũtukũ w’onthe kũvika kĩoko: na masũilũnĩ, mamũeka athi.
26
Nĩvo ĩndĩ mũndũ mũka ũsu wokie kĩoko kũitheana, na avalũka mũomonĩ wa nyũmba ya ũla mũndũ vala vwana wake ũĩ, mũvaka kwakya.
27
Na mwĩaĩi wake ookĩla kĩoko, na avingũa mĩomo ya nyũmba, na aumaala nĩ kana eeendee; na, sisya, ũla mũndũ mũka wake ngombo avalũkĩte vau mũomonĩ wa nyũmba, na moko make me mwalyonĩ.
28
Na amwĩa, Ũkĩla, tũthĩ; ĩndĩ vatyaĩ ũsũngĩo; na ĩndĩ amũtũlya ĩng’oinĩ; na mũndũ ũsu akũsya, na athi kwake.
29
Na yĩla walikile nyũmba kwake, oosa kavyũ, na akwata ũla mũndũ mũka wake ngombo, na amũaan’ya, mutha na mutha, ilungu ĩkũmi na ilĩ, na amũtwaa mĩvakanĩ yonthe ya Isilaeli.
30
Na kweethĩwa, atĩ onthe ala moonie ũndũ ũsu masya, Ũndũ ta ũu ndwaaĩkĩka o na ndwaaoneka kuma mũthenya ũla ana ma Isilaeli mambatie kuma nthĩ ya Misili kũvika ũmũnthĩ; sũanĩai, na oan’yai, na neenai.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21