bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 6
Judges 6
Kamba (Mbivilia) 1956
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
1
Na ana ma Isilaeli meeka ũla Yeova wonaa wĩ ũthũku: na Yeova amanengane kw’okonĩ kwa Mitiani myaka mũonza.
2
Na kw’oko kwa Mitiani kwakĩlya Isilaeli vinya; na nũndũ wa Mitiani ana ma Isilaeli nĩmeeseũvĩsye maima ala me iĩmanĩ, na ngunga, na ngome syĩ vinya.
3
Na kweethĩwa, yĩla Isilaeli mavuĩie, Amitiani mambata, na Aamaleki, na ana ma ngalĩ ya wumĩlonĩ wa syũa; mambate mokite namo;
4
na mamba maeema mamataũĩĩe, na maananga ũsyao wa nthĩ, kũvika wavika Ngasa, na matyaatialya kwa Isilaeli kĩndũ kya kũmatethya, ĩlondu, kana ng’ombe, kana ĩng’oi.
5
Nũndũ mo me na indo syoo na maeema moo nĩmambatie; malikile aingĩ ta ngie; mo na ngamĩle syoo ityaĩ italĩka: namo malika nthĩ ĩsu mamyanange.
6
Na Isilaeli matheew’a mũno nũndũ wa Mitiani; na ana ma Isilaeli mamwĩkaĩla Yeova.
7
Na kweethĩwa, yĩla ana ma Isilaeli mamwĩkaĩlile Yeova nũndũ wa Mitiani,
8
Yeova atũmĩa ana ma Isilaeli mwathanĩ: nake amea, Ũũ nĩw’o Yeova, Ngai wa Isilaeli, ũnũkwasya, Nyie nĩnamwambatisye inyw’ĩ kuma Misili, na kũmumya nyũmbanĩ ya ũkombo;
9
na nĩnamũvonokisye kuma mokonĩ ma Amisili, na kuma mokonĩ ma onthe ala mamũthĩnasya, na namalũngya maume mbee wenyu, na namũnenga nthĩ yoo;
10
na namwĩa, Ninyie Yeova Ngai wenyu; mũtikakĩe ngai sya Aamoli, ala mũtũaa nthĩ yoo. Ĩndĩ mũtyaaĩw’a wasya wakwa.
11
Na mũlaĩka wa Yeova ooka na ekala ĩtina wa mũtĩ wa mwaloni ũla waĩ Ovala, ĩla yaĩ ya Yoasi Mũavieseli: na mwana wake Ngiteoni avũĩaa nganũ kĩangĩonĩ kya nzavivũ, nĩ kana amĩvithe Amitiani.
12
Na mũlaĩka wa Yeova amumĩlĩla, na amwĩa, Yeova e vamwe naku, we ngũmbaũ nene.
13
Na Ngiteoni amwĩa, Ame, mwĩaĩi wakwa, ethĩwa Yeova e vamwe naitũ, nĩkĩ ĩndĩ maũndũ aa onthe matũkwatĩte? Na maĩva ala mawĩa make onthe ma ũseng’ya, ala aaĩthe maĩtũ matũtavisye ũndũ wamo, makyasya, Yeova ndatwambatisye kuma Misili? Ĩndĩ yu Yeova nũtũekete, na nũtũnenganĩte kw’okonĩ kwa Mitiani.
14
Na Yeova amũsisya, na amwĩa, Enda na vinya ũũ waku, ũkamatangĩĩe Isilaeli kuma kw’okonĩ kwa Mitiani: ndikũtũmĩte?
15
Nake amwĩa, Ame Mwĩaĩi, ngamatangĩĩe Isilaeli na kayũ? Sisya, mũvĩa witũ nĩw’o ngya nthĩnĩ wa Manase, nakwa ninyie mũnini mbee nyũmbanĩ ya nau.
16
Na Yeova amwĩa, Nditĩa kwĩthĩwa vamwe naku, naku ũkakũna Amitiani o ta mũndũ ũmwe.
17
Nake amwĩa, Ethĩwa nĩnendeesye kwaku yu, mbon’ya ĩndĩ wonan’wo nĩmanye kana nue ũũneena nakwa.
18
Nĩngũkwĩsũva, ndũkaume vaa kũvika nasyoka vala ũĩ, na kũete mũthĩnzĩo wakwa, na kwia mbee waku. Nake amwĩa, Nĩngweteela mũvaka wooka ĩngĩ.
19
Na Ngiteoni alika nthĩnĩ, na ooaa katena ka mbũi, na aseũvya tũmũtũ tũte ĩlawa twa eva ya mũtu: eekĩa nyama kĩkavũnĩ, na eekĩa mũthoi mbisũnĩ, na amũetee vau nza ĩtina wa mwaloni, na amũnenga.
20
Na ũla mũlaĩka wa Ngai amwĩa, Osa nyama na tũmũtũ tũte ĩlawa, na ũkia ĩũlũ wa ĩvia yĩĩ, na ũkĩtulũla mũthoi. Nake eeka ũu.
21
Na ĩndĩ mũlaĩka wa Yeova atwaa mũthya wa ndata ĩla yaĩ kw’okonĩ kwake, na akiita ila nyama na tũmũtũ tũte ĩlawa; na kwauma mwaki yĩla ĩvianĩ, na wamina ila nyama na tũmũtũ tũte ĩlawa; na ũla mũlaĩka wa Yeova auma vala ũĩ.
22
Na Ngiteoni amanya atĩ ũsu eĩ mũlaĩka wa Yeova; na Ngiteoni asya, Ĩiaa, ame Mwĩaĩi Yeova! Nũndũ nĩnoonana na mũlaĩka wa Yeova ũthyũ kwa ũthyũ.
23
Na Yeova amwĩa, Mũuo wĩthĩwe kwaku; ndũkakĩe: ndwĩkw’a.
24
Nĩvo ĩndĩ Ngiteoni wamwakĩe Yeova kĩthembeo vu, na akĩta Yeova‐salomu: kũvika ũmũnthĩ kĩ o ku Ovala wa Aavieseli.
25
Na kweethĩwa ũtukũ o ũsu, Yeova amwĩa, Osa kasalũ ka au ka mũew’a, o kasalũ kala ka kelĩ ka myaka mũonza, na omboanga kĩthembeo kya Mbaali kĩla au wĩ nakyo, na ũitema mũvw’anano wĩtawa Asela ũla wĩ vakuvĩ nakyo;
26
na mwakĩe Yeova Ngai waku kĩthembeo ĩũlũ wa ngome ĩno yĩ vinya, kwĩanana na ũndũ waĩle, na osa kala kasalũ ka kelĩ, na ũkĩthemba nthembo ya kũvĩvw’a na ngũ sya ũla Asela ũla ũũtema.
27
Nĩvo ĩndĩ Ngiteoni wosie ĩkũmi ma athũkũmi make, na eeka o tondũ Yeova ũmũtavĩtye na kweethĩwa, nũndũ nĩwakĩaa andũ ma nyũmba ya ĩthe na andũ ma ĩ ndũa, ũndũ ũtatonya kwĩka ũu mũthenya, awĩkie ũtukũ.
28
Na yĩla andũ ma ĩ ndũa mookĩlile kĩoko tene, sisya, kĩla kĩthembeo kya Mbaali kyaĩ kĩomboe, na Asela waĩ mũteme ũkavalũka ũla waĩ vakuvĩ nakyo, na kala kasalũ ka kelĩ nĩkathembetwe ĩũlũ wa kĩthembeo kĩla kyaakiwe.
29
Na makũlan’ya ene kwa ene, Ũla wĩkie ũndũ ũũ nũũ? Na yĩla mamanthanie na kũkũlan’ya, masũngĩana, Ngiteoni mwana wa Yoasi nĩwe wĩkie ũndũ ũũ.
30
Nĩvo ĩndĩ andũ ma ndũa mamwĩie Yoasi, Umaalya mwana waku, nĩ kana akw’e, nũndũ nũomboangie kĩthembeo kya Mbaali, na nũndũ nũtemie Asela ũla wĩ vakuvĩ nakyo.
31
Na Yoasi amakũlya onthe ala maũngamie matetan’ye nake, Nĩmũũmũtetea Mbaali? Kana nĩmũũmũtangĩĩa? Ũla ũkũmũtetea, nĩoawe kũtanakya: ethĩwa nĩ ngai, nĩetetee mwene, nũndũ ũmwe nũomboie kĩthembeo kyake.
32
Kwondũ wa ũu mũthenya ũsu amwĩta Ngiteoni Yelumbaali, akyasya, Mbaali nĩetetee, nũndũ nũomboie kĩthembeo kyake.
33
Nĩvo ĩndĩ Amitiani na Aamaleki onthe na ana ma ngalĩ ya wumĩlonĩ wa syũa moombanie vamwe; na mainga na mamba maeema mwandanĩ wa Yesileeli.
34
Ĩndĩ Veva wa Yeova ooka ĩũlũ wa Ngiteoni; na avuva soo; na Avieseli moombana mamũatĩĩe.
35
Nake atũma atũmwa kwa Manase kw’onthe; o namo moombana mamũatĩĩe: na atũma atũmwa kwa Aseli, na kwa Nzevuluni, na kwa Navitali; namo mambata makomane namo.
36
Na Ngiteoni amwĩa Ngai, Ethĩwa ũkatangĩĩa Isilaeli na kw’oko kwakwa, o tondũ waĩtye,
37
sisya, nĩngwia w’ĩa wa ĩlondu kĩvũĩonĩ; ethĩwa kũkeethĩwa ĩmwe ĩũlũ wa w’ĩa wĩ w’oka, na nthĩ yonthe vu ĩkĩthĩwa yĩ nyũmũ, nĩvo ĩndĩ nĩmanya kana ũkatangĩĩa Isilaeli na kw’oko kwakwa, o tondũ waĩtye.
38
Na kweethĩwa o ta ũu; nũndũ ookĩla kĩoko tene ũnĩ ũsu, na ooviva, na aviva ĩmwe kuma ũ w’ĩanĩ, mbakũli mwĩta ya manzĩ.
39
Na Ngiteoni amwĩa Ngai, Ũthatu waku ndũkambakanĩe, na nĩngũneena o ĩvinda yĩĩ yoka: eka nĩtate, nĩngũkwĩsũva, o ĩvinda yĩĩ yoka na ũla w’ĩa; ũ w’ĩa e w’o wĩthĩwe wĩ mũmũ, na nthĩ yonthe vu yĩthĩwe na ĩmwe.
40
Na Ngai eeka ũu ũtukũ ũsu: nũndũ ũ w’ĩa now’o waĩ mũmũ, na kwaĩ ĩmwe nthĩ yonthe.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21