bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 8
Judges 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
Na andũ ma Evalaimu mamũkũlya, Ũnatwĩkie ũu nĩkĩ, ũilea ũtwĩta yĩla ũnaendie kũkita na Mitiani? Nao mamũtetya mũno.
2
Nake amea, Nĩkĩte ata yũ kũmũvĩtũka inyw’ĩ? Kwĩthĩan’ya nzavivũ sya Evalaimu kũti kavaa kwĩ ngetha ya nzavivũ ya Avieseli?
3
Ngai nũnenganĩte anene me mbee ũsumbĩnĩ ma Mitiani, Olevi na Nzeevu, mokonĩ menyu: nakwa ndonyete kwĩka ata kũmũvĩtũka? Nĩvo ĩndĩ, yĩla waneenie ũu, ũthatu woo ũla wamwelekele walikile.
4
Na Ngiteoni avika Yolotani, na ainga, we, na ala andũ maana atatũ ala maĩ make, me anyalu, ĩndĩ no maatĩĩe.
5
Na amea andũ ma Sukothi, Nĩngũmwĩsũva, nengai andũ ala mangatĩĩe imũtũ; nũndũ nĩ anyalu, nakwa nĩatĩĩe Nzeva na Nzalimuna, ala asumbĩ ma Mitiani.
6
Na anene ma Sukothi mamũkũlya, Yu moko ma Nzeva na Nzalimuna me kw’okonĩ kwaku, nĩ kana ithyĩ tũnenge ita syaku imũtũ?
7
Na Ngiteoni amea, Kwondũ wa ũu yĩla Yeova wĩnengane Nzeva na Nzalimuna kw’okonĩ kwakwa, nĩvo nĩkalangĩthya mĩĩ yenyu mĩw’a ya weũnĩ na mĩtae ya kĩthekanĩ.
8
Na kuma vu ambata Venueli, na aneena na andũ ma vo o ta ũu; na andũ ma Venueli nao mamũsũngĩa o tondũ andũ ma Sukothi mamũsũngĩie.
9
Nake aneena na andũ ma Venueli o namo, akĩmea, Yĩla nĩsyoka na nũuo, ngaomboanga mwako ũũ mũtũlu wa mũnyoolo.
10
Na ĩndĩ Nzeva na Nzalimuna maĩ Kalikolĩ, vamwe na nguthu syoo, andũ ta ngili ĩkũmi na itano, onthe ala matialĩte ma nguthu yonthe ya ana ma ngalĩ ya wumĩlonĩ wa syũa; nũndũ kwavalũkilw’e andũ ngili ĩana na mĩongo ĩlĩ ala makũaa ũvyũ.
11
Na Ngiteoni ambata na nzĩa ya ala matũaa maeemanĩ ngalĩ ya wumĩlonĩ wa syũa ya Nova na Yokivea, na akũna nguthu ĩsu; nũndũ ĩ nguthu nĩyeyelele.
12
Na Nzeva na Nzalimuna makũka; na amaatĩĩa; na amakwata asumbĩ asu elĩ ma Mitiani, Nzeva na Nzalimuna, na amĩthokoan’ya ĩ nguthu yonthe.
13
Na Ngiteoni mwana wa Yoasi asyoka kuma kaũnĩ kuma kyambatonĩ kya Eelesi.
14
Na akwata mwanake wa andũ ma Sukothi, na amũkũlya: nake amũtavya ũndũ anene ma Sukothi matilyĩ, o na atumĩa ma vo, andũ mĩongo mũonza na mũonza.
15
Na avika kwa andũ ma Sukothi, na amea, Sisyai Nzeva na Nzalimuna, ala kwondũ wamo mwanthekeee, mũkĩmbĩa, Yu moko ma Nzeva na Nzalimuna me kw’okonĩ kwaku, nĩ kana tũnenge andũ maku ala anou lĩu?
16
Na oosa ala atumĩa ma ĩ ndũa, na mĩw’a ya weũnĩ na mĩtae ya kĩthekanĩ, na amamanyĩsya andũ ma Sukothi nayo.
17
Na aomboanga mwako mũtũlu wa mũnyoolo wa Venueli, na ooaa andũ ma ĩ ndũa.
18
Nĩvo ĩndĩ wakũlilye Nzeva na Nzalimuna, Nĩ andũ mailyĩ ata ala mwooaĩe Tavoli? Na mamũsũngĩa, O ũndũ ũilyĩ, now’o mailyĩ; kĩla ũmwe ailyĩ ta ana ma mũsumbĩ.
19
Na amea, Maĩ ana‐a‐ia, ana ma mwaitũ: o tondũ Yeova wĩ thayũ, kethĩwa nĩmwamaekie thayũ, ndimũaa.
20
Na amwĩa Yetheli ĩkithathi yake, Ũkĩla ũmoae. Ĩndĩ kĩmwana kĩtyaakũa ũvyũ wakyo; nũndũ nĩkyakĩaa, nĩkwĩthĩwa kyaĩ o kĩmwana.
21
Nĩvo ĩndĩ Nzeva na Nzalĩmuna maisye, Ũkĩla eue, ũtũkĩlĩĩle; nũndũ o ũndũ mũndũ ũilyĩ, now’o vinya wake ũilyĩ. Na Ngĩteoni ookĩla, na ooaa Nzeva na Nzalimuna, na oosa mavuo ala maĩ ngingonĩ sya ngamĩle syoo.
22
Nĩvo ĩndĩ andũ ma Isilaeli mamwĩie Ngiteoni, Tũsumbĩke, we na mwana waku, o na mwĩsũkũũu; nũndũ nũtũtangĩĩe kuma kw’okonĩ kwa Mitiani.
23
Na Ngiteoni amea, Ndimũsumbĩka, o na mwana wakwa ndemũsumbĩka: Yeova akamũsumbĩka.
24
Na Ngiteoni amea, Nĩnenda kũmwĩtya kĩndũ, nakyo nĩ kĩla mũndũ anenge ngome sya matũ sya mũtavo wake. (Nũndũ maĩ na ngome sya matũ sya thaavu, nũndũ maĩ Aisumaeli.)
25
Na masũngĩa, Nĩtũkwinengane na ngoo ya kwenda. Nao malan’ya ngũa nthĩ, na kĩla mũndũ alekya vo ngome sya matũ ila sya mũtavo wake.
26
Na ũito wa ngome sya matũ sya thaavu ila wetisye waĩ sekeli ngili na maana mũonza sya thaavu; eka mavuo na imanza, na ngũa iilyĩ ta ndune ila syeekĩĩtwe nĩ asumbĩ ma Mitiani, na eka mĩnyoo ĩla yaĩ ngingonĩ sya ngamĩle syoo.
27
Na Ngiteoni aseũvya evoti nasyo, na ayia ndũanĩ yake, o ku Olava: na Isilaeli onthe nĩmekaa ũmalwaya kw’o makĩyĩatĩĩa; na yatw’ĩka kĩtei kwa Ngiteonĩ, na nyũmba yake.
28
Na ĩndĩ Mitiani makĩlw’a vinya nĩ ana ma Isilaeli, na matyaaũkĩlya mĩtwe yoo ĩngĩ. Na nthĩ yathũmũa myaka mĩongo ĩna mĩthenyanĩ ya Ngiteoni.
29
Na Yelumbaalĩ mwana wa Yoasi athi ekala mũsyĩ kwake.
30
Na Ngiteoni aĩ na ana mĩongo mũonza ala wasyaĩte we mwene; nũndũ aĩ na iveti mbingĩ.
31
Na mũka wake ngombo ũla waĩ Sekemu, nake amũsyaĩa mwana, na amwĩta syĩtwa yake Avimeleki.
32
Na Ngiteoni mwana wa Yoasi akw’a e na ũkũu mũseo, na athikwa ngunganĩ ya Yoasi ĩthe wake vala vathikawa akw’ũ, ku Ovala ya Aavieseli.
33
Na kweethĩwa, o Ngiteoni akw’a, ana ma Isilaeli maalyũka ĩngĩ, na meekaa ũmalwaya makĩatĩĩa Mbaalimu, na matw’ĩkĩthya Mbaali‐mbelithi ngai yoo.
34
Na ana ma Isilaeli matyaamũlilikana Yeova Ngai woo, ũla wamavonokisye kuma mokonĩ ma amaitha moo onthe kĩla ngalĩko;
35
o na matyaamĩka nyũmba ya Yelumbaali nesa, ũla Ngiteoni, kwĩanana na ũseo w’onthe ũla wamekaa Isilaeli.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21