bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 5
Judges 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
Nĩvo ĩndĩ Ndevola na Mbalaka mwana wa Avinoamu mainie mũthenya ũsu, makyasya,
2
Nũndũ atongoi nĩmatongoetye nthĩnĩ wa Isilaeli, Nũndũ andũ nĩmeenenganie na ngoo ya kwenda, Mũtaĩei Yeova.
3
Ĩw’ai, inyw’ĩ asumbĩ; teai matũ, inyw’ĩ anene; Nyie, o nyie, ngamwinĩa Yeova; Ngaina ngĩkumya Yeova, Ngai wa Isilaeli.
4
Yeova, yĩla waumaalile kuma Seili, Yĩla waendie wauma nthĩ ya Etomu, Nthĩ nĩyatetemie, matu namo mavalũka, Ĩĩ, mathweo metĩkya kĩw’ũ.
5
Iĩma syatetema Yeova e vo, O Sinai kĩya nakyo Yeova, Ngai wa Isilaeli, e vo.
6
Mĩthenyanĩ ya Samukali mwana wa Anathi, Mĩthenyanĩ ya Yaeli, malelũ matyaĩ andũ, Na aendi ma kyalo maendelaa tũsĩlanĩ twa myathũko.
7
Asumbĩki mathela nthĩnĩ wa Isilaeli, nĩmathelile, Mũvaka yĩla nyie Ndevola nookĩlile, Nookĩla nĩ inyia nthĩnĩ wa Isilaeli.
8
Nĩmanyuvie ngai ingĩ; Na ĩndĩ kwaĩ kaũ i mbingĩlonĩ: Nĩkwoonekie ngao kana ĩtumo Katĩ wa andũ ngili mĩongo ĩna ma Isilaeli?
9
Ngoo yakwa nĩyelekele makavana ma Isilaeli, Ala meenenganie na ngoo ya kwenda katĩ wa andũ: Mũtaĩei Yeova.
10
Ũtavan’yei, inyw’ĩ ala mũkuawa nĩ mang’oi meũ, Inyw’ĩ ala mwĩkalĩlaa mĩkeka yĩ thooa mũnene, Na inyw’ĩ ala mũendaa na nzĩa.
11
O kũasa na kĩlonzo kya ala ma mata, kũla kũtavawa manzĩ, Kũu makawetangĩa meko malũngalu ma Yeova, O meko malũngalu ma ũsumbĩki wake nthĩnĩ wa Isilaeli. Nĩvo ĩndĩ andũ ma Yeova matheeie i mbingĩlonĩ.
12
Amũka, amũka, Ndevola; Amũka, amũka, ina wathi: Ũkĩla, Mbalaka, twaa ala ũtavĩte, we, mwana wa Avinoamu.
13
Nĩvo ĩndĩ kwatheeie ũtialo wa anene me ndaĩa o na andũ; Yeova atheea kwondũ wakwa okite na ala me vinya mũnene.
14
Kuma Evalaimu matheea ala kĩtina kyoo kĩ ku Amaleki; Ĩtina waku, Mbenyamini, katĩ wa ngo sya andũ maku; Kuma Makili matheea makavana, Na kuma Nzevuluni ala makuaa ndata ya mũandikĩ.
15
Na anene ma Isakali maĩ vamwe na Ndevola; O tondũ Isakali wailyĩ, now’o Mbalaka wailyĩ; Masemba malika mwandanĩ mamũkinyĩlĩte itiinyo. Ũtee wa mĩmeo ya tũlũsĩ twa Leuveni Vaĩ kũsũanĩĩwa kũnene kwa ngoo.
16
Wekalĩte syengonĩ sya malondu nĩkĩ, Wĩw’ae mĩtũlilũ ĩla ĩnĩũvuvĩwa ndĩthya sya mbũi na malondu? Ũtee wa mĩmeo ya tũlũsĩ twa Leuveni Vaĩ mothianĩo manene ma ngoo.
17
Ngileati atwĩe mũingo wa Yolotani: Na Ndani, ekalaa ngalawanĩ nĩkĩ? Aseli ekalaa auĩtye kĩthũmũonĩ ũtee wa ũkanga, Na ekalaa ũtee wa syoko syĩ kwake.
18
Nzevuluni maĩ ũko wa andũ ũla walekilye mathayũ moo mũisyonĩ kũvika kĩkw’ũ, O na Navitali, ĩũlũ wa kũla kũndũ kũtũlu kwa nthĩ.
19
Asumbĩ mooka na mokita; Nĩvo ĩndĩ asumbĩ ma Kanaani mokitĩe, Ku Taanaki ũtee wa manzĩ ma Mekito: Matyaaosa ũtandĩthyo wa mbesa.
20
Ndata nĩsyokitie syĩ ĩtunĩ, Syĩ nzĩanĩ syasyo syamũkita Sisela.
21
Ũsĩ wa Kisoni wamatwaa vyũ, Ũsĩ ũsu wa tene, ũsĩ wa Kisoni. We ngoo yakwa, endeea na vinya.
22
Nĩvo ĩndĩ mavũngũ ma mbalasi malumangya matuu Kwondũ wa kũtũlĩlanga, kũtũlĩlanga kwa ila syoo syĩ vinya.
23
Umanĩai Melosi, asya ũu mũlaĩka wa Yeova, Maumanĩei na wai ala matwĩe vo, Nũndũ matyaaũka kũmũtetheesya Yeova, Kũmũtetheesya Yeova kwa ala me vinya mũno.
24
Yaeli akaathimwa kũvĩtũka aka, Kĩveti kya Eeveli ũla Mũkeni; Akaathimwa kũvĩtũka aka ma ĩeemanĩ.
25
Eetya kĩw’ũ, nake amũnenga ĩia; Amũetee mauta ma meo me ĩsaaninĩ ĩseo mũno.
26
Atambĩĩa na kw’oko kyambo kya ĩeema, Na kw’oko kwake kwa aũme kĩiva kya mũndũ wa wĩa; Na amũkũnĩĩa Sisela na kĩla kĩiva, amũkũnĩĩa kyakuthũkana mũtwe wake; Ĩĩ, atonya na akĩkũna mũkuthũ nthĩanĩ syake.
27
Maũũnĩ make akunama, avalũka, akoma; Maũũnĩ make akunama, avalũka: O vala wakunamĩe, nĩvo wavalũkile e mũkw’ũ.
28
Asyaĩlya mbũthinĩ, na aĩa, O inyia wa Sisela aĩĩa mbũthinĩ yĩ mĩtĩ mĩkelangan’ye, Ĩkasya yake yĩkalile ĩvinda yĩana ũu nĩkĩ? Ndĩa sya makasya make syĩkalile ũu nĩkĩ?
29
Aka oĩ me ndaĩa ma kwake mamũsũngĩa, Ĩĩ, o nake mwene eesũngĩa,
30
Matyonete, na kũaan’ya mũtavo? Mwĩĩtu, eĩtu elĩ kĩla mũndũ; Kwa Sisela mũtavo wa ngũa syĩ malangi, Mũtavo wa ngũa syĩ malangi syanakavĩtw’e na ndii, Wa ngũa syĩ malangi syanakavĩtw’e na ndii ngalĩ syelĩ, syĩ ngingonĩ sya atavwa?
31
Amaitha maku onthe nĩmathele ũu, ame Yeova; Ĩndĩ ala mamwendaa nĩmethĩwe ta syũa yĩkyuma na vinya wayo mũnene. Na ĩ nthĩ yathũmũa myaka mĩongo ĩna.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21