bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Judges 4
Judges 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Na ana ma Isilaeli meeka ĩngĩ ũla Yeova wonaa wĩ ũthũku, yĩla Euti wakwie.
2
Na Yeova amathoosya kw’okonĩ kwa Yavini mũsumbĩ wa Kanaani, ũla wasumbĩkĩte ku Asoli; na kavuteni wa nguthu ya ũsu aĩ Sisela, ũla watwie Alosethi wa Andũ‐ma‐mbaĩ‐ingĩ.
3
Na ana ma Isilaeli mamwĩkaĩla Yeova: nũndũ Sisela aĩ na makasya ma kaũ maana kenda ma iaa; na nĩwathĩnasya ana ma Isilaeli na vinya myaka mĩongo ĩlĩ.
4
Na ĩvinda yĩu Ndevola, mwathani mũndũ mũka, kĩveti kya Lavitothi, nĩkyasilanasya Isilaeli.
5
Nake ekalaa ĩtina wa mũtende wa Ndevola, katĩ wa Lama na Mbethi‐eli, nthĩ yĩ iĩma ya Evalaimu: na ana ma Isilaeli mambataa vala ũĩ nĩ kana makasilanw’e.
6
Na atũmana Mbalaka aketwe, mwana wa Avinoamu, kuma Ketesi‐navitali, na amwĩa, Yeova, Ngai wa Isilaeli, ndakwĩaĩĩte, aikwĩa, Enda ũthengeee kĩĩmanĩ kya Tavoli, na ũkĩthi na andũ ngili ĩkũmi ma ana ma Navitali na ma ana ma Nzevuluni?
7
Nakwa ngakũthengeesya Sisela ũsĩnĩ wa Kisoni, kavuteni wa ita sya Yavini, vamwe na makasya make ma kaũ na nguthu yake; na ngamũnengane kw’okonĩ kwaku.
8
Na Mbalaka amwĩa, Ethĩwa nũkũendan’ya nakwa, nĩngũthi; ĩndĩ ethĩwa ndwĩendan’ya nakwa, ndithi.
9
Nake amwĩa, Nditĩa kũthi naku: ĩndĩ kyalo kyu ũkũthi kĩtyĩthĩwa kya ndaĩa yaku; nũndũ Yeova akanengane Sisela kw’okonĩ kwa mũndũ mũka. Na Ndevola ookĩla, na athi Ketesi, e na Mbalaka.
10
Na Mbalaka eeta a Nzevuluni na a Navitali mombane Ketesi; na mambata andũ ngili ĩkũmi mamũatĩĩe: na Ndevola ambata vamwe nake.
11
Na ĩndĩ Eeveli Mũkeni nĩwevathanĩte na Akeni, o ana ma Ovavu mũthoni wa Mose, na akamba ĩeema yake o vaasa ta vala vaĩ mũtĩ wa mwaloni ku Nzaananĩmu, ĩla yĩ ũtee wa Ketesi.
12
Na matavya Sisela kana Mbalaka mwana wa Avinoamu nĩwambatĩte kĩĩmanĩ kya Tavoli.
13
Na Sisela oomban’ya kuma Alosethi ya Andũ‐ma‐mbaĩ‐ingĩ, kũvika ũsĩnĩ wa Kisoni, makasya make onthe ma kaũ, o makasya maana kenda ma iaa, na andũ onthe ala maĩ vamwe nake.
14
Na Ndevola amwĩa Mbalaka, Ũkĩla; nũndũ ũũ nĩ mũthenya ũla Yeova ũnenganĩte Sisela kw’okonĩ kwaku; Yeova ndaumaalĩte akũtongoesye? Kwondũ wa ũu Mbalaka atheea kũma kĩĩmanĩ kya Tavoli, e na andũ ngili ĩkũmi mamũatĩĩe.
15
Na Yeova amũthokoan’ya Sisela, na makasya make onthe ma kaũ, na nguthu yake yonthe, kwa kũtemanga na ũvyũ Mbalaka e vo; na Sisela auma ĩkasyanĩ yake ya kaũ, na akũka na maũũ.
16
Ĩndĩ Mbalaka aatĩĩa makasya ma kaũ na nguthu, kũvika Alosethi ya Andũ‐ma‐mbaĩ‐ingĩ: na nguthu yonthe ya Sisela yavalũkw’a ĩtemangĩtwe na ũvyũ; vatyaatiala mũndũ o na ũmwe.
17
Ĩndĩ Sisela akũka na maũũ avika ĩeemanĩ ya Yaeli mũka wa Eeveli ũla Mũkeni; nũndũ kwaĩ mũuo katĩ wa Yavini mũsumbĩ wa Asoli na nyũmba ya Eeveli ũla Mũkeni.
18
Na Yaeli athi amũthaũe Sisela, na amwĩa, Athũka, mwĩaĩi wakwa, athũkĩla vaa nĩĩ; ndũkakĩe. Na athũka alika ĩeemanĩ kwake, na amũvw’ĩkĩĩa ĩvula.
19
Na amwĩa, Nĩngũkwĩsũva, nenga tũmanzĩ nĩnyw’e; nũndũ nĩ na waũni. Na akunũa kathatwa ke ĩia, na amũnenga anyw’e, na amũvw’ĩka.
20
Na amwĩa, Ũngama mũomonĩ wa ĩeema, na kwĩthĩwe ethĩwa mũndũ o na wĩva nũnũkũka na ũkũkũlya, akyasya, Ve mũndũ ũngĩ vaa? Mwĩe, Aiee.
21
Nĩvo ĩndĩ Yaeli mũka wa Eeveli wosie kyambo kya ĩeema, na oosa kĩiva na kw’oko, na amũtonea, na amũkũnĩĩla ũthĩanĩ na kyambo, na kyakũthũkana kyatonya nthĩ; nũndũ aĩ na too mũnene; nake anyooka na akw’a.
22
Na, sisya, Mbalaka aatĩĩe Sisela, Yaeli aumaala amũthaũe, na amwĩa, Ũka, na nĩngũkwon’ya mũndũ ũla ũũmantha. Na ooka vala ũĩ; na, sisya, Sisela akomete e mũkw’ũ, na kĩla kyambo kĩ ũthĩanĩ kĩkuthũkene.
23
Ũu nĩw’o Ngai wakĩlilye Yavini mũsumbĩ wa Kanaani vinya kwondũ wa ana ma Isilaeli mũthenya ũsu.
24
Na kw’oko kwa ana ma Isilaeli kwakĩlya Yavini mũsumbĩ wa Kanaani vinya mbee na mbee, mũvaka mamwananga Yavini mũsumbĩ wa Kanaani.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21