bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Revelation 17
Revelation 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Na kwookie ũmwe wa alaĩka asu mũonza ala maĩ na mbakũli mũonza, aneena nakwa, akyasya, Ũka vaa, nĩngũkwon’ya ũsilĩlo wa yĩla ĩlwaya ĩnene yĩla yĩkalaa ĩũlũ wa iw’ũ nyingĩ;
2
yĩla asumbĩ ma nthĩ malaalaile nayo, na ala matwĩe nthĩ matoonw’a nĩ mbinyu ya ũiaalai wayo.
3
Nake angua nĩ Vevanĩ kũvika weũnĩ: na noona mũndũ mũka ekalĩle nyamũ ndune mũno, yusũĩte masyĩtwa ma kũumana, ĩ na mĩtwe mũonza na mbya ĩkũmi.
4
Na ũ mũndũ mũka eevw’ĩkĩte ngũa ĩilyĩ ta ndune na ĩngĩ ndune mũno, na aseũvĩtw’e na thaavu na tũvila twĩ thooa mũnene na malũlũ, na kw’okonĩ kwake aĩ na kĩkombe kya thaavu kyusĩwe nĩ mothatyo, nao nĩ maũndũ mavuku ma ũlaalai wake,
5
na kĩtulyanĩ kyake vaandĩkĩtwe syĩtwa, NZAMA, MBAVILONI ĨLA NENE, INYIA WA MALWAYA NA WA MOTHATYO MA NTHĨ.
6
Na noona mũndũ mũka ũsu aitoonw’a nĩ nthakame ya atheu, na nthakame ya ngũsĩ sya Yesũ. Namwona, naseng’a na ũseng’yo mũnene.
7
Na ũla mũlaĩka angũlya, Nĩ kyaũ kĩũkũseng’ya? Nĩngũũtavya nzama ya mũndũ mũka ũũ, na ya nyamũ ĩla ĩmũkuĩte, ĩla ĩ na mĩtwe mũonza na mbya ĩkũmi.
8
Nyamũ ĩla woona yaĩ vo, na yu ndĩ vo; na nĩkilĩlye kwambata kuma yĩla ĩimanĩ yĩte kĩtulu, na kũthi wanangĩkonĩ. Na ala matwĩe nthĩ makaseng’a, ala masyĩtwa moo mataaandĩkwa ĩvukunĩ ya thayũ kuma mwambĩlĩlyo wa nthĩ, moona ĩla nyamũ, ũndũ yaĩ vo, na yu ndĩ vo, na ĩkeethĩwa vo.
9
Vaa nĩvo ve kĩlĩko kĩ na ũĩ. Mĩtwe ĩsu mũonza nĩ iĩma mũonza, ila mũndũ mũka wĩkalĩle:
10
nasyo nĩ asumbĩ mũonza; atano nĩ avalũku, ũmwe e vo, na ũla ũngĩ ndanamba kũka; nake ooka, mũvaka ekale kavinda kanini.
11
Na nyamũ ĩla yaĩ vo, na yu ndĩ vo, nayo nĩyo ya nyanya, na nĩ ya ila mũonza; nayo ĩthi wanangĩkonĩ.
12
Na mbya ĩkũmi ila wonie nĩ asumbĩ ĩkũmi, ala matanamba kwosa ũsumbĩ; ĩndĩ meosa ũkũmũ ta asumbĩ, vamwe na nyamũ ĩsu, ĩvinda ya saa ũmwe.
13
Asu me na kĩlilikano kĩmwe, na memĩnenga nyamũ ĩsu vinya na ũkũmũ woo.
14
Asu makokita na kala Katena ka ĩlondu, nake Katena akamakĩlya vinya, nĩkwĩthĩwa we nĩ Mwĩaĩi wa eaĩi na Mũsumbĩ wa asumbĩ; na ala me nake, ala meetiwe, anyuve na me na kĩthito, makakĩlya vinya.
15
Nake ambĩa, Iw’ũ ila wonie, vala yĩla ĩlwaya yĩkalaa, nĩ ngo sya andũ, na makomano, na mbaĩ, na ithyomo.
16
Na mbya ĩkũmi ila wonie na ĩla nyamũ, asu makamena yĩla ĩlwaya, na makayĩtia yoka, na yĩ ĩthei, na makaya nyama syayo, na makayĩvĩvya vyũ na mwaki.
17
Nũndũ Ngai ekĩĩte ngoonĩ syoo kwĩka kwenda kwake, na kwĩtĩkĩla ũndũ ũmwe, na kũmĩnenga ĩla nyamũ ũsumbĩ woo, mũvaka ndeto sya Ngai syĩanĩe.
18
Na mũndũ mũka ũla wonie nĩwe ĩla ndũa nene, ĩla ĩsumbĩkaa ĩũlũ wa asumbĩ ma nthĩ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22