bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Revelation 3
Revelation 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Na mũandĩkĩe mũlaĩka wa ĩkanisa yĩla yĩ Salite atĩĩ: Maũndũ aa easya ũla wĩ na Maveva mũonza ma Ngai na ila ndata mũonza: Nĩnĩsĩ mawĩa maku, kana wĩ na syĩtwa ya kwĩthĩwa thayũ, na wĩ mũkw’ũ.
2
Ĩthĩwa ũisyaĩĩsya, noimalũlũmĩlya maũndũ ala matiele, ala makilyĩ ũkw’a: nĩkwĩthĩwa ndyaaona mawĩa maku meanĩe mbee wa Ngai wakwa.
3
Lilikana ĩndĩ ũndũ wosete na ũndũ wĩw’ĩte; noisũvĩa, na kũalyũla ngoo. Ethĩwa ĩndĩ ndũkasyaĩĩsya, ngooka ta kĩng’ei, na ndũkamanya saa ũla nĩũka kwaku.
4
Ĩndĩ wĩ na masyĩtwa amwe mavũthũ ku Salite ala mataavukya ngũa syoo: nao makaendanasya nakwa mekĩĩte ngũa nzaũ; nũndũ nĩmaĩle.
5
Ũla ũkĩlasya, o ta ũu akavw’ĩkwa ngũa nzaũ; na ndikananga nongi syĩtwa yake ĩvukunĩ ya thayũ, na ngayumbũla syĩtwa yake mbee wa Asa wakwa, na mbee wa alaĩka make.
6
Ũla wĩ na kũtũ, nĩew’e ũndũ Veva ũnũũtavya makanisa.
7
Na mũandĩkĩe mũlaĩka wa ĩkanisa yĩla yĩ Vilatelivĩa atĩĩ: Maũndũ aa easya ũla mũtheu, na ũla wa w’o, ũla wĩ na ũvungũo wa Ndaviti, ũla ũvingũaa na kũi ũvinga, na ũla ũvingaa na kũi ũvingũa:
8
Nĩnĩsĩ mawĩa maku (sisya, nĩnaia mbee waku mũomo mũvingũe, naw’o kũi ũtonya kũvinga), nĩnĩsĩ kana wĩ na vinya mũnini, naku nĩwasũvĩie ndeto yakwa, na ndwaayĩkaĩa syĩtwa yakwa.
9
Sisya, nĩmanengane ala ma ĩsinakoke ya Satani, ala maasya nĩ Ayuti, na ti w’o, ĩndĩ meneena ũvũngũ; sisya, ngatuma moka mathaithe mbee wa maũũ maku, na kũmanya kana nyie nĩngwendete.
10
Nĩkwĩthĩwa nĩwasũvĩie ndeto ya wũmĩĩsyo wakwa, nakwa ngakũsũvĩa wume ĩvindanĩ yĩu ya ũtatwa, yĩla yĩũka nthĩ yonthe, kũmatata ala matwĩe nthĩ.
11
Ngooka mĩtũkĩ: lũmya ũla wĩ naw’o, nĩ kana mũndũ o na wĩva ndakose ngovia yaku ya ũsumbĩ.
12
Ũla ũkĩlasya, ngamũtw’a kĩtuĩ ĩkalũnĩ ya Ngai wakwa, na ndakaumaala ĩngĩ nongi: na ngaandĩka ĩũlũ wake syĩtwa ya Ngai wakwa, na syĩtwa ya mũsyĩ wa Ngai wakwa, ũla Yelusaleme mweũ, ũla ũtheeaa kuma ĩtunĩ kwa Ngai wakwa, na ngaandĩka ĩũlũ wake syĩtwa yakwa mwene yĩla yeũ.
13
Ũla wĩ na kũtũ, nĩew’e ũndũ Veva ũnũũtavya makanisa.
14
Na mũandĩkĩe mũlaĩka wa ĩkanisa yĩla yĩ Laotisia atĩĩ: Maũndũ aa easya ũla Ameni, ngũsĩ yĩ kĩthito na ya w’o, mwambĩlĩlya wa wũmbi wa Ngai:
15
Nĩnĩsĩ mawĩa maku, kana ndwĩ mũthithu o na ndwĩ mũvyũ: nĩenda wĩthĩwe wĩ mũthithu kana wĩ mũvyũ.
16
Na ĩndĩ nĩkwĩthĩwa wĩ kamulutĩla, o na ndwĩ mũvyũ na ndwĩ mũthithu, ngaũtwĩla wume kanyw’anĩ wakwa.
17
Nũndũ, wĩasya, Nyie nĩ mũthwii, na nĩnĩthuĩtye, na ndi vata wa kĩndũ; na ndwĩsĩ kana we wĩ mũnyamai na mwonzu na ngya na kĩlilinda na mũthei:
18
nĩngũũtaa kana ũthooe kwakwa thaavu ũla ũtheetw’e na mwaki, nĩ kana ũtonye ũtw’ĩka mũthwii; na ngũa nzaũ, nĩ kana ũtonye kwĩvw’ĩka, nthoni syaku sya kwĩthĩwa mũthei itikoneke; na mũti wa metho wa ũvaka metho maku, nĩ kana ũtonye kwona.
19
O asu ala nĩmendaa, nĩnĩmakanasya na kũmakũna: ĩthĩwa na ũthangaau ĩndĩ, noialyũla ngoo,
20
Sisya, nĩũngeme mũomonĩ na kũvingũsya: ethĩwa mũndũ o na wĩva akeew’a wasya wakwa na kũmbingũĩa mũomo, ngalika kwake, na ngaĩsanĩa nake, nake akaĩsanĩa nakwa.
21
Ũla ũkĩlasya, ngamũnenga kwĩkala vamwe nakwa kĩvĩlanĩ kyakwa kya ũsumbĩ, o ũndũ nakwa nakĩlilye, na kwĩkala vamwe na Asa wakwa kĩvĩlanĩ kyake kya ũsumbĩ.
22
Ũla wĩ na kũtũ, nĩew’e ũndũ Veva ũnũũtavya makanisa.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22