bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 12
Revelation 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Nĩvaumĩlile ũndũ wa kũseng'ya ĩtunĩ. Ũndũ ũsu waĩ mũndũ mũka weevw'ĩkĩte syũa tayo ngũa yake, na ungu wa nyaĩĩ syake vaĩ mwei, na mũtwenĩ nĩweekĩĩte ngovia ya kĩ-ũsumbĩ yĩna ndata ĩkũmi na ilĩ.
2
Mũndũ mũka ũsu nĩwakilĩlye kũsyaa, na nĩwakayaa nĩkwĩthĩwa aĩ na woo wa kwaũnya.
3
Nĩvasyokie vaumĩla ũndũ ũngĩ wa kũseng'ya ĩtunĩ. Naw'o ũndũ ũsu waĩ mũkũnga mũnene mũtune wa kũseng'ya, ũla waĩ na mĩtwe mũonza na mbya ĩkũmi, na kĩla mũtwe ũkekĩa ngovia ya kĩ-ũsumbĩ.
4
Kĩsithe kyaw'o nĩkyakusisye kĩlungu kĩmwe kya itatũ kya ndata syonthe, na wasyĩkya syavalũka ĩũlũ wa nthĩ. Nĩwaũngamie mbee wa mũndũ mũka ũsu wakilĩlye kũsyaa, nĩ kana asyaa kana kau oou ũkamelye.
5
Mũndũ mũka ũsu nĩwasyaie kavĩsĩ, kala kakasumbĩka mbaĩ syonthe sya andũ, ke na ũtonyi mũnene ĩũlũ wa nthĩ. Ĩndĩ kana kau nĩkavulilw'e kambatw'a kwa Ngai, kĩvĩlanĩ kyake kya kĩ-ũsumbĩ.
6
Nake mũndũ mũka ũsu nĩwasembie akĩa athi weũnĩ, kũla Ngai wamũseũvĩsye, nĩ kana ekalae aisũvĩwa vandũ va mĩthenya ngili ĩmwe, maana elĩ na mĩongo thanthatũ.
7
Nĩvo ĩndĩ kweethĩiwe kaũ mũnene ĩtunĩ, mũlaĩka ũla wĩtawa Mikaeli na alaĩka ala me ungu wake mayũkita na mũkũnga ũsu. Mũkũnga na alaĩka maw'o nĩmatatie kũkita,
8
ĩndĩ nĩmasindiwe, na mayaaĩtĩkĩlw'a ĩngĩ kwĩkala ĩtunĩ.
9
Mũkũnga ũsu, ũla no w'o ĩla nzoka ya tene yĩtawa Ndevili kana Satani, na ũmakengaa andũ onthe ĩũlũ wa nthĩ, nĩwekiw'e ũkavalũke nthĩ, na wekanĩw'a vamwe na alaĩka ma w'o.
10
Nĩnasyokie neew'a wasya kuma ĩtunĩ ũyasya atĩĩ, “Yu ũtangĩĩo wa Ngai waitũ nĩwooka! Ngai nĩwonanĩtye ũkũmũ wake ta mũsumbĩ, na Klĩsto o nake nĩwonanĩtye ũkũmũ wake. Nũndũ ũla ũendaa mbee wa Ngai mũthenya na ũtukũ, kũneena ndeto ite sya w'o ĩũlũ wa ana-a-asa maitũ nĩwekw'a nthĩ.
11
Aĩkĩĩi asu mamũsindaa kwĩsĩla ũtonyinĩ wa nthakame ya Kalondu, na kwa kũtavany'a ndeto ya Ngai; maitalaa thayũ woo ta kĩndũ o na ethĩwa no nginya moawe.
12
Kwoou onthe ala mekalaa ĩtunĩ nĩmethĩwe na ũtanu! Ĩndĩ kyeva kĩnene nĩ kwenyu inyw'ĩ ala mũtwĩe ĩũlũ wa nthĩ, na ala mwĩ mokanganĩ. Nũndũ Satani nĩwekw'a nthĩ kũla mũĩ, athatĩte mũno nĩkwĩthĩwa nĩwĩsĩ kana ĩvinda yake ya kũkengana nĩ ĩkuvĩ.”
13
Mũkũnga ũsu wamanya kana nĩwekw'a ĩũlũ wa nthĩ, nĩwambĩĩie kũsembany'a ũla mũndũ mũka wasyaĩte kala kana ka kavĩsĩ.
14
Mũndũ mũka ũsu nĩwanengiwe nthwau ilĩ sya ndiũ nene, nĩ kana aũlũke aume vala ve mũkũnga ũsu, athi kũndũ weũnĩ akekale ũsũvĩonĩ kw'o vandũ va ĩvinda ya myaka ĩtatũ na nyusu.
15
Mũkũnga ũsu nĩwatavĩkie kĩw'ũ kingĩ ta kya ũsĩ, nĩ kana kĩkue mũndũ mũka ũsu.
16
Ĩndĩ nthĩ nyũmũ nĩyeethĩiwe yĩ ya ũtethyo mũnene kwa mũndũ mũka ũsu, nĩkwĩthĩwa nĩyaathamisye na yamelya kĩw'ũ kĩu kyaumĩte kanyw'anĩ wa mũkũnga ũsu.
17
Nĩvo ĩndĩ mũkũnga ũsu wathatiw'e mũno nĩ mũndũ mũka ũsu, na wavanga kwambĩĩa kũkita nzyawa ila ingĩ syonthe syake, namo nĩ ala mekaa ũndũ mĩao ya Ngai ĩkwasya, na kũmũkũsĩĩa Yesũ.
18
Na kwoou mũkũnga ũsu waũngama vandũ ũtee wa ũkanga.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22