bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 8
Revelation 8
Kamba (MBIVILIA ŨVOO MŨSEO)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 9 →
1
Yĩla Kalondu koombũie wũmbĩĩo wa mũonza, ĩtunĩ nĩkwavindiw'e ki vandũ va ĩvinda ta ya nyusu saa.
2
Nĩvo ĩndĩ noonie alaĩka mũonza ala mekalaa maũngyĩ mbee wa Ngai, na kĩla ũmwe woo anengwa soo.
3
Mũlaĩka ũngĩ wakwete kĩndũ kya thaavu kya kwĩkĩa ũvani wa kũtoeesya nĩwaũngamie kĩthembeonĩ. Nĩwanengiwe ũvani mwingĩ mũno, aũvĩvĩsye kĩthembeonĩ kĩu kyaseũvĩtw'e na thaavu, nĩ kana mũuke waw'o ũendany'e na mboya sya aĩkĩĩi vau kĩvĩlanĩ kĩu kya kĩ-ũsumbĩ.
4
Ũvani ũsu watoa, mũuke waw'o vamwe na mboya isu sya aĩkĩĩi kuma kwa mũlaĩka ũsu, nĩsyamũvikĩie Ngai.
5
Mũlaĩka ũsu nĩwoosie kĩndũ kĩu kya kwĩkĩa ũvani, akĩkĩa mwaki kuma kĩthembeonĩ, na akĩkya ĩũlũ wa nthĩ. Kyavika ĩũlũ wa nthĩ nĩkweethĩiwe itundumo sya kĩtandalĩki na kĩthingitho kya nthĩ.
6
Nĩvo ĩndĩ ala alaĩka mũonza makwete masoo mũonza meeyũmbanisye mamavuve.
7
Mũlaĩka wa mbee nĩwavuvie soo wake. Mbua ya mavia na mwaki, ĩvulanĩte na nthakame nĩyauie ĩũlũ wa nthĩ. Kĩlungu kĩmwe kya itatũ kya nthĩ, kya mĩtĩ, vamwe na nyeki nziũ yonthe nĩsyavĩe vyũ.
8
Mũlaĩka wa kelĩ nĩwavuvie soo wake, na kĩndũ kĩilyĩ ta kĩĩma kĩnene kyakanĩte mwaki kyekw'a ũkanganĩ. Kĩlungu kĩmwe kya itatũ kya mokanga onthe nĩkyatw'ĩkie nthakame,
9
kĩlungu kĩmwe kya itatũ kya nyamũ sya ũkanganĩ nĩsyakwie, na kĩlungu kĩmwe kya itatũ kya meli syonthe ila syaĩ ũkanganĩ syaanangĩka.
10
Mũlaĩka wa katatũ nĩwavuvie soo wake. Ndata nene mũno yakanĩte ta ũmũĩ nĩyavalũkile kuma ĩtunĩ, yavalũkĩla kĩlungu kĩmwe kya itatũ kya mbũsĩ na ithima syonthe.
11
Ndata ĩsu yĩtawa, “Wũũ.” Kĩlungu kĩmwe kya itatũ kya kĩw'ũ kĩla kyaĩ mbũsĩnĩ na ithimanĩ nĩkyameisye wũũ, na andũ aingĩ makw'a nũndũ wa kũnyw'a kĩw'ũ kĩu, nũndũ nĩkyavindũkĩte kĩkamesya wũũ.
12
Mũlaĩka wa kana nĩwavuvie soo wake. Kĩlungu kĩmwe kya itatũ kya syũa, kya mwei, na kya ndata nĩkyasiĩĩiwe kumya kyeni. Kĩlungu kĩmwe kya itatũ kya kyeni kya syĩndũ isu kyatw'ĩka kĩvindu. Kwoou kĩlungu kĩmwe kya itatũ kya mũthenya na ũtukũ kyatw'ĩka kĩvindu.
13
O nĩsyaĩĩsye nĩneewie wasya mũnene wa ndiũ ĩũlũkĩle kũya ĩũlũ nzevenĩ ũkwasya, “Kyeva! Kyeva! Kyeva kĩnene nĩ kwa andũ onthe ala matwĩe ĩũlũ wa nthĩ, nũndũ wa masoo ala makilĩlyĩ kũvuvwa nĩ alaĩka ala angĩ atatũ!”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22