bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 16
Revelation 16
Kamba (MBIVILIA ŨVOO MŨSEO)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Nĩvo ĩndĩ neewie wasya mũnene kuma ĩkalũnĩ weea alaĩka asu mũonza atĩĩ, “Endai mũtulũle ĩũlũ wa nthĩ ila mbakũli mũonza sya ũsilĩlo wa Ngai.”
2
Kwoou mũlaĩka wa mbee nĩwaendie atulũla mbakũli yake ĩũlũ wa nthĩ. Nĩvo ĩndĩ itau nthũku na syĩ woo syavũlĩkangile mĩĩnĩ ya andũ ala meekĩĩtwe ũvano wa ĩla nyamũ, na ala mathaithaa mũvw'anano wayo.
3
Mũlaĩka wa kelĩ nĩwatulũile mbakũli yake ũkanganĩ. Kĩw'ũ kya ũkanga nĩkyaalyũkile kyekala nthakame ya mũndũ mũkw'ũ, na syĩndũ syonthe ila syaĩ thayũ ũkanganĩ syakw'a.
4
Mũlaĩka wa katatũ nĩwatulũile mbakũli yake mbũsĩnĩ na kw'onthe kũla kumaa kĩw'ũ, na kĩw'ũ kyonthe kyekala nthakame.
5
Nĩneewie mũlaĩka ũla ũnengetwe ũtonyi ĩũlũ wa kĩw'ũ aneena asya atĩĩ, “Ũsili waku nĩ wa w'o nthĩnĩ wa ũsilĩlo ũũ, we ũla Mũtheu, ũla wĩ vo, na waĩ vo.
6
Andũ nĩmooaie aĩkĩĩi na athani maku, naku wamanenga nthakame manyw'e nũndũ yĩu nĩyo ĩtuvi yoo!”
7
Nĩneewie wasya kuma kĩthembeonĩ ũyasya atĩĩ, “Ĩĩ, nĩw'o vyũ, we Mwĩai Ngai Mwene Ũtonyi W'onthe, kana ũsili waku nĩ mwaĩlu na nĩ wa w'o!”
8
Mũlaĩka wa kana nĩwatulũile mbakũli yake ĩũlũ wa syũa, na syũa yavĩvya andũ mũno ta mwaki.
9
Andũ nĩmavĩviw'e mũno nĩ syũa, na mambĩĩa kũumanga ĩsyĩtwa ya Ngai ũla wĩ na ũtonyi ĩũlũ wa mosilĩlo aa. Nĩmaleile vyũ kwĩlila kwondũ wa mĩkalĩle yoo mĩthũku na malea kũmũkumya Ngai.
10
O ta ũu mũlaĩka wa katano nĩwatulũile mbakũli yake kĩvĩlanĩ kya kĩ-ũsumbĩ kya ĩla nyamũ, na ũsumbĩ ũsu wausũwa nĩ kĩvindu kingĩ. Andũ nĩmaũmanisye maeo nĩ woo.
11
Nĩmambĩĩie kũumanga Ngai ũla wĩkalaa ĩtunĩ, nũndũ wa woo ũla meew'ĩte na itau isu maĩ nasyo. Ĩndĩ nĩmaleile vyũ kwĩlila kwondũ wa mĩkalĩle yoo mĩthũku.
12
O ta ũu mũlaĩka wa thanthatũ nĩwatulũile mbakũli yake ũla ũsĩnĩ mũnene wĩtawa Euvalati. Kĩw'ũ kya ũsĩ ũsu nĩkyang'alile vyũ, nĩ kana vethĩwe nzĩa ya kwĩsĩlwa nĩ asumbĩ mayuma ngalĩko ya wumĩlonĩ wa syũa.
13
Nĩnoonie maimũ atatũ me na wũmbo wa syoa. Maimũ asu maumĩte kanyw'anĩ wa ũla mũkũnga na wa ĩla nyamũ, na kanyw'anĩ wa ũmwe waĩ mwathani wa ũvũngũ.
14
Maimũ asu nĩ maveva me na ũtonyi wa kwĩka syama. Maendaa kĩla vandũ ĩũlũ wa nthĩ mayũmbany'a asumbĩ onthe vamwe, meyũmbanĩsye kaũ mũthenyanĩ wa Ngai Mwene Ũtonyi W'onthe.
15
Mwĩai easya atĩĩ, “Nĩũka nĩmũthokee mũtesĩ ũndũ kĩng'ei kĩvithũkĩaa andũ! Nĩ mũathime ũla wĩkalaa eyũmbanĩtye na kũsũvĩa ngũa syake ndakaendae e mũthei na kũkwatwa nĩ nthoni!”
16
Maimũ asu me atatũ nĩmoombanisye vamwe asumbĩ onthe ĩũlũ wa nthĩ, vandũ vetawa Amaketoni kwa kĩthyomo kya Kĩevelania.
17
Nĩvo ĩndĩ mũlaĩka wa mũonza watulũile mbakũli yake nzevenĩ. Nĩneewie wasya mũnene wauma kĩvĩlanĩ kya kĩ-ũsumbĩ kĩla kĩ ĩkalũnĩ ũyasya atĩĩ, “Ũu nĩweanĩa!”
18
Nĩkweethĩiwe na kyeni kya ũtisi, mawasya, itundumo iilyĩ ta sya kĩtandalĩki, na kĩthingitho kĩnene kya nthĩ kĩtaaĩw'ĩka nĩ andũ ĩngĩ kuma yĩla moombiwe ĩũlũ wa nthĩ; kĩthingitho kĩu kyaĩ kĩnene mũno kwĩ ila ingĩ syaaĩthĩwa!
19
Mũsyĩ ũsu mũnene wĩ nguma nĩwaanĩkie kũndũ kũtatũ, na ndũa ila ingĩ sya nthĩ syaanangĩka. Ngai nĩwalilikanile mũsyĩ mũnene wĩ nguma wa Mbavilonĩ, na amĩlasimĩthya kũnyw'a ndivai kuma kĩkombenĩ kyake, ĩla nĩ ndivai ya ũsilĩlo wake mũnene.
20
Ithama syonthe nĩsyaaie, na o ta ũu o nasyo iĩma syonthe nĩsyaaie syaeka kwoneka.
21
Mbua ya mavia manene me na ũito wa ta kĩlo mĩongo ĩtano nĩyauie. Mavia asu nĩmavalũkangĩile andũ nginya mambĩĩa kũumanga Ngai, nũndũ wa ũsilĩlo ũsu wa mbua ya mavia; ũsilĩlo ũsu waĩ mũnene mũno.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22