bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 21
Revelation 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Nĩnoonie ĩtu yeũ na nthĩ nzaũ, nĩkwĩthĩwa ĩtu na nthĩ ila itũaa vo nĩsyavetangiwe vamwe na mokanga onthe.
2
Nĩnasyokie noona ũla mũsyĩ mũtheu, Yelũsalemu Nzaũ, ũtheete kuma kwa Ngai ĩtunĩ, wĩmwanakavye ta mũtwawa wĩyũmbanĩtye kũtwawa.
3
Nĩvo ĩndĩ neewie wasya mũnene kuma vala ve kĩla kĩvĩla kya kĩ-ũsumbĩ ũyasya atĩĩ, “Yu Ngai e wĩkalonĩ ũmwe na andũ make! Akekalaa vamwe namo; makeethĩawa andũ make, nake ayĩthĩwa Ngai woo.
4
Ngai akamavangũla methoi onthe methonĩ moo. Kũikethĩwa kĩkw'ũ ĩngĩ, kyeva, kĩmako, kana woo, nũndũ maũndũ asu ma tene makeethĩwa me mathelu.”
5
Nĩvo ĩndĩ nake ũla wailyĩ kĩvĩlanĩ kĩu kya kĩ-ũsumbĩ waneenie asya atĩĩ, “Nĩnatw'ĩkĩthya maũndũ onthe meũ.” Nĩwasyokie ambĩa, “Andĩka ndeto ii vandũ, nĩkwĩthĩwa nĩ ndeto sya w'o na nĩ sya kũĩkĩĩwa.”
6
Nĩwasyokie ambĩa atĩĩ, “Ũu nĩweanĩa! Ninyie wa mbee na wa mũthya, na no inyie mwambĩlĩĩlyo na mũminũkĩlyo. Ũla wĩ na waũni ngamũnenga kĩw'ũ kya thayũ ũtathela ndeũmũĩvĩthya kĩndũ.
7
Mũndũ ũla ũsindaa kaũnĩ ũũ ngamũnenga mũthĩnzĩo wa maũndũ aa onthe, na ngĩsyoka nĩthĩwe Ngai wake nake ayĩthĩwa mwana wakwa.
8
Ĩndĩ ala me w'ĩa, ala mate na mũĩkĩĩo, ala avuku, oaani, ilaalai, aoi, na ala mathaithaa ngai sya mĩvw'anano, na onthe ala makenganaa, asu onthe makekw'a yĩla ĩianĩ ya mwaki wa lavuti kĩla nĩkyo kĩkw'ũ kya kelĩ.”
9
Ũmwe wa ala alaĩka mũonza makwete ila mbakũli mũonza syausũĩte kĩndũ kyoonanasya ũsilĩlo wa Ngai wa mĩthemba mũonza, nĩwookie vala nĩĩ ambĩa atĩĩ, “Ũka ngwony'e mũtwawa ũla ũkũtwawa nĩ Kalondu.”
10
Veva nĩwoosie ũtongoi ĩũlũ wakwa, na mũlaĩka ũsu andwaa kĩĩmanĩ kĩnene ĩũlũ. Twĩ vau nĩwambonisye ũla mũsyĩ mũtheu wa Yelũsalemu ũtheete kuma ĩtunĩ kwa Ngai.
11
Mũsyĩ ũsu nĩwatisatisaw'a nĩ ũtheu mũtisu wa Ngai; watisatisaa ta mavia amwe ma thooa mũnene, na angĩ metawa yasiva, na angĩ matisatisaa mũno.
12
Nĩweelingĩlĩtwe nĩ ũkũta mũtũlu waĩ na mĩomo ĩkũmi na ĩlĩ, na kĩla ũmwe nĩwasungawa nĩ mũlaĩka. Mĩomo ĩsu nĩyaandĩkĩtwe masyĩtwa ĩkũmi na elĩ ma mbaĩ sya andũ ma Ĩsilaeli.
13
Ngalĩko ya wumĩlonĩ wa syũa ya mũsyĩ ũsu vaĩ mĩomo ĩtatũ, ngalĩko ya ĩũlũ mĩomo ĩtatũ, ngalĩko ya ĩtheo mĩomo ĩtatũ, na ngalĩko ya ũthũĩlonĩ wa syũa o ta ũu mĩomo ĩtatũ.
14
Mũsyĩ ũsu waakĩtwe ĩũlũ wa mĩsingi ĩkũmi na ĩlĩ. Mĩsingi ĩsu nĩyaandĩkĩtwe masyĩtwa ma ala atũmwa ĩkũmi na elĩ ma Kalondu.
15
Mũlaĩka ũsu waneenaa nakwa nĩwakwete ndata ya kũthima ya thaavu, nĩ kana athime ũndũ mũsyĩ ũsu wĩana, o vamwe na mĩomo na ngũta syaw'o.
16
Mũsyĩ ũsu nĩweanene ngalĩko syonthe; ũasa na ũthanthau waw'o nĩsyeanene. Athima na ndata ĩsu yake nĩweethĩie kana mũsyĩ ũsu waĩ na ũasa wa kĩlomita ngili ilĩ na maana ana, na ũthanthau na ũtulu nĩsyeanene na ũasa waw'o.
17
Mũlaĩka ũsu nĩwasyokie athima ũtũlu wa ũkũta wa mũsyĩ ũsu, naw'o waĩ wa mita mĩongo thanthatũ kwĩanana na kĩthimi kĩla kyatũmĩawa nĩ andũ, kĩla mũlaĩka ũsu wathimaa nakyo.
18
Ũkũta ũsu waakĩtwe na ala mavia metawa yasiva, nayo myako ya mũsyĩ ũsu ĩkakwa na thaavu mũtheu ta kĩoo.
19
Mĩsingi ĩla mũsyĩ ũsu waakĩtwe ĩũlũ wayo nĩyaanakavĩtw'e na mavia ma thooa mũnene ma mĩthemba yonthe. Mũsingi wa mbee waanakavĩtw'e na mavia ma thooa mũnene metawa yasiva, wa kelĩ angĩ metawa savaya, wa katatũ angĩ metawa angate, wa kana ala metawa emelandi,
20
wa katano angĩ metawa onekisi, wa thanthatũ ala metawa kaneliani, wa mũonza angĩ metawa nzumalati, wa nyanya angĩ metawa mbelili, wa kenda angĩ metawa tovasi, wa ĩkũmi angĩ metawa kĩlĩsovulaisi, wa ĩkũmi na ĩmwe angĩ metawa yasinĩ, na ĩndĩ wa ĩkũmi na ilĩ ũkanakavw'a na angĩ metawa amethĩsite.
21
Mĩomo ya mũsyĩ ũsu yĩ ĩkũmi na ĩlĩ yaseũvĩtw'e na mavia ma thooa mũnene ma mĩthemba mingĩ. Naw'o lelũ ũla mũnene wĩsĩlĩte mũsyĩnĩ ũsu ũkaseũvw'a na thaavu mũtheu ta kĩoo.
22
Ndyaaona kwakĩtwe ĩkalũ mũsyĩnĩ ũsu, nũndũ Ngai Mwene Ũtonyi W'onthe e na Kalondu nĩmo ĩkalũ ya kũu.
23
Mũsyĩnĩ ũsu vai vata wa kyeni kya syũa kana kya mwei, nĩkwĩthĩwa ũtheu mũtisu wa Ngai nĩw'o kyeni kyaw'o, na Kalondu nĩwe taa waw'o.
24
Andũ ĩũlũ wa nthĩ makekalaa matongoew'e nĩ kyeni kya mũsyĩ ũsu, na asumbĩ ĩũlũ wa nthĩ makaetae ũthwii woo vo.
25
Mĩomo ya mũsyĩ ũsu ndĩkavingwa o na ĩndĩĩ, nĩkwĩthĩwa kũikethĩwa mavinda ma ũtukũ.
26
Andũ ĩũlũ wa nthĩ makakumasya mũsyĩ ũsu na kũũnengae ndaĩa.
27
Ĩndĩ mũsyĩ ũsu ndũkalika kĩndũ o na kĩmwe kĩvuku, kana mũndũ o na wĩva ũla wĩkaa maũndũ ala me nthoni kana ũkenganaa. Andũ ala makalika vo no ala maandĩkĩtwe yĩla ĩvukunĩ ya thayũ ya Kalondu.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22