bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 7
Revelation 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
1
Ĩtina wa maũndũ asu nĩnoonie alaĩka ana maũngyĩ kĩla ũmwe kĩtulunĩ kĩmwe kya nthĩ. Alaĩka asu nĩmasiĩĩte kĩseve kyonthe kĩla kĩuutanaa ĩũlũ wa nthĩ, nĩ kana kũikethĩwe kĩseve kĩkũuutana ĩũlũ wa nthĩ, kana mokanganĩ, kana mĩtĩnĩ.
2
Nĩvo ĩndĩ noonie mũlaĩka ũngĩ aumĩla ngalĩkonĩ ya wumĩlonĩ wa syũa ambatĩte ĩtunĩ, akwete mũulĩ wa Ngai ũla wĩ thayũ. Nĩwaneenie na wasya mũnene eea alaĩka asu ana, ala manengetwe ũtonyi nĩ Ngai wa kũete wanangĩko ĩũlũ wa nthĩ na mokanganĩ atĩĩ,
3
“Mũikaete wanangĩko ĩũlũ wa nthĩ, kana mokanganĩ, kana mwanange mĩtĩ, nginya twambe kwĩkĩa movano itulyanĩ sya mothyũ ma athũkũmi ma Ngai waitũ.”
4
Nĩnataviw'e neewa kana ala meekĩwa ũvano nĩ andũ ngili ĩana na mĩongo ĩna na inya, kuma mbaĩnĩ ĩkũmi na ilĩ sya Ĩsilaeli;
5
ngili ĩkũmi na ilĩ kuma kĩla mbaĩnĩ: Kuma mbaĩnĩ ya Yuta, ya Lũveni, ya Ngandi,
6
ya Aseli, ya Navutalĩ, ya Manase,
7
ya Simioni, ya Livai, ya Isakali,
8
ya Nzevuluni, ya Yosevu na ya Mbengyameni.
9
Ĩtina wa ũu nĩnoonie andũ aingĩ mũno matatalĩka. Andũ asu maumĩte kĩla vandũ ĩũlũ wa nthĩ, mbaĩnĩ syonthe, andũnĩ ma ngo syĩ kĩvathũkany'o, na andũnĩ ma ithyomo syĩ kĩvathũkany'o, maũngyĩ mbee wa kĩla kĩvĩla kya kĩ-ũsumbĩ na mbee wa Kalondu. Nĩmeekĩĩte ngũa nzaũ kw'ũ na ndaasa, makwete mbonge sya mũtĩ wĩtawa mũkĩndũ.
10
Onthe nĩmaneenaa na wasya mũnene mayasya atĩĩ, “Ũtangĩĩo wumaa kwa Ngai waitũ ũla ũilyĩ kĩvĩlanĩ kya kĩ-ũsumbĩ, na o ta ũu ũyuma kwa Kalondu!”
11
Alaĩka onthe ala mathyũlũlũkĩte kĩvĩla kĩu kya kĩ-ũsumbĩ, na atumĩa, na ila syũmbe inya nĩmaũngamie na makumana matina nthĩ na ũthyũ maimũthaitha Ngai
12
mayasya atĩĩ, “Kwa w'o kũilyĩ ũu! Ũtaĩo, ũkumyo, ũĩ, mũvea, ndaĩa, vinya, na ũtonyi nĩ kwa Ngai waitũ tene na tene! Ameni!”
13
Ũmwe wa ala atumĩa nĩwangũlilye atĩĩ, “Mo aa nĩ aaũ mekĩĩte ngũa ndaasa nzaũ kw'ũ, na maumĩte va?”
14
Nĩnamũsũngĩie namwĩa atĩĩ, “Mũnene, we nue ũmesĩ.” Nake ambĩa, “Aa nĩ ala mesĩlile mathĩnanĩ maingĩ na manene. Nĩmatheetye ngũa syoo ĩkethĩwa syĩ ntheu vyũ na nthakame ya kala Kalondu.
15
Kĩu nĩkyo kĩtumi me mbee wa kĩvĩla kya kĩ-ũsumbĩ kya Ngai maimũthũkũma ũtukũ na mũthenya Ĩkalũnĩ yake. Nake ũsu ũilyĩ kĩvĩlanĩ kĩu kya kĩ-ũsumbĩ akeethĩawa vamwe namo na akamasũvĩaa.
16
Maikew'a nzaa kana waũni ĩngĩ; maikavĩvw'a nĩ syũa kana kwĩw'a ũvyũvu wa mũthemba o na wĩva.
17
Nũndũ Kalondu e vau katĩ wa kĩvĩla kya kĩ-ũsumbĩ, akeethĩawa mũĩthi woo na akamatongoeasya na kũmavikya kũla kwĩ ithima sya kĩw'ũ kya thayũ. Nake Ngai akavangũla methoi kuma methonĩ moo.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22