bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 22
Revelation 22
Kamba (MBIVILIA ŨVOO MŨSEO)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Mũlaĩka ũsu nĩwasyokie ambony'a ũla ũsĩ wĩ kĩw'ũ kya thayũ kĩtheu vyũ. Ũsĩ ũsu waumĩte vala ve kĩla kĩvĩla kya kĩ-ũsumbĩ kya Ngai na kya Kalondu,
2
na ũkaanĩlya lelũ ũla mũnene wa mũsyĩ ũsu katĩ. Ndeenĩ syelĩ sya ũsĩ ũsu nĩvameete mũtĩ wa thayũ, ũla ũsyaa matunda kĩla mwei. Matũ maw'o nĩmatũmĩkaa ta ndawa ya kũvosya mowau ma andũ ĩũlũ wa nthĩ.
3
Vaikethĩwa kĩndũ kĩumanĩe nĩ Ngai mũsyĩnĩ ũsu. Ngai na Kalondu nĩmo makethĩwa masumbĩkĩte mũsyĩnĩ ũsu, namo athũkũmi make makeethĩawa maimũthaitha.
4
Makamwona na makeethĩwa maandĩkĩtwe ĩsyĩtwa yake itulyanĩ syoo.
5
Kũikethĩwa mavinda ma ũtukũ ĩngĩ, na vaikethĩwa vata wa kyeni kya taa kana kya syũa, nĩkwĩthĩwa Mwĩai Ngai nĩwe Kyeni kya mũsyĩ ũsu, nake akasumbĩka e na kalondu tene na tene.
6
Mũlaĩka ũsu nĩwambĩie atĩĩ, “Ndeto ii nĩ sya w'o na nĩ sya kũĩkĩĩwa. Mwĩai Ngai ũla ũnengae athani Veva wake, nĩwatũma mũlaĩka amony'e athũkũmi make maũndũ ala makilĩlyĩ kwĩkĩka.”
7
Yesũ easya atĩĩ, “Ĩthukĩĩsyei! Nyie nũkĩte mĩtũkĩ! Nĩ mũathime ũla wĩkaa ũndũ ndeto sya wathani ila syĩ ĩvukunĩ yĩĩ ikwasya.”
8
Nyie Yoana ninyie mwene neewie na noona maũndũ aa onthe. Yĩla naminie kũmew'a na kũmona, nĩnakumanie natina nthĩ na ũthyũ vakuvĩ na maũũ make, nĩthaithe mũlaĩka ũsu wambonisye mo.
9
Ĩndĩ nake ambĩa atĩĩ, “Ndũkanthaithe! Nyie nĩ o mũthũkũmi taku, na ta aĩkĩĩi na athũkũmi ala angĩ, na andũ onthe ala mekaa ũndũ ndeto sya wathani ila syĩ ĩvukunĩ yĩĩ ikwasya. Thaitha Ngai!”
10
O ĩngĩ mũlaĩka ũsu nĩwambĩie atĩĩ, “Ndũkavindye ũlee kũtavya andũ ũndũ ndeto sya wathani ila syĩ ĩvukunĩ yĩĩ ikwasya, nĩkwĩthĩwa ĩvinda ya kwĩkĩka kwa maũndũ aa nĩ ĩthengeeu.
11
Kwoou ũla wĩkaa mothũku nĩaendee tũ na kwĩka mothũku make, na ũla mũvuku ayĩendeea kwĩthĩwa na ũvuku, ĩndĩ ũla mũlũngalu nĩaendee na kwĩthĩwa e mũlũngalu, na o ta ũu ũla mũtheu nĩaendee kwĩthĩwa e mũtheu.”
12
Yesũ easya atĩĩ, “Ĩthukĩĩsyei! Nyie nũkĩte mĩtũkĩ ngwete ĩtuvi ya kũtuva kĩla mũndũ kwĩanana na meko ala wĩkĩte.
13
Ninyie wa mbee na wa mũthya, na no inyie mwambĩlĩĩlyo na mũminũkĩlyo.”
14
Nĩ aathime ala mathambasya ngũa syoo nĩ kana metĩkĩlw'e kũya matunda ma mũtĩ wa thayũ, na o ta ũu mayĩtĩkĩlw'a kũlika ũla mũsyĩnĩ mesĩlĩte mĩomonĩ yaw'o.
15
Ĩndĩ nza wa mũsyĩ ũsu kwĩkalaa ala me mwĩkalo mũthũku, aoi, ilaalai, oaani, ala mathaithaa ngai sya mĩvw'anano, na andũ onthe ala mendeeaw'a nĩ kũkengana.
16
“Nyie Yesũ nĩtũmĩte mũlaĩka wakwa vala ũĩ akũtavye maũndũ aa, nĩ kana naku ũtavye makanisa. Nyie nĩ wa mũvĩa wa Ndeviti, na no inyie ndata ya kwakya.”
17
Veva Mũtheu na Mũtwawa measya atĩĩ, “Ũka!” O ta ũu o nake ũla ũngĩ ũkwĩw'a ndeto ii nĩasye, “Ũka!” Nake ũla wĩ na waũni nĩoke; ũla ũkwenda kũnyw'a kĩw'ũ kya thayũ, nĩose anyw'e atekũĩvĩthw'a kĩndũ.
18
Nyie Yoana nĩngũkany'a andũ onthe ala mew'aa ndeto sya wathani ila syĩ ĩvukunĩ yĩĩ: Ethĩwa mũndũ o na wĩva akasyongeleela, Ngai nake akamwongeleela mosilĩlo ĩũlũ wa ala maandĩkĩtwe ĩvukunĩ yĩĩ.
19
Nake ũla ũkaola kaũndũ o na keva ka ndeto sya wathani ila ĩandĩkĩtwe ĩvukunĩ yĩĩ, Ngai ndakamwĩtĩkĩlya kũya matunda ma ũla mũtĩ wa thayũ. O ta ũu ndakamwĩtĩkĩlya kũlika ũla mũsyĩnĩ mũtheu, ũla maũndũ maw'o maandĩkĩtwe ĩvukunĩ yĩĩ.
20
Ũla ũkũneena maũndũ aa easya atĩĩ, “Vate ndĩi nyie nũkĩte mĩtũkĩ!” Ameni. Ũka Mwĩai Yesũ!
21
Mumo wa Mwĩai Yesũ nĩwĩthĩwe nenyu inyw'onthe. Ameni.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22