bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 18
Revelation 18
Kamba (MBIVILIA ŨVOO MŨSEO)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Ĩtina wa maũndũ asu, nĩnoonie mũlaĩka ũngĩ wĩ ũtonyi mũnene mũno atheete kuma ĩtunĩ. Nthĩ yonthe nĩyamulĩkilwe nĩ kyeni kya ũtheu wake.
2
Nĩwaneenie na ũtonyi mwingĩ ayasya atĩĩ, “Nĩ mbalũku! Nĩ mbalũku vyũ ĩla ndũa yĩ nguma yĩtawa Mbavilonĩ! Nĩtw'ĩkĩte wĩkalo wa maimũ na wa maveva mavuku, na wa mĩthemba yonthe ya nyũnyi mbuku ila imenetwe mũno.
3
Nũndũ andũ onthe nĩmanyw'ĩte makamilwa nĩ ndivai ya yo ya wendi mũthũku wa ũlaalai. Namo asumbĩ ĩũlũ wa nthĩ nĩmeekaa ũlaalai nayo, na o ta ũu o namo atandĩthya kũũ ĩũlũ wa nthĩ, nĩmakwataa ũthwii mwingĩ kumana na mawendi maingĩ mathũku ma ndũa ĩsu.”
4
O ĩngĩ nĩneewie wasya kuma ĩtunĩ ũyasya atĩĩ, “Andũ makwa umai ndũanĩ ĩsu! Mũikeke mothũku ala mekawa nĩ ndũa ĩsu, mũikese kũsilĩlwa vamwe nayo!
5
Nĩkwĩthĩwa mothũku mayo nĩmeyilĩanĩlye makavika ĩtunĩ, na Ngai nũlilikanĩte mothũku mayo.
6
Ĩka ndũa ĩsu maũndũ o ta ala yĩkĩte, mĩĩvanĩsye kũndũ kwĩlĩ kwĩanana na meko mayo. Mĩvulanĩlye kũndũ kwĩlĩ kĩkombenĩ, kĩkombenĩ kĩla ĩnavulanĩlasya.
7
Mĩnenge thĩna na kĩmako kĩanene na kwĩkathĩĩa kwayo, na mawendi mathũku ala mamĩtongoeasya. Nĩkwĩthĩwa yaasya, ‘Nĩilyĩ nthĩ nyie ta mũka wa mũsumbĩ! Ndi ndiwa nyie na ndikethĩwa na kĩmako!’
8
Kwoou ũsilĩlo wayo ũkeethĩwa wa mũthenya o ũmwe, na w'o ũkeethĩwa wa ũwau mũthũku na kĩmako, nzaa na kũvĩvw'a na mwaki. Nũndũ Mwĩai Ngai Mwene Ũtonyi W'onthe, nĩwe wĩmĩsilĩla.”
9
Asumbĩ ĩũlũ wa nthĩ ala mekaa ũlaalai na ndũa ĩsu, na kwĩka meko angĩ mathũku, makaĩa na kua mbu yĩla meona syũki yingĩ ya mwaki ũla wĩĩthĩwa ũivĩvya ndũa ĩsu.
10
Makaũngama kũndũ kũasa vyũ maikĩa kũlika thĩnanĩ ũsu. Makeethĩwa maineena mayasya atĩĩ, “Asi! Asi! Mbavilonĩ, ndũa yĩ nguma ũu nĩyasilĩlwa kwa kũvĩvw'a vyũ kavindanĩ kaninĩvĩte ũu!”
11
O ta ũu o namo atandĩthya ma kũũ ĩũlũ wa nthĩ makaĩa na kua mbu nũndũ wayo, nĩkwĩthĩwa vai mũndũ o na ũmwe ũkathooa ĩngĩ syĩndũ syoo:
12
Syĩndũ sya thaavu, silĩva, sya mavia ma thooa mũnene, na masoa ma kwendeesya ma mĩthemba mingĩ; ngũa itumĩtwe na ndii nzeo ndũmu, ingĩ sya langi wa nzambalaũ, ingĩ mbũthũ sya thooa mũnene na ndune; mĩthemba yonthe ya mĩtĩ ĩnyungaa nesa, mĩthemba yonthe ya syĩndũ iseũvĩtw'e na maeo ma nzou na mĩtĩ ya thooa mũnene, na ĩngĩ ya mbulonzi, ĩngĩ ya kyũma, na ĩngĩ ya mavia angĩ manake;
13
mauta manyungaa nesa metawa sinamoni, syĩndũ sya kũsamya lĩu nesa, ũvani, mauta me mũuke mũseo metawa manemane, na ũvani wĩ mũuke mũseo, ũvumba, ndivai na mauta, mũtu mũvinyu na nganũ, mbũi, malondu na ng'ombe, mbalasi na makasya, na ngombo na andũ angĩ ta mo.
14
Atandĩthya asu makaendeea na kũneena mayasya atĩĩ, “Asi! Syĩndũ isu syonthe iseũvĩte ũu, ila ndũa ĩsu ĩnendaa kwĩthĩwa nasyo, kwa w'o nĩsyavya syathela vyũ, na ũthwii na wanake ũsu w'onthe nĩwaanangĩka o vyũ na ndũkoneka ĩngĩ!”
15
Atandĩthya ala matandĩthasya na kũkwata ũthwii mwingĩ ndũanĩ ĩsu, makaũngama kũndũ kũasa maikĩa kũlika thĩnanĩ ũsu. Makaĩa na kwĩthĩwa na kyeva kĩnene
16
mayasya atĩĩ, “Asi! Asi, atĩ ndũa ĩsu ti nene! Yĩĩ na ngũa sya thooa mũnene, ingĩ sya langi wa nzambalaũ, na ingĩ ndune na yĩĩ na wanake kĩla vandũ wa syĩndũ sya thaavu, mavia ma thooa mũnene, na masoa ma kwendeesya ma kĩla mũthemba!
17
Na kwa kavinda kaninĩvĩte ũu ũthwii ũsu w'onthe nĩwaanangwa waa mana!” Atwai ma meli na ala maĩ kyalonĩ mokanganĩ, anini ma atwai ma meli na andũ ala angĩ onthe matethasya wĩa kũu mokanganĩ, nĩmaũngamie kũndũ kũasa.
18
Nĩmauie mbu moona syũki yingĩ ya mwaki ũla wavĩvasya ndũa ĩsu mayasya atĩĩ, “Vai ndũa ĩngĩ yaaĩthĩwa ĩilyĩ ta ndũa ĩsu yĩ nguma.”
19
Nĩmautaa mũthanga makeyũmba mũtwe maĩĩte me na kyeva mayasya atĩĩ, “Asi! Asi! Ndũa yĩ nguma ũu vala ene ma meli makwataa ũthwii, nĩyaanangwa kavindanĩ kaninĩvĩte ũu!”
20
Tana we ĩtu nũndũ wa kũsilĩlwa kwayo. Tanai o nenyu aĩkĩĩi, atũmwa na athani. Ngai nĩwasilĩla ndũa ĩsu nũndũ wa maũndũ ala ĩnamwĩkaa inyw'ĩ!
21
Nĩvo ĩndĩ mũlaĩka ũmwe wĩ ũtonyi woosie kĩndũ kĩilyĩ ĩvia ĩnene yatũmĩkaa kwa kũthia, ayĩkya yalika nthĩ ũkanganĩ na asya atĩĩ, “Ũu nĩw'o Mbavilonĩ ĩla ndũa yĩ nguma ĩkavalũka na mũuuto wĩana, na ndĩkethĩwa vo ĩngĩ!
22
Kũikew'ĩka ĩngĩ nthĩnĩ waku andũ mayina makũnĩte ngitaa nene, mavuvĩte mĩtũlilũ na masoo. O ta ũu nthĩnĩ waku kũikethĩwa vundi o na wĩva, na kũikew'ĩka kĩthii kĩũthia.
23
Kũikoneka ĩngĩ nthĩnĩ waku kyeni o na kĩnini kya taa; o ta ũu kũikew'ĩka ĩngĩ wasya wa andũ mekũtwaana. Atandĩthya ndũanĩ ĩsu nĩmo manaĩ nguma mũno ĩũlũ wa nthĩ, na mĩthea ĩla ĩnaĩ na andũ ma ndũa ĩsu nĩnatumanĩtye andũ onthe.”
24
Ndũanĩ ĩsu nĩvo vanooaĩawa athani na aĩkĩĩi ala angĩ, na novo vanooaĩawa andũ onthe ala maaũawa ĩũlũ wa nthĩ.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22