bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 9
Revelation 9
Kamba (MBIVILIA ŨVOO MŨSEO)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Mũlaĩka wa katano nĩwavuvie soo wake, na noona ndata yaĩ ĩnavalũka kuma yayayanĩ ĩkavika nthĩ. Nĩwanengiwe ũvungũo wa yĩla ĩima yĩte kĩtulu.
2
Nĩwavingũie ĩima yĩu navo vauma syũki yingĩ ta ya mwaki mũnene. Kyeni kya syũa nĩkyasiĩĩiwe nĩ syũki yĩu kĩikamulĩke nthĩ, na yayaya yonthe yausũa syũki.
3
Syũkinĩ yĩu nĩvaumie ngie syooka ĩũlũ wa nthĩ. Nĩsyanengiwe ũtonyi wa kũũma andũ makew'a woo ta maũmwa nĩ ing'auĩ.
4
Syeeĩaĩiwe syeewa iikanange nyeki, mĩtĩ, kana mũmea o na wĩva, ĩndĩ ithĩny'e andũ ala mate na ũla ũvano wa Ngai itulyanĩ syoo.
5
Syeeiwe ikamathĩny'e vandũ va myei ĩtano na iikamoae, ĩndĩ naw'o woo wasyo nĩ ta wa mũndũ aũmĩtwe nĩ kĩng'auĩ.
6
Ĩvindanĩ yĩu andũ makamantha ũndũ matonya kũkw'a, ĩndĩ andũ maikethĩwa maikw'a; makenda mũno kũkw'a, ĩndĩ kĩkw'ũ kĩikethwa vo.
7
Ngie isu syailyĩ ta mbalasi syĩyũmbanĩtye kũthi kaũnĩ. Mĩtwenĩ yasyo vaĩ syĩndũ syailyĩ ta ngovia sya thaavu sya kĩ-ũsumbĩ, na ũthyũ wasyo wailyĩ ta wa mũndũ.
8
W'ĩa wasyo wailyĩ nzw'ĩĩ sya mũndũ mũka, na maeo masyo mailyĩ ta ma mũnyambũ.
9
Ithũi syasyo syaĩ na makwaũ mailyĩ ta ngao ya kyũma, naw'o wasya ũla waumaa nthwaunĩ syasyo iũlũkĩte, waambaa ta wa makasya maingĩ ma kaũ, makusĩtw'e nĩ mbalasi isembete iendete kaũnĩ.
10
Syaĩ na isithe na ũmoa ta wa ing'auĩ; syatũmĩaa isithe isu kũũmanga andũ vandũ va myei ĩtano na kũmew'ĩthya woo.
11
Mũsumbĩ wa ngie isu nĩ ũla mũlaĩka wĩ na ũtonyi ĩũlũ wa yĩla ĩimanĩ yĩte kĩtulu. Ĩsyĩtwa yake kwa kĩthyomo kya Kĩevelania etawa Avatoni na kwa kĩthyomo kya Kĩkiliki ayĩtwa Avolioni (ũalyũlo wayo nĩ, “Mwanangi.”)
12
Ĩvinda ya kyeva kya mbee nĩyavĩtũka, yu vatiala mavinda angĩ elĩ ma kyeva.
13
Mũlaĩka wa thanthatũ nĩwavuvie soo wake, na neew'a wasya kuma ila mbyanĩ syĩ mĩthyanĩ ĩna ya kĩla kĩthembeo kya thaavu kĩ mbee wa Ngai.
14
Wasya ũsu weeie mũlaĩka ũsu wa thanthatũ wakwete soo atĩĩ, “Thasya ala alaĩka ana movetwe ũsĩnĩ wa Euvalati.”
15
Kwoou alaĩka asu nĩmathaiw'e. Matwĩe mombanĩtw'e kwondũ wa ĩsaa, mũthenya, mwei na mwaka ũla meũaa kĩlungu kĩmwe kya itatũ kya andũ onthe.
16
Nĩthukĩĩsye nĩneewie ũtalo wa asikalĩ ma kũthi kaũnĩ malĩsĩte mbalasinĩ wawetwa, naw'o waĩ milioni maana elĩ.
17
Nthĩnĩ wa woni wakwa nĩnoonie mbalasi vamwe na ala maitũlĩte, mekĩĩte ngao sya kũsiĩĩa kĩthũi syaĩ na langi mũtune ta mwaki, na ũngĩ wa mbuluu ta wa mavia ma thooa mũnene metawa savaya, na ũngĩ wa yelo ta wa lavuti. Mĩtwe ya mbalasi isu yailyĩ ta ya mĩnyambũ, na makanyw'anĩ masyo nĩvaumaa mwaki, syũki na lavuti ũla wakanaa.
18
Syĩndũ ii itatũ ila syaumaa makanyw'anĩ ma mbalasi isu: Mwaki, syũki na lavuti, nĩsyooaie kĩlungu kĩmwe kya itatũ kya andũ onthe.
19
Ũtonyi wa kũaa wa mbalasi isu waĩ makanyw'anĩ masyo, nasyo isithe syasyo syailyĩ ta mĩtwe ya nzoka, ila iũmaa na kũũmĩsya andũ.
20
Andũ ala angĩ matialile, ala mataaũawa nĩ syĩndũ isu, mayaaĩlila kwondũ wa meko moo mathũku. O ta ũu mayaaeka kũthaitha maimũ na mĩvw'anano ĩseũvĩtw'e na thaavu, silĩva, kyũma kĩtawa mbulonzi, mavia na mĩtĩ; mĩvw'anano ĩla itesa kwona, kwĩw'a, kana kũthi.
21
O na mayaaĩlila kwondũ wa meko moo ma kũaa, kũoa, kũlaalaa, na ma kũya.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22