bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 4
Revelation 4
Kamba (MBIVILIA ŨVOO MŨSEO)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
Ĩtina wa maũndũ asu nĩnasyaisye na noona mũomo mũvingũe ĩtunĩ. Na ũla wasya wa mbee neew'ĩte ũineena nakwa ũla wailyĩ ta wasya wa soo wambĩa atĩĩ, “Ambata kũũ ĩũlũ na nĩngũkwony'a kĩla kĩtatĩa kwĩkĩka ĩtina wa maũndũ asu.”
2
Vau kwa vau Veva Mũtheu nĩwoosie ũtongoi ĩũlũ wakwa. Kũu ĩtunĩ nĩnoonie ũmwe ailyĩ kĩvĩlanĩ kya kĩ-ũsumbĩ.
3
Ũthyũ wake watisatisaa ta mavia amwe ma thooa mũnene metawa Yasiva na Kaneliani. Nakyo kĩvĩla kĩu kya kĩ-ũsumbĩ kyathyũlũlũkĩtwe nĩ ũtaathi waĩ na langi wakenaa ta wa ĩvia ya thooa mũnene yĩtawa emelandi.
4
Kĩvĩla kĩu kya kĩ-ũsumbĩ nĩkyathyũlũlũkĩtwe nĩ ivĩla ingĩ nini sya kĩ-ũsumbĩ mĩongo ĩlĩ na inya, na atumĩa mĩongo ĩlĩ na ana kĩla ũmwe ekalĩle kĩmwe. Atumĩa asu meekĩĩte ngũa nzaũ na makekĩa ngovia sya thaavu sya kĩ-ũsumbĩ.
5
Vau ve kĩvĩla kĩu kya kĩ-ũsumbĩ nĩvaumaa kyeni kya ũtisi, mawasya na itundumo sya kĩtandalĩki. Navo vau mbee wa kĩvĩla kĩu vaĩ mũĩ mũonza sya mwaki, nasyo nĩmo ala maveva mũonza ma Ngai.
6
O ĩngĩ vau mbee wa kĩvĩla kĩu kya kĩ-ũsumbĩ, vaĩ kĩndũ kyailyĩ ũkanga wa kĩoo kĩthei kyatisatisaa mũno. Kĩvĩla kĩu nĩkyathyũlũlũkĩtwe nĩ syũmbe inya syĩ thayũ ila syaĩ na metho kuma mũtwe nginya ĩtina:
7
Kyũmbe kya mbee kyailyĩ ta mũnyambũ; kya kelĩ ta nzaũ; kya katatũ kyaĩ na ũthyũ ũilyĩ ta wa mũndũ; nakyo kya kana kyailyĩ ta ndiũ ĩũlũkĩte.
8
Kĩla kĩmwe kya syũmbe isu syĩ inya kyaĩ na nthwau thanthatũ na metho kĩla vandũ, nasyo syainaa vate kũtĩĩa ũtukũ na mũthenya iyasya: “Mũtheu, mũtheu, mũtheu nĩ Mwĩai Ngai Mwene Ũtonyi W'onthe, ũla waĩ vo, ũla wĩ vo, na ũla ũkethĩwa vo.”
9
Ĩvinda yonthe syũmbe isu inya iendee na kũmũkumya, kũmũtaĩa, na kũmũtũngĩa mũvea ũsu ũla ũilyĩ kĩvĩlanĩ kya kĩ-ũsumbĩ na wĩkalaa tene na tene,
10
ala atumĩa mĩongo ĩlĩ na ana nĩmaendeeaa kũkumana mbee wake, na kũmũthaitha ũsu ũla wĩkalaa tene na tene. Nĩmookĩlasya ngovia syoo mbee wa kĩvĩla kĩu kya kĩ-ũsumbĩ mainĩte mayasya:
11
“Mwĩai Ngai waitũ! We nĩwaĩlĩtwe nĩ kwosa ũkumyo, ndaĩa na ũtonyi, nĩkwĩthĩwa nue woombie syĩndũ syonthe, na kwa kwenda kwaku nĩsyoombiwe na syeethĩwa vo.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22