bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 19
Revelation 19
Kamba (MBIVILIA ŨVOO MŨSEO)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Ĩtina wa maũndũ asu nĩneewie wasya mũnene ũilyĩ ta wa andũ aingĩ me ĩtunĩ mayasya atĩĩ, “Mwĩai nĩataĩwe! Ũtangĩĩo, ũkumyo, na ũtonyi nĩ kwa Ngai waitũ!
2
Ũsili wake nĩ wa w'o na nĩ mwaĩlu. Nĩwasilĩla yĩla ĩlwaya yĩthokoanĩtye nthĩ na molaalai. Ngai nĩwayĩsilĩla nũndũ nĩyooaie athũkũmi make.”
3
O ĩngĩ nĩmaneenie na wasya mũnene masya atĩĩ, “Mwĩai nĩataĩwe, nĩkwĩthĩwa mwaki ũla wavĩvya ndũa ĩsu ũkakanaa tene na tene.”
4
Ala atumĩa mĩongo ĩlĩ na ana nĩmakumanie vamwe na ila syũmbe inya matina nthĩ na ũthyũ, makĩmũthaitha Ngai ũla ũilyĩ kĩvĩlanĩ kyake kya kĩ-ũsumbĩ. Mamũthaithaa mayasya atĩĩ, “Nĩkwĩthĩwe ũu! Mwĩai nĩataĩwe!”
5
Wasya nĩwaumie kĩla kĩvĩlanĩ kya kĩ-ũsumbĩ ũyasya atĩĩ, “Mũtaĩei Ngai waitũ inyw'ĩ athũkũmi make na andũ ala angĩ onthe, ala me nguma na mate nguma.”
6
Nĩvo ĩndĩ neewie wasya ũilyĩ ta wa andũ aingĩ, kana ta wa kĩw'ũ kingĩ kĩtheete, kana ũilyĩ wa itundumo sya kĩtandalĩki ũyasya atĩĩ, “Mwĩai nĩataĩwe! Nũndũ Mwĩai Ngai waitũ Mwene Ũtonyi W'onthe nĩ mũsumbĩ!
7
Nĩtũtanei na kwĩw'a mũyo na tũimũkumya, nĩkwĩthĩwa ĩvinda ya mũtwaano wa Kalondu nĩyavika, na mũtwawa nĩwĩyũmbanĩtye kũtwawa.
8
Nũnengetwe ngũa ndaasa nzaũ, ntheu ĩkũtisatisa.” (Ngũa ĩno nĩ maũndũ maseo ala mekawa nĩ aĩkĩĩi.)
9
Mũlaĩka ũsu nĩwambĩie atĩĩ, “Kĩla ngũũtavya andĩka vandũ: Nĩ aathime ala mathoketw'e mbokanĩ ya mũtwaano wa Kalondu.” Nĩvo ĩndĩ wasyokie ambĩa atĩĩ, “Maũndũ asu Ngai waneena nĩ ma w'o.”
10
Nĩnakumanie natina nthĩ na ũthyũ vakuvĩ na maũũ make nĩmũthaithe, ĩndĩ ambĩa atĩĩ, “Ndũkanthaithe! Nyie nĩ o mũthũkũmi taku, na ta andũ ala angĩ onthe maĩkĩĩaa Yesũ. Thaitha Ngai!” Nĩkwĩthĩwa ũw'o ũla Yesũ ũvuanĩtye nĩw'o ũtonyethasya athani kwathana.
11
Nĩnasyokie noona ĩtunĩ vavingũwa na navona mbalasi nzaũ. Mbalasi ĩsu nĩyakuĩte ũmwe ũla kwa ĩsyĩtwa wĩtawa Mũĩkĩĩku na yĩla yĩngĩ W'o, na ũnenganae sila ũla mwaĩlu na nũendaa kaũnĩ.
12
Metho make mailyĩ ta mũĩ sya mwaki, na mũtwenĩ wake eekĩĩte ngovia mbingĩ sya kĩ-ũsumbĩ. Aĩ na ĩsyĩtwa yĩngĩ yaandĩkĩtwe vandũ mwĩĩnĩ wake, yĩla nowe e weka weesĩ ũalyũlo wayo.
13
Eekĩĩte ngũa nzaũ ndaasa yaindĩtwe nthakamenĩ. Ũũ no we wĩtawa, “Ndeto ya Ngai.”
14
Nĩwaatĩĩwe nĩ nguthu sya kaũ kuma ĩtunĩ, syĩkĩĩte ngũa nzaũ ndaasa ntheu ikũtisatisa na makakuwa nĩ mbalasi nzaũ.
15
Kanyw'anĩ wake nĩvaumĩlaa ũvyũ mũĩ ũla nĩ w'o ũkatũmĩa kwa kũmina; akamasumbĩka na ũtonyi, na kũmamina kwa kũmavivĩa ta ndivai ĩimanĩ ya ũsilĩlo mũnene wa Ngai Mwene Ũtonyi W'onthe.
16
Ngũanĩ ĩsu yake ndaasa, ĩũlangũ wa mau nĩvaandĩkĩtwe ĩsyĩtwa, “Mũsumbĩ wa asumbĩ na Mwĩai wa eaĩi.”
17
Nĩnasyokie noona mũlaĩka ũngĩ aũngeme ĩũlũ wa syũa. Nĩweetaa nyũnyi ila iũlũkĩlaa kũũya ĩũlũ mũno nzevenĩ na wasya mũnene ayasya atĩĩ, “Ũmbanai inyw'onthe mũke mũye mbokanĩ nene ĩla mũseũvĩw'e nĩ Ngai!
18
Ũkai mũye nyama sya asumbĩ na sya atongoi ma nguthu sya kaũ, sya asikalĩ, sya mbalasi na sya ala makuĩtwe nĩsyo, sya andũ onthe, sya ngombo na sya ala mate ngombo, sya andũ me nguma na sya ala mate nguma.”
19
Nĩnoonie ĩla nyamũ vamwe na asumbĩ onthe ĩũlũ wa nthĩ me na nguthu syoo sya kaũ, onthe meyũmbanĩtye vamwe nĩ kana mokitane na ũsu ũkuĩtwe nĩ mbalasi vamwe na nguthu syake sya kaũ.
20
Nyamũ ĩsu nĩyakwatiwe yoovanw'a vamwe na ũla mwathani wa ũvũngũ weekaa syama e mbee wayo. (Syama isu nĩsyo wamakengaa nasyo, ala meekĩĩtwe ũvano ũla wonanasya ũndũ nyamũ ĩsu yĩtawa, vamwe na ala mathaithaa mũvw'anano wayo.) Nyamũ ĩsu na mwathani ũsu wa ũvũngũ nĩmakwatiwe me thayũ, mekw'a ĩianĩ ya mwaki wa lavuti.
21
Asu angĩ onthe ma nguthu syoo sya kaũ, nĩmooaiwe kwa kũtemangwa na ũvyũ wa ũla wakuĩtwe nĩ ĩla mbalasi nzaũ, naw'o nĩ ũla wumĩlaa kanyw'anĩ wake; nyũnyi sya kĩla mũthemba nĩsyaĩe nyama sya mĩĩ yoo syavũna ki.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22