bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 2
Revelation 2
Kamba (MBIVILIA ŨVOO MŨSEO)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
“Kwa mũlaĩka wa ĩkanisa ya Eveso andĩka atĩĩ: “Ũũ nĩ ũtũmani kuma kwa ũla wĩkalaa akwete ndata mũonza na kw'oko kwake kwa aũme, na ũtembeangĩlaa o kũu katĩ wa ila syĩndũ mũonza sya thaavu sya kwilĩĩla taa.
2
Nĩnĩmesĩ maũndũ maku onthe; nĩnĩsĩ nũtethetye wĩa mũito, na nĩwĩthĩĩtwe na wũmĩĩsyo mũnene mũno. Nĩnĩsĩ kana ndwĩtĩkĩla kwĩthĩwa na ngwatanĩo na andũ athũku, na kana nũmekuũĩte ala meyĩtaa atũmwa ĩndĩ ti atũmwa, na ũkamanya kana nĩ akengani.
3
Nĩnĩsĩ kana nĩwĩthĩĩtwe ũithĩna, na ũkethĩwa na ĩvinda yũmũ nũndũ wa ĩsyĩtwa yakwa, ĩndĩ ndwaakw'a ngoo.
4
Ĩndĩ nĩ na ũndũ naku ũndũnĩ ũũ: Ndũmbendete ũndũ wambendete navu mbeenĩ.
5
Kwa sũanĩa ũvalũkĩte kuma vandũ vaasavĩte ata! Ĩlile kwondũ wa naĩ syaku, na ũyambĩĩa kwĩka maũndũ ala weekaa mbeenĩ. Walea kwĩlila, nĩũka nĩvetange kĩndũ kyaku kĩla kilĩĩlawa taa.
6
Ĩndĩ ve ũndũ ũmwe mũseo ũendee na kwĩka: Nũmenaa maũndũ ala mekawa nĩ ala andũ metawa Anikolai, o ũndũ nyie o nakwa nĩmenaa maũndũ asu.
7
“Ũla wĩ kũtũ, nĩew'e kĩla Veva Mũtheu ũkũtavya makanisa! Ũla ũsindaa kaũnĩ ũũ ngamwĩtĩkĩlya aye matunda ma mũtĩ wa thayũ ũla wĩ mũũndanĩ wa Ngai.
8
“O ta ũu kwa mũlaĩka wa ĩkanisa ya Simĩlina andĩka atĩĩ: “Ũũ nĩ ũtũmani kuma kwa ũla wa mbee na wa mũthya, ũla wakwie na athayũũka.
9
Nĩnĩsĩ nũthĩnaa mũno, na nĩnĩsĩ ũkya ũla wĩ naw'o, ĩndĩ kwa w'o wĩ mũthwii. O ta ũu nĩnĩsĩ maũndũ mathũku ala wilĩĩlawa nĩ andũ ala maasya kana mo nĩ andũ ma Ngai ĩndĩ ũu ti w'o; asu nĩ andũ ma Satani!
10
Ndũkemakĩe o na wakomana na mathĩna mailyĩ ata. Eka ngũtavye, Satani akamũtata kwa nzĩa ya kũvingĩwa yela kwa amwe menyu, na kũthĩnw'a vandũ va mĩthenya ĩkũmi. Ĩndĩ ĩthĩwa wĩ mũĩkĩĩku kwakwa, o na kwatw'ĩka no nginya wũawe, nakwa ngakũnenga thayũ wĩthĩwe mũthĩnzĩo kwondũ wa kũsinda kwaku.
11
“Ũla wĩ kũtũ, nĩew'e kĩla Veva Mũtheu ũkũtavya makanisa! “Kĩkw'ũ kya kelĩ kĩikathĩny'a mũndũ ũla ũsindaa kaũnĩ ũũ.
12
“Kwa mũlaĩka wa ĩkanisa ya Velikamamu andĩka atĩĩ: “Ũũ nĩ ũtũmani kuma kwa ũla wĩ na ũvyũ mũĩ ngalĩko syelĩ.
13
Nĩnĩsĩ vala ũtwĩe, navo nĩ ũsumbĩnĩ wa Satani. Wĩthĩĩtwe wĩ wa kwĩtĩkĩlĩka kwakwa, na ndwaavalũka mũĩkĩĩonĩ waku nthĩnĩ wakwa, o na ĩvindanĩ yĩla Andivasi, mũtavany'a wakwa wa kwĩkwatw'a wa kũtavanya ũvoo ĩũlũ wakwa, wooaĩiwe ũsumbĩnĩ ũsu wa Satani.
14
Ĩndĩ ve maũndũ mavũthũ nĩ na ũndũ naku ĩũlũ wamo: Ve amwe katĩ wenyu mekaa maũndũ kũatĩanĩa na momanyĩsyo ma Mbalaamu, ũla wamanyĩisye Mbalaki ũndũ ũtonya kũlikya andũ ma Ĩsilaeli naĩnĩ, kwa kũmasesenga maye lĩu ũthembeetwe ngai sya mĩvw'anano na kwambĩĩa kwĩka molaalai.
15
O ta ũu ve amwe katĩ wenyu mekaa maũndũ kũatĩanĩa na momanyĩsyo ma Anikolai.
16
Kwoou ĩlile kwondũ wa naĩ syaku. Ethĩwa ndũkwĩlila, ngooka kwaku mĩtũkĩ na kũkita andũ asu na ũvyũ ũla wumaa kanyw'anĩ wakwa.
17
“Ũla wĩ kũtũ, nĩew'e kĩla Veva Mũtheu ũkũtavya makanisa! “Ũla ũsindaa kaũnĩ ũũ, ngamũnenga ũmwe wa ũla lĩu mũvithe wĩtawa mana. O ta ũu ngasyoka nĩmũnenge ĩvia yeũ yĩandĩkĩtwe ĩsyĩtwa yeũ yĩtakamanyĩka nĩ mũndũ ũngĩ, eka o ũsu wanengwa ĩvia yĩu.
18
“Kwa mũlaĩka wa ĩkanisa ya Thiatila andĩka atĩĩ: “Ũũ nĩ ũtũmani kuma kwa Mwana wa Ngai, ũla wĩ metho makenaa ta kyeni kya mwaki, na nyaĩĩ syake itisaa ta kyũma kya mbulonzi kĩkute kĩkathea mũno.
19
Nĩnĩsĩ maũndũ maku onthe: Wĩna wendo, mũĩkĩĩo, nĩwĩnenganae ũthũkũminĩ, na wĩ wũmĩĩsyo mwingĩ. O ta ũu nĩnĩsĩ kana nĩwĩnenganĩte mũno wĩanĩ wakwa yu, kwĩ ũndũ weenenganĩte navu mbeenĩ.
20
Ĩndĩ ũu wĩ o vo, nĩ na ũndũ naku: Wĩ ngwatanĩo na ũla mũndũ mũka wĩtawa Yeseveli, ũla wĩyĩtaa mwathani. Kwĩsĩla momanyĩsyonĩ make nũendee na kwasya athũkũmi makwa kwa kũmalikya mwĩkalonĩ wa kwĩkaa molaalai, na kũya malĩu mathembeetwe ngai sya mũvw'anano.
21
Nĩnĩmũnengete ĩvinda elile kwondũ wa naĩ syake, ĩndĩ we ndendaa kuma molaalainĩ.
22
Na kweew'a we! Ngatuma awaa akome vala we na ala meekie molaalai nake makethĩwa na kyalya kĩnene mũno; ũndũ ũsu nĩngũwĩka oyu ethĩwa mayĩĩlila kwondũ wa meko moo mathũku ala meekie me nake.
23
O ta ũu ngooaa aatĩĩi make, na vau nĩvo makanisa onthe makamanya kana ninyie nĩthianaa mosũanĩo ma andũ na ngoo syoo. Ngaĩvanĩsya kĩla ũmwe wenyu kwĩanana na maũndũ ala wĩkĩte.
24
“Ĩndĩ inyw'ĩ ala angĩ ma Thiatila mũyĩkaa maũndũ kũatĩanĩa na ũmanyĩsyo wa Yeseveli; mũyaatata kwĩmanyĩsya kĩu kĩtawa nĩ ala angĩ, ‘Maũndũ maliku ma Satani.’ Nĩmũtavya inyw'ĩ kana o nakwa ndimũnosya na ũndũ ũngĩ.
25
Ĩndĩ ĩkalaai mũlũmĩtye kĩla mwĩ nakyo nginya yĩla nĩũka.
26
“Ngamũnenga ũla ũsindaa kaũnĩ ũũ, na ũendeeaa na kwĩka maũndũ ala nendaa kũvika mũminũkĩlyo, ũkũmũ o ta ũla Asa wakwa ũnengete: Ngamũnenga ũkũmũ ĩũlũ wa andũ ma nthĩ, amasumbĩke na ũtonyi mũnene na kũmaetee ũsilĩlo ũmanange, o tondũ mbisũ yanangĩkaa yavalũka. O ta ũu ngasyoka nĩmũnenge ĩla ndata ya kwakya ta wonany'o wa ũsindi wake.
27
“Ũla wĩ kũtũ, nĩew'e kĩla Veva Mũtheu ũkũtavya makanisa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22