bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 20
Revelation 20
Kamba (MBIVILIA ŨVOO MŨSEO)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
1
Nĩnoonie mũlaĩka atheete akwete kw'okonĩ kwake ũvungũo wa yĩla ĩimanĩ yĩte kĩtulu, na akakwata nyololo ndũmu mũno.
2
Nĩwakwatie ũla mũkũnga, naw'o nĩ ĩla nzoka ya tene yĩtawa Ndevili, na o ta ũu yĩtwa Satani, awovany'a wĩkale wĩ mwovany'e vandũ va myaka ngili ĩmwe.
3
Nĩwawĩkisye yĩla ĩimanĩ yĩte kĩtulu na aũvingĩa vo valũma ki, nĩ kana ndũkethĩwe ũtonya kũkenga andũ ĩngĩ ĩũlũ wa nthĩ, nginya ĩvinda yĩu ya myaka ngili ĩmwe yĩthele. Ĩndĩ ĩvinda yĩu yathela, akaũthasya wĩkale wĩmũthasye vandũ va kavinda kanini.
4
Nĩvo ĩndĩ noonie ivĩla ingĩ sya kĩ-ũsumbĩ ĩtunĩ, na ala masyĩkalĩle nĩmanengetwe ũkũmũ wa kũsilĩla andũ. Nĩnasyokie noona maveva ma ala maĩ oae nũndũ wa ũw'o ũla Yesũ Klĩsto wavuanisye, na nũndũ wa kũtavany'a ndeto ya Ngai. Asu nĩmo ala mataathaitha ĩla nyamũ kana makathaitha mũvw'anano wayo, na nomo mataaĩkĩwa ũvano wa nyamũ ĩsu itulyanĩ kana mokonĩ moo. Maĩ manathayũũka masumbĩke na Yesũ vandũ va myaka ngili ĩmwe.
5
Ala angĩ maĩ akw'ũ mayaathayũũka nginya ĩvinda yĩu ya myaka ngili ĩmwe yĩthele vyũ. Yĩĩ nĩyo ĩvinda ya mbee ya kũthayũũkw'a kwa andũ.
6
Nĩ aathime na nĩ atheu, ala makathayũũkw'a ũthayũũkyonĩ ũũ wa mbee, nũndũ kĩkw'ũ kya kelĩ kĩikethĩwa na ũtonyi ĩũlũ woo. Ĩndĩ makeethĩawa me athembi kwa Ngai na kwa Klĩsto, na makasumbĩka nake vandũ va ĩvinda yĩu ya myaka ngili ĩmwe.
7
Yĩla ĩvinda ya myaka ĩsu ngili ĩmwe yĩthela, Satani akathaw'a kuma vala ũkethĩwa avingĩĩtwe.
8
Akaumaala ambĩĩe kũkenga andũ ĩngĩ kĩla vandũ ĩũlũ wa nthĩ, kũthi kũvika vandũ vetawa Ngoki na vangĩ vetawa Makoki. Nĩvo ĩndĩ wĩũmbany'a andũ onthe kwondũ wa kaũ, namo makeethĩwa me aingĩ vyũ ta kĩthangathĩ kya ũkanga.
9
Nĩmookie manyaĩĩkĩa kĩla vandũ ĩũlũ wa nthĩ, na mathyũlũlũka kũla aĩkĩĩi mekalaa, vamwe na mũsyĩ ũla Ngai wendete, ĩndĩ mwaki nĩwaumie ĩtunĩ wooka wamavĩvya onthe.
10
Satani nĩwekiw'e ĩianĩ ya mwaki mũnene wa lavuti, vala ĩla nyamũ na ũla mwathani wa ũvũngũ mekĩtw'e, namo nĩmakathĩnĩw'a vau kĩla ĩvinda kũvika tene na tene.
11
O ĩngĩ nĩnoonie kĩvĩla kĩnene kyeũ kya kĩ-ũsumbĩ na noona ũla wakĩkalĩle. Matu na nthĩ nĩsyeevetangie syauma mbee wake na syaa vyũ.
12
Nĩnasyokie noona ala makwie me nguma na mate nguma, maũngyĩ mbee wa kĩvĩla kĩu. Mavuku nĩmavuiwe na ĩvuku yĩngĩ yavuwa, nayo nĩyo ĩvuku ya thayũ. Akw'ũ nĩ masilĩlwe kwĩanana na maũndũ ala meekĩte, na makaandĩkwa mavukunĩ asu.
13
Ũkanga nĩwaumisye akw'ũ ala maĩ nthĩnĩ waw'o. O ta ũu kĩkw'ũ nĩkyaumisye ala maĩ nthĩnĩ wakyo, na vala maveva ma ala akw'ũ mekalaa o na vo veeka o ta ũu. Asu onthe nĩmasilĩlwe kĩla mũndũ kwĩanana na maũndũ ala weekĩte.
14
Nĩvo ĩndĩ kĩkw'ũ na vala maveva ma ala akw'ũ mekalaa syoosiwe na syekw'a yĩla ĩianĩ ya mwaki wa lavuti. Kwĩkw'a ĩianĩ ya mwaki nĩkyo kĩkw'ũ kya kelĩ.
15
Ethĩwa ĩsyĩtwa ya mũndũ o na wĩva yĩyaaoneka yĩandĩkĩtwe yĩla ĩvukunĩ ya thayũ, o nake mũndũ ũsu o ta ũu nĩwekiw'e ĩianĩ yĩu ya mwaki.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22