bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Revelation 3
Revelation 3
Kamba (MBIVILIA ŨVOO MŨSEO)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
“O ta ũu kwa mũlaĩka wa ĩkanisa ya Salandisi andĩka atĩĩ: “Ũũ nĩ ũtũmani kuma kwa ũla wĩ na ala maveva mũonza ma Ngai na ila ndata mũonza. Nĩnĩmesĩ maũndũ maku onthe, nĩnĩsĩ kana andũ onthe nĩmakũnengete ndaĩa ya kwĩthĩwa thayũ, ĩndĩ we wĩ mũkw'ũ!
2
Amũka na ũyĩka na kĩthito maũndũ maseo ala wĩkaa, na ala o namo wĩĩ vakuvĩ vyũ kũeka kũmeka. Nũndũ nĩnonete kana meko maku ti maĩlu mbee wa Ngai wakwa.
3
Kwoou lilikana momanyĩsyo ala ũmanyĩĩtw'e na wĩw'ĩte: Ĩka ũndũ mekwasya na ũyĩlila kwondũ wa naĩ syaku. Ethĩwa ndwĩamũka kuma toonĩ, nĩngũũthokea ũtesĩ ũndũ kĩng'ei kĩthokeaa andũ, o na ndũkamanya ĩvinda yĩla nĩũka.
4
Ĩndĩ ve o amwe ma ĩkanisa ya Salandisi ala mũtaaĩthokoany'a na ĩko ya naĩ; nenyu mũkekalanasya vamwe nakwa mwĩkĩĩte ngũa nzaũ, nũndũ nĩmwaĩlĩte.
5
Mũndũ ũla ũsindaa kaũnĩ ũũ ngamwĩkĩa ngũa nzaũ; nyie ndikavuta ĩsyĩtwa yake ĩvukunĩ ya thayũ ĩtunĩ, na nganeenea mbee wa Ngai na mbee wa alaĩka nasye nĩ wakwa.
6
“Ũla wĩ kũtũ, nĩew'e kĩla Veva Mũtheu ũkũtavya makanisa!
7
“Kwa mũlaĩka wa ĩkanisa ya Vilandevia andĩka atĩĩ: “Ũũ nĩ ũtũmani kuma kwa ũla mũtheu na wa w'o. We e na ũvungũo wa Mũsumbĩ Ndeviti wa ũtonyi; avingũa mũomo vai mũndũ ũtonya kũũvinga, na avinga mũomo vai mũndũ ũtonya kũũvingũa.
8
Nĩnĩmesĩ maũndũ maku onthe; nĩngũvingũĩe mũomo ũla mũndũ o na wĩva ũtatonya kũvinga. O na kau ndwĩ nguma, nĩwĩkĩte ũndũ ndeto yakwa ĩkwasya na ũkethĩwa wĩ mũĩkĩĩku kwakwa.
9
Ĩthukĩĩsye! Ngatuma andũ ma Satani ala maasya mo nĩ Ayuti ĩndĩ ti Ayuti, moka kwĩnyivya mbee wenyu. Nĩvo ĩndĩ memanya kana nyie nĩnĩmwendete.
10
Kwa kwĩthĩwa nĩwĩkĩte ũndũ mĩao yakwa ĩkwasya, na ũkethĩwa na wũmĩĩsyo mwingĩ, ngakũsũvĩa ĩvindanĩ ya kũtatwa yĩla yũkĩte nĩ kana kĩla mũndũ ĩũlũ wa nthĩ atatwe.
11
Nũkĩte mĩtũkĩ. Ĩkalaai mũyĩka ũndũ momanyĩsyo makwa mekwasya, nĩ kana mũndũ o na wĩva ndakamũvene mũthĩnzĩo wenyu wa ũsindi.
12
Mũndũ ũla ũsindaa kaũnĩ ũũ, ngamũtw'ĩkĩthya kĩtuĩ Ĩkalũnĩ ya Ngai wakwa; ndakauma vo o na ĩndĩĩ. Ngaandĩka ĩũlũ wake ĩsyĩtwa ya Ngai wakwa, na ya mũsyĩ wa Ngai wakwa ũla nĩw'o Yelũsalemu nzaũ ũla wĩuma ĩtunĩ kwa Ngai wakwa. O ta ũu ngaandĩka ĩũlũ wake ĩsyĩtwa yakwa yeũ.
13
“Ũla wĩ kũtũ, nĩew'e kĩla Veva Mũtheu ũkũtavya makanisa!
14
“Kwa mũlaĩka wa ĩkanisa ya Laondisia andĩka atĩĩ: “Ũũ nĩ ũtũmani kuma kwa ũla wĩtawa Ameni, wa kũĩkĩĩwa, na ngũsĩ ya w'o, ũla nĩwe waĩ vo mbee wa syĩndũ syonthe itanombwa.
15
Nĩnĩmesĩ maũndũ maku onthe; ndwĩ mũthithu o na ndwĩ mũvyũ. Nĩenda wĩthĩwe wĩ mũthithu kana wĩ mũvyũ.
16
Ĩndĩ nũndũ we wĩ na kamuluutĩla, na ndwĩ mũthithu o na ndwĩ mũvyũ, ngakũtw'ĩla nthĩ wume kanyw'anĩ wakwa.
17
We waasya wĩ mũthwii, ũendee nesa, na ndwĩ na vata wa kĩndũ o na kĩmwe. Ĩndĩ ndwĩsĩ kana nũthĩnaa, wĩ wa kwĩw'ĩwa tei, wĩ ngya, ndwonaa nthĩ, na o na ngũa ndũĩ!
18
Kwoou nĩngũũtaa wũke kwakwa ũthooe thaavu ũla ũtheetw'e na mwaki nĩ kana wĩthĩwe wĩ mũthwii, na ũithooa ngũa ila nzaũ wĩkĩe ũeke kwĩw'a nthoni ũyoneka wĩ mũthei. O ta ũu ũyĩkĩa metho ndawa nĩ kana wone nthĩ.
19
Ala nendete nĩnĩmakanasya na kũmatũnga nzĩanĩ. Kwoou ĩthĩwai mwĩ na kĩthito na mũyĩlila.
20
Ĩthukĩĩsye! Nĩũngyĩ ngĩvingũsya mũomonĩ. Ethĩwa mũndũ o na wĩva nũkwĩw'a wasya wakwa na kũmbingũĩa, nĩngũlika kwake na kũĩsanĩa nake, nake ayĩĩsanĩa nakwa.
21
Ũla ũsindaa kaũnĩ ũũ, ngamwĩkalya vakuvĩ nakwa kĩvĩlanĩ kyakwa kya kĩ-ũsumbĩ, o ũndũ nyie nasindie na Ĩthe wakwa ambĩkalya kĩvĩlanĩ kyake kya kĩ-ũsumbĩ.
22
“Ũla wĩ kũtũ, nĩew'e kĩla Veva Mũtheu ũkũtavya makanisa!”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22