bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Numbers 27
Numbers 27
Lahu Bible Edited © Thailand Bible Society and Bible Society of Myanmar, 2010, 2020.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
1
Maˍlaˍ, Nawˇaˍ, Hawˇgaˍlaˆ, Miˇlaˍkaˍ leh Tiˇraˍzaˍ hui lehˬ Zeˍlawˇhpaˆ ve yaˇ miˇ teˇ hpaˍ hpeh‸ leh, Heˍhpaˍ, Giˇlaˆ, Maˍhkiˇraˆ, Maˍnaˍseˍ leh Yoˇseh‸ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.
2
Yawˇ hui Moˉseˍ, paw hkuˇ Eˇlaˍsaˍ, awˬ hoˉ awˬ naˬ teˇ hpaˍ leh chaw moˍ lonˉ hpawnˬ da‸ chehˇ kuiˬ aˉ po kʼo bon yehˬ yehˬmiˉhpe‸ lo kʼai leh, yawˇ hui hta‸ chi hkʼe ca kʼoˆ piˇ ve yoˬ.
3
Ngaˬ hui ve awˬ pa lehˬ, yaˇ paˍ teˇ gʼaˇ ka‸ maˇ cawˬ taˉ leh, heh puiˉ hkʼaw lo suh kʼai peuˬ ve yoˬ. Yawˇ lehˬ, Gʼuiˬsha hta‸ kʼaw‸ hpfuhˆ ve Kawˇraˆ hkʼaˇ suh gʼa‸ toˇ ve chaw maˇ heˆ. Yawˇ ve venˇbaˆ hta‸ pa taw suh-e ve yoˬ.
4
Yawˇ yaˇ paˍ teˇ gʼaˇ ka‸ maˇ cawˬ ve pa taw, yawˇ ve awˬ meh Iˉsaˍreˍlaˆ chaw ceuˬ awˬ hkʼaw lo maˇ kʼaw‸ cawˬ-o ve laˇ. Ngaˬ hui ve awˬ pa ve awˬ viˉ awˬ nyi teˇ hpaˍ gʼa taˍ ve mawˇ teˇ hpaˍ, ngaˬ hui hta‸ htawˇ a ciˉ kʼaw‸ pehˬ laˇ-oˆ, teh‸ yawˇ hui hta‸ kʼoˆ piˇ ve yoˬ.
5
Oˇ htaˇ, Moˉseˍ lehˬ awˬ lawn chi ve Gʼuiˬsha hta‸ kʼoˆ maˍ piˇ ve yoˬ.
6
Hkʼe te leh, Gʼuiˬsha yawˇ hta‸ chi hkʼe kʼaw‸ kʼoˆ piˇ ve yoˬ.
7
Zeˍlawˇhpaˆ ve yaˇ miˇ teˇ hpaˍ kʼoˆ ve tawˇ lehˬ cawˇ ve yoˬ. Yawˇ hui ve awˬ pa ve awˬ viˉ awˬ nyi teˇ hpaˍ gʼa taˍ ve mawˇ teˇ hpaˍ, yawˇ hui hta‸ htawˇ a ciˉ pehˬ piˇ-oˆ. Yawˇ hui ve awˬ pa gʼa cawˇ ve mawˇ teˇ hpaˍ yawˇ hui hta‸ piˇ-oˆ.
8
Chaw teˇ gʼaˇ lehˬ, yaˇ paˍ teˇ gʼaˇ ka‸ maˇ cawˬ taˉ leh suh-e ve kʼo, yawˇ ve mawˇ teˇ hpaˍ yawˇ ve yaˇ miˇ hta‸ gʼa piˇ ve yoˬ, teh‸ Iˉsaˍreˍlaˆ chaw hui hta‸ kʼoˆ piˇ-oˆ.
9
Chaw oˇ ve lehˬ, yaˇ miˇ ka‸ maˇ cawˬ ve kʼo, yawˇ ve mawˇ teˇ hpaˍ yawˇ ve awˬ viˉ awˬ nyi teˇ hpaˍ hta‸ gʼa piˇ ve yoˬ.
10
Chaw oˇ ve lehˬ, awˬ viˉ awˬ nyi ka‸ maˇ cawˬ ve kʼo, yawˇ ve mawˇ teˇ hpaˍ yawˇ awˬ pa ve awˬ viˉ awˬ nyi teˇ hpaˍ hta‸ gʼa piˇ ve yoˬ.
11
Chaw oˇ ve lehˬ, awˬ viˉ awˬ nyi maˇ kʼo, aˉ shuˍ paˍ maˇ kʼoˆ, teˇ gʼaˇ ka‸ maˇ cawˬ ve kʼo, yawˇ ve mawˇ teˇ hpaˍ yawˇ ve awˬ ceuˬ awˬ hkʼaˇ teˇ gʼaˇ gʼaˇ hta‸ gʼa piˇ ve yoˬ. Iˉsaˍreˍlaˆ chaw teˇ hpaˍ lehˬ, awˬ liˇ chi ve hta‸ hkʼa deh‸ gʼa na yuˬ ve yoˬ, teh‸ Moˉseˍ hta‸ kʼoˆ piˇ ve yoˬ.
12
Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Aˍbaˍrenˍ hkʼaw hkʼoˆ lo taˆ-e leh, ngaˬ Iˉsaˍreˍlaˆ chaw hui hta‸ piˇ tuˬ ve mvuhˇmiˬ hta‸ ca nyi taˉ-oˆ.
13
Nawˬ gʼa mawˬ taˉ peuˬ hkʼaw‸ nawˉ, nawˬ viˉ paˍ Aˍronˍ hkʼa shuˍ nawˬ htawˇ gʼa suh-e tuˬ yoˬ.
14
Awˬ lawn kʼo, nawˬ huiˉ maˬ Ziˉnaˆ heh puiˉ hkʼaw lo chehˇ taˍ htaˇ, ngaˬ ve tawˇ hta‸ ponˬ leuˉ ve pa taw yoˬ. Meˍriˆbaˆ teh‸ kʼoˆ ve chehˇ kuiˬ lo, Iˉsaˍreˍlaˆ chaw teˇ hpaˍ ngaˬ hta‸ kʼaw‸ hpfuhˆ ve teˇ yanˇ, nawˬ huiˉ maˬ ngaˬ hta‸ maˇ shawˍ maˇ caˆ te laˇ ve yoˬ, teh‸ Moˉseˍ hta‸ kʼoˆ piˇ ve yoˬ. (Meˍriˇbaˆ lehˬ, Ziˇ naˆ heh puiˉ hkʼaw lo, Kaˍdeˍshaˆ teh‸ kʼoˆ ve chehˇ kuiˬ lo cawˬ ve iˉ kaˆ gʼuiˬ tuˇ hpeh‸ ve yoˬ.)
15
Oˇ htaˇ, Moˉseˍ bon lawˬ leh kʼoˆ ve,
16
A sha‸ te‸ ve awˬ ceuˬ hkʼa peu-eˬ ve awˬ hkuiˉ puiˍ hpeh‸ ve Jawˇmawˇ Gʼuiˬsha-o, nawˬ ve chaw teˇ hpaˍ lehˬ, yawˬ hawˉ paˍ maˇ cawˬ ve yawˬ ehˉ hkʼe maˇ gʼa hpeh‸ kʼai tuˬ,
17
yawˇ hui hta‸ nyi ha‸ shaˉ puiˉ ve chaw teˇ gʼaˇ hta‸ a ciˉ leuˆ piˇ-oˆ, teh‸ kʼoˆ ve yoˬ.
18
Gʼuiˬsha Moˉseˍ hta‸ tawˇ teˇ pawˆ kʼaw‸ yaw piˇ leh kʼoˆ ve, Kanˉ te puiˉ ve Nunˍ ve yaˇ paˍ Yawˇsuˆ hta‸ nawˬ geh shiˍ kʼai leh, yawˇ ve oˉ kʼoˍ hkʼoˆ lo nawˬ ve la‸ sheh taˍ piˇ-oˆ.
19
Yawˇ hta‸ paw hkuˇ Eˇlaˍsaˍ leh Iˉsaˍreˍlaˆ chaw moˍ lonˉ mehˆ gʼuˇ suhˍ lo tu huˉ tcuh leh, nawˬ awˬ tan ngaˬ yawˇ hta‸ leuˆ yuˬ taˍ peuˬ ve awˬ lawn yawˇ hui hkʼa peu-eˬ ve hta‸ kʼoˆ maˍ piˇ-oˆ.
20
Iˉsaˍreˍlaˆ chaw hkʼa peu-eˬ yawˇ ve tawˇ hta‸ na yuˬ tuˬ, nawˬ ve aˉ yaˇ yawˇ hta‸ chiˇ a‸ piˇ-oˆ.
21
Yawˇ lehˬ Gʼuiˬsha ve a loˍ hta‸ shiˍ tuˬ, paw hkuˇ Eˇlaˍsaˍ geh gʼa ca jehˬ da‸ ve yoˬ. Eˇlaˍsaˍ lehˬ Uˇrenˍ leh Tuˇmenˍ hta‸ yehˇ leh, Yawˇsuˆ lehˬ Iˉsaˍreˍlaˆ chaw teˇ hpaˍ hta‸ gʼa sheh kʼai piˇ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
22
Moˉseˍ lehˬ Gʼuiˬsha yawˇ hta‸ te tcuh ve hkʼe hkʼa deh‸ na yuˬ leh te ve yoˬ. Yawˇ lehˬ, Yawˇsuˆ hta‸ paw hkuˇ Eˇlaˍsaˍ leh Iˉsaˍreˍlaˆ chaw moˍ lonˉ gʼuˇ suhˍ lo huˉ tcuh ve yoˬ.
23
Gʼuiˬsha kʼoˆ piˇ taˍ ve hkʼe, Moˉseˍ lehˬ Yawˇsuˆ ve oˉ kʼoˍ hkʼoˆ yawˇ ve la‸ sheh taˍ leh, yawˇ awˬ tan kanˉ te tuˬ aˉ yaˇ piˇ ve yoˬ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36