bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Numbers 35
Numbers 35
Lahu Bible Edited © Thailand Bible Society and Bible Society of Myanmar, 2010, 2020.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Iˉsaˍreˍlaˆ chaw teˇ hpaˍ Mawˇbaˆ mvuhˇmiˬ paˇ lo cawˬ ve Yawˇdanˍ iˉ kaˆ lawˬ paˇ lo deh chehˇ taˍ htaˇ, Gʼuiˬsha Moˉseˍ hta‸ chi hkʼe kʼoˆ piˇ ve yoˬ.
2
Iˉsaˍreˍlaˆ chaw teˇ hpaˍ lehˬ, yawˇ hui gʼa taˍ ve venˇ teˇ hpaˍ hpaˍ Leˍviˆ chaw hui hta‸ htawˇ pehˬ piˇ tuˬ kʼoˆ piˇ-oˆ.
3
Venˇ oˇ ve teˇ hpaˍ lehˬ, Leˍviˆ chaw hui ve venˇ hpeh‸ leh yawˇ hui oˇ kaˬ lo gʼa chehˇ tuˬ yoˬ. Venˇ jaˇ venˇ ji lo cawˬ ve kʼaˆ caˇ kuiˬ teˇ hpaˍ htawˇ, yawˇ hui ve ceˇ teˇ hpaˍ awˬ pon hpeh‸ ve yoˬ.
4
Kʼaˆ caˇ kuiˬ oˇ ve teˇ hpaˍ lehˬ, venˇ hta‸ teˇ hinˉ shaw‸ vuiˇ ve chehˇ kuiˬ lo hkʼa gaˬ hpeh‸ ve yoˬ.
5
Hkʼe te leh, yawˇ hui ve venˇ lehˬ awˬ kʼaw ji lo cawˬ leh, venˇ jaˇ venˇ ji lo kʼaˆ caˇ kuiˬ cawˬ ve yoˬ. Kʼaˆ caˇ kuiˬ teˇ ceˍ leh teˇ ceˍ awˬ kaˍ lo nyiˇ hinˉ shaw‸ cawˬ ve yoˬ.
6
Shu hta‸ gʼa tiˇ pehˍ cawˇ ve chaw teˇ gʼaˇ gʼuiˇ hpaw-e tuˬ awˬ pon, nawˬ hui lehˬ Leˍviˆ chaw hui hta‸ venˇ hkaw‸ venˇ gʼa piˇ taˍ ve yoˬ. Chi awˬ hkʼoˆ, nawˬ hui lehˬ Leˍviˆ chaw hui hta‸ awˬ nu ve venˇ awˇ chi nyiˇ venˇ gʼa kʼaw‸ piˇ ve yoˬ.
7
Hkʼe te leh, yawˇ hui gʼa taˍ ve venˇ hkʼa peu-eˬ awˇ chi hinˉ venˇ hpeh‸ la ve yoˬ.
8
Nawˬ hui Leˍviˆ chaw hui hta‸ piˇ tuˬ ve venˇ lehˬ, a shu yawˇ chaw ceuˬ gʼa taˍ ve mvuhˇmiˬ hta‸ nyi leh keunˍ da‸ ve hkʼe gʼa piˇ ve yoˬ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
9
Gʼuiˬsha Moˉseˍ hta‸ cuˇ leh, Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ.
10
Nawˬ hui Yawˇdanˍ iˉ kaˆ lawˬ hta‸ hkanˍ leh Hkaˍnanˍ mvuhˇmiˬ hkʼaw gaˬ ve teˇ yanˇ,
11
venˇ teˇ hpaˍ hpaˍ hta‸ gʼa leuˆ yuˬ taˍ ve yoˬ. Venˇ oˇ ve teˇ hpaˍ lehˬ, chaw teˇ gʼaˇ maˇ dawˇ maˇ gaˇ ve hkʼaw shu hta‸ gʼa tiˇ pehˍ cawˇ kʼo, yawˇ ca hpaw chehˇ taˍ kuiˬ venˇ hpeh‸ ve yoˬ.
12
Yawˇ lehˬ, venˇ oˇ ve teˇ maˬ maˬ hkʼaw chehˇ taˍ ve kʼo, suh peuˬ ve chaw oˇ ve hpaˇ ve awˬ viˉ awˬ nyi teˇ hpaˍ kʼaw‸ te hkʼaw‸ piˇ ve hta‸ gʼa ponˬ ve yoˬ. Chaw oˇ ve hta‸ suhˉ maˇ gʼa jehˬ piˇ sheˍ ve ceh ceh maˇ gʼa tiˇ pehˍ piˇ.
13
Oˇ hkʼe venˇ hkaw‸ venˇ hta‸ leuˆ yuˬ taˍ-o‸.
14
Yawˇdanˍ iˉ kaˆ lawˬ mvuhˇ nyi tawˆ hpawˇ lo shehˆ venˇ leh, Hkaˍnanˍ mvuhˇmiˬ hkʼaw shehˆ venˇ hta‸ leuˆ yuˬ taˍ-o‸.
15
Venˇ chi teˇ hpaˍ lehˬ, Iˉsaˍreˍlaˆ chaw leh yawˇ hui geh ca chehˇ la taˍ ve awˬ nu ve chaw teˇ hpaˍ awˬ pon, ponˬ ve venˇ teˇ hpaˍ hpeh‸ ve yoˬ. Chaw teˇ gʼaˇ maˇ dawˇ maˇ gaˇ ve hkʼaw shu hta‸ gʼa tiˇ pehˍ cawˇ ve kʼo, venˇ chi teˇ hpaˍ lo gʼuiˇ hpaw-e hpeh‸ ve yoˬ.
16
Ya‸ hkʼaˇ, chaw teˇ gʼaˇ lehˬ aˉhtaw, haˉ pui shiˍ, maˇ heˆ kʼo suhˆ teˇ ceuˬ ceuˬ yuˬ leh shu hta‸ tiˇ pehˍ ve kʼo, yawˇ hta‸ gʼa kʼaw‸ tiˇ pehˍ piˇ ve yoˬ.
19
Suh peuˬve chaw oˇ ve hpaˇ ve awˬ viˉ awˬ nyi teˇ hpaˍ lehˬ, tiˇ pehˍ shehˍ hpaˇ hta‸ gʼa‸ ca leh gʼa tiˇ pehˍ piˇ ve yoˬ.
20
Chaw teˇ gʼaˇ lehˬ shu hta‸ canˇ leh, haˉ pui baˬ pehˍ piˇ ve, maˇ heˆ kʼo chu-eˬ pehˍ piˇ ve kʼo, yawˇ hta‸ gʼa tiˇ pehˍ piˇ ve yoˬ. Suh peuˬ ve chaw oˇ ve hpaˇ ve awˬ viˉ awˬ nyi teˇ hpaˍ lehˬ, tiˇ pehˍ shehˍ hpaˇ hta‸ gʼa‸ ca leh gʼa tiˇ pehˍ piˇ ve yoˬ.
22
Ya‸ hkʼaˇ, chaw teˇ gʼaˇ lehˬ maˇ dawˇ maˇ gaˇ ve hkʼaw shu hta‸ gʼa baˬ pehˍ cawˇ ve kʼo,
24
suhˉ jehˬ shehˍ hpaˇ teˇ hpaˍ lehˬ, chaw oˇ ve hpawˇ chehˇ leh suhˉ gʼa jehˬ piˇ ve yoˬ. Suh peuˬ ve chaw oˇ ve hpaˇ ve awˬ viˉ awˬ nyi teˇ hpaˍ hpawˇ chehˇ leh suhˉ jehˬ piˇ ve maˇ gʼa te.
25
Suhˉ jehˬ shehˍ hpaˇ teˇ hpaˍ lehˬ, chaw oˇ ve hta‸ suh peuˬ ve chaw oˇ ve hpaˇ ve awˬ viˉ awˬ nyi teˇ hpaˍ ve la‸ sheh hkʼaw gʼa htaiˍ hkʼaw‸ piˇ leh, yawˇ hpaw la taˍ ve ponˬ ve venˇ oˇ ve hkʼaw gʼa chehˇ tcuh taˍ ve yoˬ. Yawˇ lehˬ paw hkuˇ lonˉ suh peuˬ htaˇ hkʼa gaˬ oˇ kaˬ lo gʼa chehˇ taˍ ve yoˬ.
26
Yawˇ lehˬ venˇ oˇ ve hkʼaw tawˆ kʼai leh, yawˇ tiˇ pehˍ piˇ taˍ ve chaw oˇ ve hpaˇ ve awˬ viˉ awˬ nyi teˇ hpaˍ yawˇ hta‸ mawˬ leh tiˇ pehˍ piˇ ve kʼo, tiˇ pehˍ shehˍ hpaˇ teˇ hpaˍ te‸ chiˉ venˇbaˆ maˇ cawˬ.
28
Shu hta‸ tiˇ pehˍ peuˬ ve chaw lehˬ, paw hkuˇ lonˉ suh peuˬ htaˇ hkʼa gaˬ ponˬ ve venˇ oˇ ve hkʼaw tiˉ gʼa chehˇ taˍ ve yoˬ. Paw hkuˇ lonˉ suh peuˬ hkʼaw‸ nawˉ, yawˇ ve yehˬ lo kʼaw‸ kʼo‸-e hpeh‸ ve yoˬ.
29
Chi ve lehˬ, nawˬ hui leh nawˬ hui ve awˬ ceuˬ awˬ hkʼaˇ teˇ hpaˍ, hkʼaˬ lo chehˇ ve maˇ kʼoˆ gʼa na yuˬ tuˬ ve awˬ liˇ hpeh‸ ve yoˬ.
30
Shaˉ hkiˆ hkanˍ paˍ nyiˇ gʼaˇ cawˬ htaˇ heh‸, chaw hta‸ tiˇ pehˍ shehˍ hpaˇ hta‸ gʼa tiˇ pehˍ ve yoˬ. Shaˉ hkiˆ teˇ gʼaˇ tiˉ cawˬ ve kʼo, chaw oˇ ve hta‸ tiˇ pehˍ piˇ maˇ hpeh‸.
31
Chaw hta‸ tiˇ pehˍ ve chaw hta‸ gʼa kʼaw‸ tiˇ pehˍ piˇ ve yoˬ. Yawˇ hta‸ hpu kʼaw‸ htoˇ hkʼaw‸ maˇ hpeh‸.
32
Chaw hta‸ tiˇ pehˍ shehˍ hpaˇ lehˬ, ponˬ ve venˇ lo gʼuiˇ hpaw-e peuˬ hkʼaw‸ nawˉ, paw hkuˇ lonˉ maˇ suh sheˍ gʼuˇ suhˍ yawˇ hta‸ hpu ca kʼaw‸ htoˇ hkʼaw‸ maˇ hpeh‸.
33
Nawˬ hui oˇ hkʼe te ve kʼo, nawˬ hui lehˬ a shu yawˇ ve mvuhˇmiˬ hta‸ cha‸ chiˆ tuˬ te ve yoˬ. Chaw hta‸ tiˇ pehˍ ve teˇ ceuˬ lehˬ, mvuhˇmiˬ hta‸ cha‸ chiˆ tuˬ te ve yoˬ. Tiˇ pehˍ shehˍ hpaˇ hta‸ maˇ kʼaw‸ tiˇ pehˍ piˇ ve ceh ceh, mvuhˇmiˬ hta‸ kʼaw‸ da‸ kehˬ la piˇ tuˬ ve awˬ hkʼaˇ maˇ cawˬ.
34
Nawˬ hui chehˇ taˍ ve mvuhˇmiˬ hta‸ cha‸ chiˆ tuˬ taˇ te. Awˬ lawn kʼo, ngaˬ lehˬ Gʼuiˬsha hpeh‸ leh, Iˉsaˍreˍlaˆ chaw hui geh chehˇ taˍ ve yoˬ, teh‸ Gʼuiˬsha Moˉseˍ hta‸ kʼoˆ piˇ ve yoˬ.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36