Numbers 26

Lahu Bible Edited © Thailand Bible Society and Bible Society of Myanmar, 2010, 2020.

← Chapter 25 Jump to: Chapter 27 →

1Naˬ beuˬ oˇ ve mehˉ kʼai peuˬ hkʼaw‸ nawˉ, Gʼuiˬsha Moˉseˍ leh Aˍronˍ ve yaˇ Eˇlaˍsaˍ hta‸ chi hkʼe kʼoˆ piˇ ve yoˬ.

2A sha‸ nyiˇ chi hkʼaw‸ awˬ hkʼoˆ ve ma‸ bawˆ puiˉ la peuˬ ve Iˉsaˍreˍlaˆ chaw hawˉ hkʼaˆ paˍ teˇ hpaˍ hta‸ awˬ shenˍ kʼaw‸ gʼawˆ nyi-o, teh‸ kʼoˆ piˇ ve yoˬ.

3Hkʼe te leh, yawˇ huiˉ maˬ lehˬ Yawˇdanˍ iˉ kaˆ lawˬ paˇ lo cawˬ ve Mawˇbaˆ miˬ tawˬ kuiˬ lo chehˇ taˍ leh, a sha‸ nyiˇ chi hkʼaw‸ awˬ hkʼoˆ ve hawˉ hkʼaˆ paˍ teˇ hpaˍ ve awˬ shenˍ kʼaw‸ gʼawˆ yuˬ ve yoˬ.

5Yaˬ koˆ ve yaˇ paˍ uiˍ Ruˇbenˍ ve awˬ ceuˬ awˬ hkʼaˇ teˇ hpaˍ lehˬ, Haˍnoˆ, Paˍluˆ, Heˍzaˍronˍ, leh Kaˍmiˆ hui hpeh‸ leh yawˇ hui ve awˬ ceuˬ awˬ hkʼaˇ hkʼa peu-eˬ 43,730 gʼaˇ cawˬ ve yoˬ. Paˍluˆ ve awˬ ceuˬ awˬ hkʼaˇ teˇ hpaˍ lehˬ, Eˇlaˍbaˆ leh yawˇ ve yaˇ Neˍmoeˍlaˆ, Daˍtanˍ leh Aˍbiˆranˍ hui hpeh‸ve yoˬ. (Daˍtanˍ leh Aˍbiˆranˍ yawˇ huiˉ maˬ lehˬ, Kawˇraˆ leh yawˇ ve chaw teˇ hpaˍ geh jehˬ da‸ leh Moˉseˍ leh Aˍronˍ hta‸ kʼaw‸ hpfuhˆ ve yoˬ. Hkʼe te leh miˬguiˬ pe‸ hkoˇ sheˬ leh yawˇ hui hta‸ hehˆ dawˬ piˇ ve yoˬ. Yawˇ huiˉ maˬ lehˬ, Kawˇ raˆ leh yawˇ ve chaw hui geh teˇ geh suh-e ve yoˬ. Oˇ ve hkʼaw‸ nawˉ, aˬ miˍ ce ya‸ la leh chaw 250 gʼaˇ ve hta‸ to‸ baˬ sheˬ ve yoˬ. Yawˇ hui lehˬ Iˉsaˍreˍlaˆ chaw teˇ hpaˍ awˬ pon henˇ kuiˬ jawˬ kuiˬ hpeh‸ la ve yoˬ. Ya‸ hkʼaˇ, Kawˇraˆ ve yaˇ teˇ hpaˍ lehˬ maˇ gʼa suh.)

12Siˉmonˍ ve awˬ ceuˬ awˬ hkʼaˇ teˇ hpaˍ lehˬ, Neˍmoeˍlaˆ, Yaˍmenˍ, Yaˍhkenˍ, Zeˍraˆ leh Sawˉliˆ hui hpeh‸ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 22,200 gʼaˇ cawˬ ve yoˬ

15Gaˆ awˬ ceuˬ awˬ hkʼaˇ teˇ hpaˍ lehˬ, Zeˍhponˍ, Haˍgiˆ, Shuˇniˆ, Awˇzaˍniˆ, Eˇriˆ, Aˍraˆ, leh Aˍreˍliˆ hui hpeh‸ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 40,500 gʼaˇ cawˬ ve yoˬ.

19Yuˇda‸ ve awˬ ceuˬ awˬ hkʼaˇ teˇ hpaˍ lehˬ, Sheˍlaˆ, Peˍrehˆ, Zeˍraˆ, Heˍzaˍronˍ leh Haˍmuˇlaˆ hui hpeh‸ve yoˬ. (Yuˇda‸ ve yaˇ paˍ Eˇraˆ leh Awˇnanˍ yawˇ huiˉ maˬ lehˬ, Hkaˍnanˍ mvuhˇmiˬ hkʼaw suh taˉ ve yoˬ) Yawˇ hui ve awˬ ceuˬ awˬ hkʼaˇ hkʼa peu-eˬ 76,500 gʼaˇ cawˬ ve yoˬ.

23Iˉsaˍhkaˍ ve awˬ ceuˬ awˬ hkʼaˇ teˇ hpaˍ lehˬ, Tawˇlawˆ, Hpuˇaˍ, Yaˍshoˆ, leh Shiˉmaˍronˍ hui hpeh‸ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ, 64,300 gʼaˇ cawˬ ve yoˬ.

26Zeˍbuˆlonˍ awˬ ceuˬ awˬ hkʼaˇ teˇ hpaˍ lehˬ, Seˍrehˆ, Eˇlonˍ, leh Yaˍhaˍleˍlaˆ hui hpeh‸ ve yoˬ Yawˇ hui ve awˬ ceuˬ awˬ hkʼaˇ hkʼa peu-eˬ 60,500 gʼaˇ cawˬ ve yoˬ.

28Yoˇseh‸ ve awˬ ceuˬ awˬ hkʼaˇ teˇ hpaˍ lehˬ, Maˍnaˍseˍ leh Eˇhpaˍrenˍ hui hpeh‸ ve yoˬ. Maˍnaˍseˍ ve awˬceuˬ awˬ hkʼaˇ teˇ hpaˍ lehˬ, Maˍhkiˇraˆ, Giˇlaˆ, Yeˍzeˍlaˆ, Heˍlehˆ, Aˍseˍreˍlaˆ, Sheˍhkenˍ, Sheˍmiˆdaˆ leh Heˍhpaˍ hui hpeh‸ ve yoˬ. Haˍhpaˍ ve yaˇ Zeˍlawˇhpaˆ lehˬ yaˇ paˍ teˇ gʼaˇ ka‸ maˇ cawˬ. Yaˇ miˇ tiˉ cawˬ ve yoˬ. Yawˇ hui lehˬ, Maˍlaˍ, Nawˇ-aˍ, Hawˇgaˍlaˆ leh Tiˇraˍzaˍ hui hpeh‸ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 52,700 gʼaˇ cawˬ ve yoˬ. Eˇhpaˍrenˍ awˬ ceuˬ awˬ hkʼaˇ teˇ hpaˍ lehˬ, Shuˉteˍlaˆ, Beˍhkaˍ leh Taˍhanˍ hui hpeh‸ve yoˬ. Eˇranˍ lehˬ Shuˉteˍlaˆ awˬ ceuˬ awˬ hkʼaˇ hpeh‸ ve yoˬ, Yawˇ hui ve awˬ ceuˬ awˬ hkʼaˇ hkʼa peu-eˬ 32,500 gʼaˇ cawˬ ve yoˬ. Chaw chi teˇ hpaˍ lehˬ Yoˇseh‸ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.

38Beˍyaˍmenˍ awˬ ceuˬ awˬ hkʼaˇ teˇ hpaˍ lehˬ, Beˍlaˆ, Aˍshaˍbeˍlaˆ, Aˍhiˆranˍ, Sheˍhpuˇhpanˍ hui hpeh‸ ve yoˬ. Aˍraˍdaˆ leh Neˍmanˍ lehˬBeˍlaˆ awˬ ceuˬ awˬ hkʼaˇ hpeh‸ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 45,600 gʼaˇ cawˬ ve yoˬ.

42Danˍ awˬ ceuˬ awˬ hkʼaˇ teˇ hpaˍ lehˬ, Huˆshenˍ hpeh‸ leh, yawˇ hui ve awˬ ceuˬ awˬ hkʼaˇ hkʼa peu-eˬ 64,400 gʼaˇ cawˬ ve yoˬ.

44Aˍshaˍ awˬ ceuˬ awˬ hkʼaˇ teˇ hpaˍ lehˬ, Iˉmaˍnaˍ, Iˉshaˍviˍ leh Beˍriˆ hui hpeh‸ ve yoˬ. Beˍbaˍ leh Maˍlaˍhkeˍlaˆ lehˬ, Beˍriˆ ve awˬ ceuˬ awˬ hkʼaˇ hpeh‸ ve yoˬ. Aˍshaˍ lehˬ Seˍraˆ teh‸ kʼoˆ ve yaˇ miˇ teˇ gʼaˇ cawˬ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 53,400 gʼaˇ cawˬ ve yoˬ.

48Naˍtaˍliˆ awˬ ceuˬ awˬ hkʼaˇ teˇ hpaˍ lehˬ, Yaˍzeˍlaˆ, Guˇniˆ, Yeˍzeˍriˆ, Shiˆlenˍ hui hpeh‸ ve yoˬ. Yawˇ hui ve awˬ ceuˬ awˬ hkʼaˇ hkʼa peu-eˬ 45,400 gʼaˇ cawˬ ve yoˬ.

51Hkʼe te leh, Iˉsaˍreˍlaˆ chaw hawˉ hkʼaˆ paˍ hkʼa peu-eˬ 601,730 gʼaˇ cawˬ ve yoˬ.

52Oˇ ve hkʼaw‸ nawˉ, Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. Iˉsaˍ reˍ laˆ chaw awˬ ceuˬ awˬ hkʼaˇ maˇ ve i ve hta‸ nyi leh mvuhˇmiˬ pehˬ piˇ-oˆ. Chaw maˇ kʼo maˇ ve hkʼe, chaw i kʼo i ve hkʼe, mvuhˇmiˬ hta‸ nyi leh kuˇ da‸ yuˬ tcuh-o, teh‸ kʼoˆ piˇ ve yoˬ.

57Leˍviˆ awˬ ceuˬ awˬ hkʼaˇ teˇ hpaˍ lehˬ, Geˍraˍsonˍ, Kawˇhaˆ leh Meˍraˍriˆ hui hpeh‸ ve yoˬ.

58Yawˇ hui hta‸ caˉ da‸ ve awˬ viˉ awˬ nyi teˇ hpaˍ lehˬ, Liˇbaˍniˆ, Heˍbronˍ, Maˍliˆ, Muˇshiˆ leh Kawˇraˆ hui hpeh‸ve yoˬ. Kawˇraˆ lehˬ Aˍmaˍranˍ ve awˬ pa hpeh‸ leh,

59Aˍmaˍranˍ lehˬ, Eˇjiˇtu‸ mvuhˇmiˬ hkʼaw paw taˍ ve Leˍviˆ ve yaˇ miˇ Yawˇhkeˍbehˆ hta‸ heuˆ ve yoˬ. Yawˇ lehˬ Aˍronˍ, Moˉseˍ leh Meˇriˆanˍ teh‸ kʼoˆ ve yaˇ miˇ teˇ gʼaˇ paw la ve yoˬ.

60Aˍronˍ lehˬ, Naˍdaˆ, Aˍbiˇhuˆ, Eˇlaˍsaˍ leh Iˉtaˍmaˍ teh‸ kʼoˆ ve yaˇ paˍ awˇ gʼaˇ cawˬ ve yoˬ.

61Naˍdaˆ leh Aˍbiˇhuˆ lehˬ maˇ da‸ kehˬ ve aˬ miˬ hta‸ yuˬ leh Gʼuiˬsha hta‸ tuˉ tanˇ piˇ ve pa taw, tiˇ pehˍ ve hta‸ gʼa hkanˍ ve yoˬ.

62A sha‸ teˇ ha pa awˬ hkʼoˆ ve Leˍviˆ chaw hawˉ hkʼaˆ paˍ hkʼa peu-eˬ 23,000 gʼaˇ cawˬ ve yoˬ. Yawˇ hui ve awˬ shenˍ hta‸ awˬ nu ve Iˉsaˍreˍlaˆ chaw hui ve awˬ shenˍ geh maˇ hkaw‸ da‸ piˇ. Awˬ lawn kʼo, yawˇ hui hta‸ te‸ chiˉ mawˇ jeˬ maˇ pehˬ piˇ ve pa taw yoˬ.

63Moˉseˍ leh Eˇlaˍsaˍ lehˬ, Iˉsaˍreˍlaˆ chaw shenˍ chi teˇ hpaˍ hta‸ Yawˇdanˍ iˉ kaˆ lawˬ paˇ lo cawˬ ve Mawˇbaˆ miˬ tawˬ kuiˬ lo gʼawˆ yuˬ taˍ ve yoˬ.

64Chi teˇ pawˆ gʼawˆ yuˬ taˍ ve chaw shenˍ chi teˇ hpaˍ hkʼaw, ponˬ laˬ ve teˇ pawˆ Siˉnaˆ heh puiˉ hkʼaw lo Moˉseˍ leh Aˍronˍ chaw shenˍ gʼawˆ taˍ ve hawˉ hkʼaˆ paˍ teˇ gʼaˇ ka‸ maˇ chehˇ-o.

65Gʼuiˬsha kʼoˆ taˍ ve hkʼe, Yeˍhpuˇnehˇ ve yaˇ Kaˍlehˆ leh Nunˍ ve yaˇ Yawˇsuˆ maˇ heˆ kʼo, yawˇ hui hkʼa peu-eˬ suh kʼai peuˬ ve yoˬ.

← Chapter 25 Jump to: Chapter 27 →