bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Numbers 6
Numbers 6
Lahu Bible Edited © Thailand Bible Society and Bible Society of Myanmar, 2010, 2020.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
1
Gʼuiˬsha Moˉseˍ hta‸cuˇ leh Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ.
2
Hawˉ hkʼaˆ, maˇ heˆ kʼo yaˇ miˇ hkʼaˬ ve teˇ gʼaˇ maˇ kʼoˆ Naˍzaˍriˆ chaw hpeh‸ la tuˬ a shu yawˇ awˬ to Gʼuiˬsha hta‸ chiˇ a‸ piˇ taˍ peuˬ ve kʼo,
3
yawˇ lehˬ a pehˉ meuˇ gʼuiˬ leh tzuhˬ hta‸ maˇ gʼa dawˬ. A pehˉ meuˇ shiˍ yuˬ te taˍ ve tzuhˬ hkʼaˬ ve teˇ ceuˬ hta‸ maˇ kʼoˆ, a pehˉ meuˇ shiˍ awˬ goˇ hta‸ maˇ kʼoˆ, maˇ gʼa caˇ.
4
Yawˇ Naˍzaˍriˆ chaw hpeh‸ chehˇ sheˍ ve ceh ceh, a pehˉ meuˇ te awˬ hkʼaw lo hkʼa tawˆ la ve a pehˉ meuˇ shiˍ, awˬ yawˇ, awˬ guiˬ kʼuˉ hta‸ ka‸ maˇ gʼa caˇ.
5
Yawˇ lehˬ Naˍzaˍriˆ chaw hpeh‸ chehˇ sheˍ ve ceh ceh, oˉ kʼoˍ maˇ gʼa nuˆ. Paˇ tcuhˆ maˇ gʼa chiˇ. Awˬ lawn kʼo, yawˇ ve awˬ to Gʼuiˬsha hta‸ chiˇ a‸ piˇ taˍ peuˬve pa taw, uˉ hkeh mvuh leh paˇ tcuhˆ teˇ hpaˍ gʼa zuhˬ la piˇ ve yoˬ.
6
Yawˇ ve uˉ hkeh mvuh lehˬ, yawˇ ve awˬ to Gʼuiˬsha hta‸ chiˇ a‸ taˍ ve awˬ heˆ hpeh‸ ve yoˬ. Chi hta‸ pa taw, chaw suh yehˬ lo kʼai leh yawˇ awˬ to hta‸ cha‸ chiˆ tuˬ maˇ gʼa te.
7
Yawˇ ve awˬ pa awˬ e, awˬ nyi paˍ awˬ nyi ma suh kuiˬ lo htawˇ maˇ gʼa kʼai.
8
Yawˇ Naˍzaˍriˆ chaw hpeh‸ chehˇ sheˍ ve ceh ceh, yawˇ lehˬ Gʼuiˬsha hta‸ chiˇ a‸ taˍ ve chaw hpeh‸ ve yoˬ.
9
Yawˇ awˬ paˇ lo chaw teˇ gʼaˇ la‸ haˉ paˍ suh-e leh, yawˇ ve uˉ hkeh mvuh cha‸ chiˆ kʼai ve kʼo, yawˇ lehˬ suhˍ nyi hkʼa gaˬ gʼa law taˍ ve yoˬ. Oˇ ve hkʼaw‸ nawˉ, yawˇ ve uˉ hkeh mvuh leh paˇ tcuhˆ hkʼa peu-eˬ hta‸ gʼa chiˇ baˬ ve yoˬ. Oˇ hkʼe te ve kʼo yawˇ kʼaw‸ da‸ kehˬ la ve yoˬ.
10
Hiˉ nyi teˇ nyi gaˬ ve kʼo, yawˇ lehˬ aˉ pui kʼaˍ, maˇ heˆ kʼo guˇ nyiˇ hkeh hta‸ yuˬ veu leh paw hkuˇ geh aˉ po kʼo bon yehˬ lo gʼa kʼai ve yoˬ.
11
Paw hkuˇ lehˬ ngaˆ oˇ ve teˇ hkeh hta‸ yuˬ leh, yawˇ venˇbaˆ ponˬ tuˬ gʼa tuˉ tanˇ piˇ leh, awˬ nu ve teˇ hkeh hta‸ aˬ miˍ gʼa tuˉ tanˇ piˇ ve yoˬ. Oˇ ve teˇ nyi tiˉ awˬ hkʼaw lo, yawˇ lehˬ yawˇ ve uˉ hkeh mvuh Gʼuiˬsha hta‸ gʼa kaw‸ chiˇ a‸ piˇ ve yoˬ.
12
Gʼuiˬsha hta‸ chiˇ a‸ piˇ taˍ peuˬ ve yawˇ ve uˉ hkeh mvuh cha‸ chiˆ kʼai peuˬ ve pa taw, ponˬ laˬ htaˇ yawˇ Naˍzaˍriˆ chaw hkʼaˬ maw te taˍ peuˬ ve awˬ yanˇ hta‸ maˇ kʼaw‸ shawˍ-o. Venˇbaˆ hpehˇ ve tuˉ tanˇ tuˬ awˬ pon, yawˇ lehˬ teˇ hkʼaw‸ gaˬ peuˬ ve yawˬ ehˉ teˇ hkeh gʼa yuˬ laˬ ve yoˬ.
13
Yawˇ awˬ to da‸ tuˬ kehˬ tuˬ te peuˬ hkʼaw‸ nawˉ, aˉ po kʼo bon yehˬ yehˬmiˉhpe‸ lo kʼai leh,
14
venˇbaˆ hpehˇ ve tanˇ tuˬ awˬ pon te‸ chiˉ awˬ kuiˉ awˬ haiˇ maˇ cawˬ ve yawˬ ehˉ awˬ ma teˇ hkeh, aˬ miˍ tuˉ tanˇ piˇ tuˬ awˬ pon yawˬ ehˉ teˇ hkeh leh, awˬ chawˇ te da‸ ve tanˇ tuˬ awˬ pon yawˬ ehˉ teˇ hkeh Gʼuiˬsha hta‸ gʼa tanˇ piˇ ve yoˬ.
15
Yawˇ lehˬ diˇ maˇ keu ve hkaoˍmonˇ teˇ hkʼawˍ lawˇ hta‸ htawˇ gʼa yuˬ laˬ piˇ ve yoˬ. Hkaoˍmonˇ oˇ ve lehˬ, caˬ hkʼa meu-e leh shaˍlonˍ chu hkaw‸ da‸ taˍ ve hkaoˍmonˇ gʼa hpeh‸ piˇ ve yoˬ. Chi hkʼoˆ ka‸, yawˇ lehˬ caˬ hkʼa meu-e leh a pehˉ meuˇ gʼuiˬ hta‸ htawˇ gʼa yuˬ laˬ ve yoˬ.
16
Paw hkuˇ lehˬ, awˬ ceuˬ oˇ ve hkʼa peu-eˬ Gʼuiˬsha hta‸ gʼa tanˇ piˇ ve yoˬ. Venˇbaˆ hpehˇ ve tuˉ tanˇ tuˬ leh, aˬ miˍ tuˉ tanˇ tuˬ teˇ hpaˍ hta‸ htawˇ gʼa tuˉ tanˇ piˇ ve yoˬ.
17
Yawˇ lehˬ, awˬ chawˇ te da‸ ve tanˇ tuˬ hta‸ htawˇ gʼa tuˉ tanˇ piˇ leh, hkaoˍmonˇ, caˬ hkʼa meu-e leh a pehˉ meuˇ gʼuiˬ hta‸ htawˇ gʼa tanˇ piˇ ve yoˬ.
18
Aˉ po kʼo bon yehˬ yehˬmiˉhpe‸ lo Naˍzaˍriˆ chaw oˇ ve lehˬ, yawˇ ve uˉ hkeh mvuh hta‸ chiˇ baˬ leh, awˬ chawˇ te da‸ ve tuˉ tanˇ tuˬ geh teˇ geh gʼa tuˉ tanˇ piˇ ve yoˬ.
19
Oˇ hkʼe te peuˬ hkʼaw‸ nawˉ, yawˬ ehˉ ve la‸ hpeh kʼaˉ teˇ maˬ hta‸ keu caˉ leh, la‸ hpeh kʼaˉ oˇ ve leh hkaoˍmonˇ teˇ hpaˍ Naˍzaˍriˆ chaw oˇ ve hta‸ gʼa piˇ ve yoˬ.
20
Paw hkuˇ lehˬ oˇ ve teˇ hpaˍ hta‸ teˇ pawˆ kʼaw‸ yuˬ hkʼaw‸ leh, Gʼuiˬsha hta‸ gʼa chiˇ a‸ piˇ ve yoˬ. Awˬ liˇ awˬ hkʼaˇ cawˬ ve hkʼe, paw hkuˇ lehˬ yawˬ ehˉ ve nyi ma pui shaˍ leh hkui sheh hta‸ gʼa caˇ ve awˬ hkʼoˆ, la‸ hpeh kʼaˉ oˇ ve teˇ paˉ hta‸ htawˇ gʼa kʼaw‸ caˇ ve yoˬ. Oˇ hkʼe te peuˬ hkʼaw‸ nawˉ, Naˍzaˍriˆ chaw oˇ ve lehˬ a pehˉ meuˇ gʼuiˬ hta‸ dawˬ hpeh‸ ve yoˬ.
21
Chi ve lehˬ, Naˍzaˍriˆ chaw teˇ gʼaˇ gʼa te tuˬ ve awˬ liˇ awˬ hkʼaˇ teˇ hpaˍ hpeh‸ ve yoˬ. Yawˇ Gʼuiˬsha hta‸ piˇ tuˬ awˬ nu awˬ na ve ka ti‸ te taˍ ve cawˬ sheˍ ve kʼo, oˇ ve hkʼa peu-eˬ hta‸ yawˇ gʼa te biˇ piˇ ve yoˬ.
22
Chaw yaˇ teˇ hpaˍ hta‸ bon na‸ piˇ htaˇ, awˬ hawˉ lo kʼoˆ taˍ ve tawˇ teˇ hpaˍ hta‸ yehˇ tuˬ, Gʼuiˬsha Moˉseˍ hta‸ cuˇ leh yawˇ ve yaˇ teˇ hpaˍ hta‸ kʼoˆ piˇ ve yoˬ.
24
Gʼuiˬsha nawˬ hui hta‸ awˬ bon na‸ laˇ leh, nawˬ hui hta‸ ha‸ shaˉ laˇ piˇ-oˆ.
25
Gʼuiˬsha nawˬ hui hta‸ ha kʼaˉ leh awˬ bon te laˇ piˇ-oˆ.
26
Gʼuiˬsha nawˬ hui hta‸ nyi leh gawˬ lehˍ chehˇ tcuh laˇ piˇ-oˆ.
27
Gʼuiˬsha kʼoˆ ve, Shu Iˉsaˍreˍlaˆ chaw teˇ hpaˍ hta‸ ngaˬ ve awˬ meh hkʼaw bon na‸ piˇ ve kʼo, ngaˬ yawˇ hui hta‸ awˬ bon kʼaw‸ na‸ piˇ tuˬ yoˬ, teh‸ kʼoˆ ve yoˬ.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36