bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Numbers 32
Numbers 32
Lahu Bible Edited © Thailand Bible Society and Bible Society of Myanmar, 2010, 2020.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Ruˇbenˍ leh Gaˆ awˬ ceuˬ awˬ hkʼaˇ teˇ hpaˍ lehˬ, ceˇ cawˬ maˇ jaˇ ve yoˬ. Yaˍzaˍ mvuhˇmiˬ leh Giˇlaˆ mvuhˇmiˬ lehˬ, ceˇ hu caˇ kuiˬ da‸ jaˇ ve mvuhˇmiˬ hpeh‸ ve hta‸ yawˇ hui gʼa mawˬ ve teˇ yanˇ,
2
Moˉseˍ, Eˇlaˍsaˍ leh awˬ hoˉ chaw mawˇ teˇ hpaˍ geh kʼai leh yawˇ hui hta‸ chi hkʼe kʼoˆ piˇ ve yoˬ.
3
Gʼuiˬsha ngaˬ hui hta‸ piˇ laˇ taˍ ve, Aˍtaˍroˆ venˇ, Diˇbonˍ venˇ, Yaˍzaˍ venˇ, Niˇmaˍraˆ venˇ, Heˍsaˍbonˍvenˇ, Eˇlaˍleˍ venˇ, Sheˍbanˍ venˇ, Neˍbawˇ venˇ, leh Bawˇnaˆ venˇ chi teˇ hpaˍ lehˬ,
4
ceˇ hu caˇ kuiˬ da‸ jaˇ ve chehˇ kuiˬ hpeh‸ ve yoˬ. Ngaˬ hui lehˬ ceˇ cawˬ maˇ jaˇ ve yoˬ.
5
Chi hta‸ pa taw, venˇ chi teˇ hpaˍ ngaˬ hui hta‸ pe‸ laˇ-oˆ. Ngaˬ hui hta‸ Yawˇ danˍ iˉ kaˆ lawˬ coˇ paˉ hpawˇ lo taˇ ca chehˇ tcuh laˇ-oˆ, teh‸ yawˇ hui hta‸ kʼoˆ piˇ ve yoˬ.
6
Moˉseˍ kʼaw‸ yaw hkʼaw‸ leh kʼoˆ ve, Nawˬ hui ve awˬ viˉ awˬ nyi Iˉsaˍreˍlaˆ chaw teˇ hpaˍ gʼuˇ suhˍ lo ma‸ bawˆ kʼai chehˇ htaˇ, nawˬ huiˬ choˬ kaˬ lo ceh tiˉ chehˇ taˉ tuˬ kʼoˆ chehˇ ve laˇ.
7
Aˬ hto‸ ma pa taw nawˬ hui lehˬ, Yawˇdanˍ iˉ kaˆ lawˬ hta‸ hkanˍ leh, Gʼuiˬsha piˇ tuˬ ve mvuhˇmiˬ hkʼaw lo‸-e tuˬ ve Iˉsaˍreˍlaˆ chaw hui hta‸ nyi ma te luˬ piˇ gaˇ ve le.
8
Nawˬ hui ve awˬ pa teˇ hpaˍ hta‸ Kaˍdeˍshaˆbaˍnaˍ teh‸ kʼoˆ ve chehˇ kuiˬ lo tu leh, mvuhˇmiˬ hta‸ ngaˬ ca jaˆ nyi tcuh ve teˇ yanˇ, yawˇ hui htawˇ oˇ hkʼe te ve yoˬ.
9
Yawˇ hui lehˬ Eˇshaˍkawˇlaˆ lawˬ hkʼo‸ lo hkʼa gaˬ, mvuhˇmiˬ oˇ ve hta‸ ca jaˆ nyi kʼai ve yoˬ. Ya‸ hkʼaˇ, yawˇ hui kʼaw‸ gaˬ la ve teˇ yanˇ, Gʼuiˬsha piˇ taˍ ve mvuhˇmiˬ oˇ ve hkʼaw lo‸-e maˇ gaˬ taˬ ve awˬ lawn kʼoˆ maˍ laˇ ve yoˬ.
10
Hkʼe te leh, Gʼuiˬsha nyi ma zuhˆ leh chi hkʼe kʼoˆ ve yoˬ.
11
Yawˇ hui ngaˬ hta‸ ka ti‸ maˇ yeˬ ve pa taw, Eˇjiˇtu‸ mvuhˇmiˬ hkʼaw hkʼa tawˆ la taˍ ve a sha‸ nyiˇ chi hkʼaw‸ awˬ hkʼoˆ ve chaw teˇ gʼaˇ ka‸, ngaˬ Aˍbraˍhanˍ, Iˉcaˆ, Yaˍkoˆ hui hta‸ piˇ tuˬ ka ti‸ te taˍ peuˬ ve mvuhˇmiˬ hkʼaw maˇ gʼa lo‸-e, teh‸ kʼoˆ taˍ peuˬ ve yoˬ.
12
Keˍniˆ awˬ ceuˬ awˬ hkʼaˇ, Yeˍhpuˇnaˍ ve yaˇ Kaˍlehˆ leh Nunˍ ve yaˇ Yawˇsuˆ ceh tiˉ gʼa lo‸-e tuˬ yoˬ. Yawˇ huiˉ maˬ lehˬ, Gʼuiˬsha hta‸ ka ti‸ yeˬ chehˇ ve yoˬ.
13
Gʼuiˬsha lehˬ, chaw oˇ ve teˇ hpaˍ hta‸ nyi ma zuhˆ leh, yawˇ hui suh-e peuˬ htaˇ hkʼa gaˬ heh puiˉ hkʼaw lo awˇ chi hkʼaw‸ te toˇ tcuh ve yoˬ.
14
Chi beu‸ nawˬ hui htawˇ, nawˬ hui ve awˬ pa teˇ hpaˍ te ve hkʼe kʼaw‸ gʼa‸ te leh, Gʼuiˬsha hta‸ nyi ma zuhˆ tuˬ te piˇ chehˇ ve yoˬ.
15
Nawˬ hui Ruˇbenˍ leh Gaˆ awˬ ceuˬ awˬ hkʼaˇ teˇ hpaˍ, ya‸ nyi Gʼuiˬsha tawˇ hta‸ maˇ na ve kʼo, Gʼuiˬsha lehˬ Iˉsaˍreˍlaˆ chaw hui hta‸ teˇ pawˆ kʼaw‸ ciˍ yanˍ piˇ tuˬ ve yoˬ, teh‸ yawˇ hui hta‸ kʼoˆ piˇ ve yoˬ.
16
Oˇ htaˇ, yawˇ hui Moˉseˍ geh kʼaw‸ jiˆ kʼai leh kʼoˆ ve, Awˉ lawˉ peuˇ ngaˬ hui hta‸ ngaˬ hui ve ceˇ teˇ hpaˍ awˬ pon hkawˆ leh ngaˬ hui ve miˇ yaˇ teˇ hpaˍ pon yehˬ te piˇ tuˬ aˬ hkaw-anˬ pe‸ laˇ-oˆ.
17
Oˇ hkʼe te piˇ taˉ peuˬ kʼo, ngaˬ hui awˬ nu ve Iˉsaˍreˍlaˆ chaw teˇ hpaˍ awˬ pon chehˇ kuiˬ gʼa htaˇ hkʼa gaˬ, gʼuˇ suhˍ peuˍ leh ma‸ ga bawˆ piˇ tuˬ yoˬ. Chi beu‸ ngaˬ hui ve miˇ yaˇ teˇ hpaˍ gawˬ lehˍ gʼa chehˇ taˉ tuˬ, yawˇ hui awˬ pon venˇ hkʼa deh‸ gu piˇ taˉ gaˇ ve yoˬ.
18
Awˬ nu ve Iˉsaˍreˍlaˆ chaw teˇ hpaˍ, a shu yawˇ awˬ ceuˬ awˬ hkʼaˇ teˇ hpaˍ hta‸ piˇ taˍ ve mvuhˇmiˬ hta‸ maˇ gʼa sheˍ ve ceh ceh, ngaˬ hui kʼaw‸ hpfuhˆ kʼaw‸ la tuˬ ve maˇ heˆ.
19
Yawˇdanˍ iˉ kaˆ lawˬ coˇ paˉ hpawˇ lo cawˬ ve mvuhˇmiˬ leh, mawˇ jeˬ teˇ ceuˬ hta‸ ka‸ ngaˬ hui maˇ yuˬ. Awˬ lawn kʼo, Yawˇdanˍ iˉ kaˆ lawˬ mvuhˇ nyi tawˆ hpawˇ lo cawˬ ve mvuhˇmiˬ chi ve hta‸ ngaˬ hui gʼa taˍ peuˬ ve pa taw yoˬ, teh‸ Moˉseˍ hta‸ kʼoˆ piˇ ve yoˬ.
20
Oˇ htaˇ Moˉseˍ kʼaw‸ yaw hkʼaw‸ leh kʼoˆ ve, Nawˬ hui awˬ tehˬ awˬ na oˇ hkʼe te gaˇ ve kʼo, chi beu‸ choˬ kaˬ Gʼuiˬsha mehˆ gʼuˇ suhˍ lo ma‸ ca bawˆ tuˬ gu taˍ-o‸.
21
Nawˬ hui ve ma‸ yaˇ hkʼa peu-eˬ, Yawˇdanˍ iˉ kaˆ lawˬ hta‸ hkanˍ leh ngaˬ hui ve canˇ paˍ teˇ hpaˍ hta‸ gʼaˇ htaˇ hkʼa gaˬ, ma‸ gʼa ca bawˆ-e tuˬ yoˬ.
22
Oˇ ve hkʼaw‸ nawˉ, nawˬ hui kʼaw‸ la hpeh‸ ve yoˬ. Awˬ lawn kʼo, nawˬ hui lehˬ Gʼuiˬsha leh Iˉsaˍreˍlaˆ chaw hui hta‸ ga piˇ tuˬ te taˍ ve ka ti‸ hta‸ te biˇ taˉ peuˬ ve pa taw yoˬ. Gʼuiˬsha lehˬ, Yawˇdanˍ iˉ kaˆ lawˬ mvuhˇ nyi tawˆ hpawˇ lo cawˬ ve mvuhˇmiˬ chi ve hta‸ nawˬ hui ve mvuhˇmiˬ teh‸ shawˍ laˇ tuˬ yoˬ.
23
Ya‸ hkʼaˇ, nawˬ hui lehˬ kʼoˆ taˍ ve hkʼe maˇ te ve kʼo, nawˬ hui Gʼuiˬsha hta‸ te ya‸ chehˇ ve hta‸ shiˍ-o‸. Nawˬ hui kʼoˆ taˍ peuˬ ve hkʼe hkʼa deh‸ te-o. Oˇ hkʼe maˇ te ve kʼo, nawˬ hui ciˍ yanˍ ve hta‸ gʼa hkanˍ tuˬ yoˬ.
24
Chi beu‸ nawˬ hui ve ceˇ teˇ hpaˍ awˬ pon hkawˆ leh, nawˬ hui ve miˇ yaˇ teˇ hpaˍ awˬ pon venˇ hta‸ te-o. Oˇ hkʼe te taˉ peuˬ hkʼaw‸ nawˉ, nawˬ hui ka ti‸ te taˍ peuˬ ve hkʼe, ma‸ bawˆ kuiˬ lo kʼai-o, teh‸ yawˇ hui hta‸ kʼoˆ piˇ ve yoˬ.
25
Oˇ htaˇ Gaˆ leh Ruˇbenˍ awˬ ceuˬ awˬ hkʼaˇ teˇ hpaˍ kʼoˆ ve, Jawˇmawˇ-oˬ, nawˬ kʼoˆ ve hkʼe ngaˬ hui ca te tuˬ yoˬ.
26
Ngaˬ hui ve miˇ yaˇ leh ceˇ teˇ hpaˍ hta‸ choˬ kaˬ Giˇlaˆ mvuhˇmiˬ hkʼaw teh taˉ tuˬ yoˬ.
27
Ngaˬ hui lehˬ, Gʼuiˬsha uˉ peunˍ ve awˬ hawˉ lo chehˇ leh ma‸ bawˆ kuiˬ lo kʼai tuˬ yoˬ. Nawˬ kʼoˆ laˇ taˍ peuˬ ve hkʼe, ngaˬ hui Yawˇdanˍ iˉ kaˆ lawˬ hta‸ hkanˍ leh ma‸ ca bawˆ-e tuˬ yoˬ, teh‸ Moˉseˍ hta‸ kʼoˆ piˇ ve yoˬ.
28
Oˇ htaˇ Moˉseˍ lehˬ Eˇlaˍsaˍ, Yawˇsuˆ leh Iˉsaˍreˍlaˆ chaw awˬ hoˉ awˬ naˬ teˇ hpaˍ hta‸ chi hkʼe kʼoˆ piˇ ve yoˬ.
29
Gaˆ leh Ruˇbenˍ awˬ ceuˬ awˬ hkʼaˇ teˇ hpaˍ, Gʼuiˬsha uˉ peunˍ ve awˬ hawˉ lo chehˇ leh nawˬ hui geh teˇ geh ma‸ bawˆ gʼaˇ peuˬ ve kʼo, Giˇlaˆ mvuhˇmiˬ chi yawˇ hui hta‸ piˇ-oˆ.
30
Yawˇ hui Yawˇdanˍ iˉ kaˆ lawˬ hta‸ maˇ hkanˍ leh, nawˬ hui hta‸ ma‸ maˇ ga bawˆ laˇ ve kʼo, Hkaˍnanˍ mvuhˇmiˬ lo gaˬ htaˇ oˇ kaˬ lo cawˬ ve mvuhˇmiˬ yawˇ hui hta‸ ka‸ pehˬ piˇ-oˆ, teh‸ yawˇ hui hta‸ kʼoˆ piˇ ve yoˬ.
31
Gaˆ leh Ruˇbenˍ awˬ ceuˬ awˬ hkʼaˇ teˇ hpaˍ kʼaw‸ yaw hkʼaw‸ leh kʼoˆ ve, Jawˇmawˇ-oˬ, Gʼuiˬsha kʼoˆ ve hkʼe ngaˬ hui te tuˬ yoˬ.
32
Yawˇdanˍ iˉ kaˆ lawˬ mvuhˇ nyi tawˆ hpawˇ lo cawˬ ve mvuhˇmiˬ chi ve hta‸ ngaˬ hui gʼa tuˬ, ngaˬ hui lehˬ yawˇ uˉ peunˍ ve awˬ hawˉ lo chehˇ leh, Hkaˍnanˍ mvuhˇmiˬ hta‸ ca bawˆ-e tuˬ yoˬ, teh‸ yawˇ hta‸ kʼoˆ piˇ ve yoˬ.
33
Hkʼe te leh, Moˉseˍ lehˬ Aˍmawˇriˆ jawˇmawˇ Siˉhonˍ leh Baˍshaˍ jawˇmawˇ Awˇgaˆ hui ve mvuhˇmiˬ hkʼa peu-eˬ, Gaˆ leh Ruˇbenˍ awˬ ceuˬ awˬ hkʼaˇ teˇ hpaˍ hta‸ piˇ ve yoˬ.
34
Gaˆ awˬ ceuˬ awˬ hkʼaˇ teˇ hpaˍ lehˬ, Diˇbonˍ venˇ, Aˍtaˍroˆ venˇ, Aˍyawˍ venˇ,
35
Aˍtaˍroˆshawˇhpanˍ venˇ, Yaˍzaˍ venˇ, Yuˇbeˍhaˆ venˇ,
36
Behˆniˇmaˍraˍ venˇ leh Behˆhaˍranˍ venˇ chi teˇ hpaˍ hta‸ kʼaw‸ gu te ve yoˬ.
37
Ruˇbenˍ awˬ ceuˬ awˬ hkʼaˇ teˇ hpaˍ lehˬ, Heˍsaˍbonˍ venˇ, Eˇleˍlaˆ venˇ, Kiˇriˆyaˆtenˍ venˇ,
38
Neˍbawˇ venˇ, awˬ meh awˬsuhˉ kʼaw‸ meh taˍ ve Baˍlaˆmawˇnaˆ venˇ leh Siˆbaˍnaˍ venˇ chi teˇ hpaˍ hta‸ kʼaw‸ gu te ve yoˬ. Yawˇ hui awˬ suhˉ kʼaw‸ tanˬ ve venˇ teˇ hpaˍ hta‸ awˬ meh awˬ suhˉ kʼaw‸ meh piˇ ve yoˬ.
39
Maˍnaˍseˍ awˬ ceuˬ awˬ hkʼaˇ Maˍhkiˇraˆ ve yaˇ teˇ hpaˍ lehˬ, Giˇlaˆ mvuhˇmiˬ hta‸ ca bawˆ yuˬ leh, oˇ kaˬ lo chehˇ taˍ ve Aˍmawˇriˆ chaw hui hta‸ gʼa‸ kʼoˬ piˇ ve yoˬ.
40
Hkʼe te leh Moˉseˍ lehˬ, Maˍhkiˇraˆ awˬ ceuˬ awˬ hkʼaˇ teˇ hpaˍ hta‸ Giˉlaˆ mvuhˇmiˬ hkʼaw chehˇ tcuh ve yoˬ.
41
Maˍnaˍseˍ awˬ ceuˬ awˬ hkʼaˇ Yaˍiˇraˆ lehˬ, awˬ nu ve hkʼaˆ ehˉ teˇ hpaˍ hta‸ ca bawˆ yuˬ leh, hkʼaˆ oˇ ve teˇ hpaˍ hta‸ Yaˍiˇraˆ ve hkʼaˆ teh‸ kʼaw‸ meh piˇ ve yoˬ.
42
Nawˇbaˆ lehˬ Keˍnaˆ venˇ hta‸ ca bawˆ yuˬ leh, venˇ oˇ ve hta‸ Nawˇbaˆ venˇ teh‸ kʼaw‸ meh piˇ ve yoˬ.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36