bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Numbers 31
Numbers 31
Lahu Bible Edited © Thailand Bible Society and Bible Society of Myanmar, 2010, 2020.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Gʼuiˬsha Moˉseˍ hta‸ chi hkʼe kʼoˆ piˇ ve yoˬ.
2
Meˇdiˍanˍ chaw teˇ hpaˍ Iˉsaˍreˍlaˆ chaw hui hta‸ ya‸ kʼaw sheh ya‸ ve pa taw, yawˇ hui hta‸ ciˍ yanˍ piˇ-oˆ. Nawˬ oˇ hkʼe te taˉ peuˬ kʼo gʼa suh-e tuˬ yoˬ, teh‸ Moˉseˍ hta‸ kʼoˆ piˇ ve yoˬ.
3
Hkʼe te leh, Moˉseˍ Iˉsaˍreˍlaˆ chaw hui hta‸ kuˬ hpawnˬ leh kʼoˆ piˇ ve, Ma‸ bawˆ tuˬ hkʼa deh‸ gu taˍ-o‸. Awˬ lawn kʼo, Meˇdiˍanˍ chaw hui lehˬ Gʼuiˬsha hta‸ maˇ shawˍ maˇ caˆ te piˇ peuˬve pa taw, yawˇ hui hta‸ gʼa ciˍ yanˍ piˇ tuˬ yoˬ.
4
Iˉsaˍreˍlaˆ chaw teˇ ceuˬ awˬ hkʼaw lo, ma‸ yaˇ teˇ hinˉ gʼaˇ hta‸ leuˆ yuˬ leh ma‸ bawˆ kuiˬ lo kʼai peu-o, teh‸ yawˇ hui hta‸ kʼoˆ piˇ ve yoˬ.
5
Hkʼe te leh, yawˇ hui Iˉsaˍreˍlaˆ chaw teˇ chi nyiˇ ceuˬ awˬ hkʼaw lo, teˇ ceuˬ ve ma‸ yaˇ teˇ hinˉ gʼaˇ hta‸ leuˆ yuˬ leh ma‸ yaˇ hkʼa peu-eˬ 12,000 gʼaˇ tawˆ la ve yoˬ.
6
Moˉseˍ lehˬ, ma‸ yaˇ oˇ ve teˇ hpaˍ awˬ hkʼoˆ lo paw hkuˇ Eˇlaˍsaˍ ve yaˇ Hpiˇneˍhaˆ hta‸ awˬ hoˉ te tcuh leh, ma‸ bawˆ kuiˬ lo kʼai tcuh ve yoˬ. Hpiˇneˍ haˆ lehˬ, da‸ ve mawˇ teˇ hpaˍ leh behˬ heh ma hta‸ ha‸ shaˉ shehˍ hpaˇ hpeh‸ ve yoˬ.
7
Gʼuiˬsha Moˉseˍ hta‸ kʼoˆ piˇ taˍ ve hkʼe, yawˇ hui Meˇdiˍanˍ chaw hta‸ ca bawˆ-e leh hawˉ hkʼaˆ paˍ hkʼa peu-eˬ ve hta‸ tiˇ pehˍ piˇ ve yoˬ.
8
Meˇdiˍanˍ chaw hui ve jawˇmawˇ Eˇviˆ, Reˍkenˍ, Zuˇraˆ, Huˇraˆ leh Reˍbaˆ hui hta‸ htawˇ tiˇ pehˍ piˇ leh, Bawˇraˆ ve yaˇ Baˍlanˍ hta‸ htawˇ tiˇ pehˍ piˇ ve yoˬ.
9
Iˉsaˍreˍlaˆ ma‸ yaˇ teˇ hpaˍ lehˬ, Meˇdiˍanˍ chaw yaˇ miˇ yaˇ nehˬ teˇ hpaˍ, yawˇ hui ve ceˇ teˇ hpaˍ leh, yawˇ hui ve mawˇ jeˬ teˇ hpaˍ hta‸ yuˬ peuˬ hkʼaw‸ nawˉ,
10
yawˇ hui ve venˇ teˇ hpaˍ hta‸ aˬ miˍ tuˉ baˬ taˉ piˇ ve yoˬ.
11
Yawˇ hui lehˬ yaˇ miˇ yaˇ nehˬ oˇ ve teˇ hpaˍ, yawˇ hui ve ceˇ leh yawˇ hui ve mawˇ jeˬ teˇ hpaˍ hta‸ yuˬ hkʼaw‸ veu laˇ leh,
12
Yawˇdanˍ iˉ kaˆ lawˬ paˇ lo cawˬ ve Mawˇbaˆ mvuhˇmiˬ hkʼaw deh chehˇ ve Moˉseˍ, Eˇlaˍsaˍ leh Iˉsaˍreˍlaˆ chaw moˍ lonˉ hta‸ chiˇ a‸ piˇ ve yoˬ.
13
Moˉseˍ, Eˇlaˍsaˍ leh Iˉsaˍreˍlaˆ chaw teˇ hpaˍ, ma‸ bawˆ kʼaw‸ la ve chaw hui hta‸ ca ha‸ yuˬ piˇ tuˬ tawˆ kʼai ve yoˬ.
14
Moˉseˍ lehˬ, ma‸ bawˆ kʼaw‸ la ve ma‸ poˍ lonˉ teˇ hpaˍ hta‸ nyi ma zuhˆ leh kʼoˆ ve,
15
Aˬ hto‸ ma pa taw, nawˬ hui yaˇ miˇ oˇ ve teˇ hpaˍ hta‸ maˇ tiˇ pehˍ piˇ ve le.
16
Yaˇ miˇ oˇ ve teˇ hpaˍ lehˬ Baˍlanˍ ve tawˇ hta‸ na leh, Peˍawˇ teh‸ kʼoˆ ve chehˇ kui lo, nawˬ hui hta‸ ya kʼaw sheh ya‸ laˇ ve hta‸ dawˇ nawˇ-oˆ. Yawˇ hui oˇ hkʼe te ve pa taw, nawˬ hui awˬ hkʼoˆ lo naˬ beuˬ gaˬ la ve yoˬ.
17
Chi beu‸ haˉ chawˇ hkʼa te jaw peuˬ ve yaˇ paˍ leh yaˇ miˇ teˇ hpaˍ hta‸ tiˇ pehˍ piˇ-oˆ.
18
Ya‸ hkʼaˇ, yaˇ miˇ haˉ teˇ hpaˍ hta‸ nawˬ hui awˬ pon teh taˍ-o‸.
19
Nawˬ hui awˬ hkʼaw lo chaw hta‸ gʼa tiˇ pehˍ peuˬ ve chaw, maˇ heˆ kʼo chaw suh hta‸ gʼa htawˇ peuˬ ve chaw teˇ hpaˍ, ngaˬ hui ve fa la awˬ baˬ hpawˇ lo suhˍ nyi hkʼa gaˬ chehˇ taˍ-o‸. Shehˆ nyi teˇ nyi leh suhˍ nyi teˇ nyi htaˇ, nawˬ hui ve awˬ to leh nawˬ hui shiˍ veu laˇ ve yaˇ miˇ haˉ teˇ hpaˍ hta‸ da‸ kehˬ tuˬ te piˇ-oˆ.
20
Nawˬ hui ve veu‸ kʼaˇ teˇ hpaˍ, shaˍ guiˬ kʼuˉ, aˉ che‸ awˬ mvuh, leh suhˆ yuˬ te taˍ ve mawˇ hkʼa peu-eˬ hta‸ htawˇ da‸ kehˬ tuˬ te-o, teh‸ yawˇ hui hta‸ kʼoˆ piˇ ve yoˬ.
21
Paw hkuˇ Eˇlaˍsaˍ htawˇ, ma‸ bawˆ kʼaw‸ la ve ma‸ yaˇ teˇ hpaˍ hta‸ tawˇ yaw piˇ leh kʼoˆ ve, Chi ve lehˬ Gʼuiˬsha Moˉseˍ hta‸ piˇ taˍ ve awˬ liˇ awˬ hkʼaˇ hpeh‸ ve yoˬ.
22
Aˬ miˍ to‸ maˇ gʼa ve shi, hpu, kuiˇ, sho leh geu‸ law teˇ hpaˍ lehˬ aˬ miˍ hkʼoˆ lo gʼa moˉ baˬ ve yoˬ.
23
Awˬ nu ve mawˇ teˇ hpaˍ hta‸ iˉ kaˆ gʼa tsuhˇ baˬ ve yoˬ.
24
Suhˍ nyi teˇ nyi gaˬ kʼo, nawˬ hui a shu yawˇ ve veu‸ kʼaˇ hta‸ gʼa kʼehˆ tsuhˇ ve yoˬ. Oˇ hkʼe te peuˬ htaˇ heh‸, nawˬ hui kʼaw‸ da‸ kehˬ la leh fa la lo kʼaw‸ la hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ.
25
Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ.
26
Nawˬ awˬ to, Eˇlaˍsaˍ leh Iˉsaˍreˍlaˆ chaw awˬ hoˉ awˬ naˬ teˇ hpaˍ lehˬ, yawˇ hui yuˬ veu laˇ ve hpu shi mawˇjeˬ, ceˇ caˬ leh yaˇ miˇ haˉ oˇ ve teˇ hpaˍ hta‸ hkʼa deh‸ gʼa gʼaw nyi ve yoˬ.
27
Mawˇ oˇ ve teˇ hpaˍ hta‸ nyiˇ pun pehˬ leh, teˇ pun ma‸ yaˇ oˇ ve teˇ hpaˍ hta‸ piˇ-oˆ. Awˬ nu ve teˇ pun Iˉsaˍreˍlaˆ chaw moˍ lonˉ hta‸ pehˬ piˇ-oˆ.
28
Ma‸ yaˇ teˇ hpaˍ gʼa taˍ ve ceˇ caˬ leh yaˇ miˇ haˉ oˇ ve teˇ hpaˍ awˬ hkʼaw lon ngaˇ ha pun teˇ pun kʼaw‸ yuˬ tawˆ leh,
29
Gʼuiˬsha awˬ pon paw hkuˇ Eˇlaˍsaˍ hta‸ piˇ-oˆ.
30
Awˬ nu ve Iˉsaˍreˍlaˆ chaw hui hta‸ pehˬ piˇ ve ceˇ caˬ leh yaˇ miˇ haˉ oˇ ve teˇ hpaˍ awˬ hkʼaw lo, ngaˇ chi pun teˇ pun kʼaw‸ yuˬ tawˆ leh, Gʼuiˬsha ve aˉ po kʼo bon yehˬ hta‸ ha‸ shaˉ chehˇ ve Leˍviˆ chaw hui hta‸ piˇ-oˆ, teh‸ Moˉseˍ hta‸ kʼoˆ piˇ ve yoˬ.
31
Moˉseˍ leh Eˇlaˍsaˍ lehˬ, Gʼuiˬsha kʼoˆ piˇ ve hkʼe te ve yoˬ.
32
Ma‸ yaˇ teˇ hpaˍ yuˬ veu laˇ ve ceˇ leh yaˇ miˇ haˉ teˇ hpaˍ lehˬ, yawˬ ehˉ leh aˉ che‸ 675,000 hkeh, nuˇ 72,000 hkeh, piˉ laˬ 61,000 hkeh, yaˇ miˇ haˉ 32,000 gʼaˇ hpeh‸ ve yoˬ. Ma‸ yaˇ teˇ hpaˍ gʼa ve ceˇ lehˬ, yawˬ leh aˉ che‸ 337,500 hkeh, nuˇ 36,000 hkeh, piˉ laˬ 30,500 hkeh, leh yaˇ miˇ haˉ 16,000 gʼaˇ hpeh‸ ve yoˬ. Chi teˇ hpaˍ awˬ hkʼaw lo, paw hkuˇ Eˇlaˍsaˍ awˬ pon 500 pun teˇ pun kʼaw‸ yuˬ tawˆ taˍ ve lehˬ, yawˬ leh aˉ che‸ 675 hkeh, nuˇ 72 hkeh, piˉ laˬ 61 hkeh leh yaˇ miˇ haˉ 32 gʼaˇ hpeh‸ ve yoˬ. Hkʼe te leh, Moˉseˍ lehˬ ngaˇ ha pun teˇ pun ve ceˇ leh yaˇ miˇ haˉ chi teˇ hpaˍ, Gʼuiˬsha awˬ pon fuiˍ teh taˍ leh paw hkuˇ Eˇlaˍsaˍ hta‸ piˇ ve yoˬ.
42
Iˉsaˍreˍlaˆ chaw moˍ lonˉ gʼa ve ceˇ leh yaˇ miˇ haˉ teˇ hpaˍ lehˬ, yawˬ leh aˉ che‸ 337,500 hkeh, nuˇ 36,000 hkeh, piˉ laˬ 30,500 hkeh, leh yaˇ miˇ haˉ 16,000 gʼaˇ hpeh‸ ve yoˬ.
47
Gʼuiˬsha kʼoˆ piˇ taˍ ve hkʼe, Moˉseˍ lehˬ ceˇ leh yaˇ miˇ haˉ chi teˇ hpaˍ awˬ hkʼaw lo ngaˇ chi pun teˇ pun kʼaw‸ yuˬ tawˆ leh, Gʼuiˬsha ve aˉ po kʼo bon yehˬ hta‸ ha‸ shaˉ chehˇ ve Leˍviˆ chaw hui hta‸ piˇ ve yoˬ.
48
Oˇ ve hkʼaw‸ nawˉ, ma‸ poˍ lonˉ teˇ hpaˍ Moˉseˍ geh kʼai leh yawˇ hta‸ chi hkʼe kʼoˆ piˇ ve yoˬ.
49
Jawˇmawˇ-oˬ, ngaˬ hui ve ma‸ yaˇ teˇ hpaˍ hta‸ hkʼa deh‸ gʼaw nyi taˍ peuˬ. Teˇ gʼaˇ ka‸ maˇ luˬ maˇ sheˆ law.
50
Chi hta‸ pa taw, ngaˬ hui gʼa veu laˇ taˍ ve hpu hkʼeun shi hkʼeun, la‸ kawˬ, naˍ vawˇ, la‸ peˍ leh kʼawˍ peˍ pfuhˇ caˆ teˇ hpaˍ, ngaˬ hui nawˬ geh yuˬ laˬ ve yoˬ. Awˬ gʼuˇ suhˍ hpawˇ htawˇ Gʼuiˬsha ngaˬ hui hta‸ kʼaw‸ ha‸ shaˉ laˇ tuˬ, ngaˬ hui mawˇ chi teˇ hpaˍ Gʼuiˬsha hta‸ tanˇ piˇ gaˇ ve yoˬ, teh‸ Moˉseˍ hta‸ kʼoˆ piˇ ve yoˬ.
51
Moˉseˍ leh Eˇlaˍsaˍ lehˬ, yawˇ hui yuˬ veu laˇ ve hpu hkʼeun shi hkʼeun oˇ ve teˇ hpaˍ hta‸ ha‸ yuˬ ve yoˬ.
52
Yawˇ hui yuˬ veu laˇ ve mawˇ oˇ ve hkʼa peu-eˬ 167 cawehˬ cawˬ ve yoˬ.
53
Ma‸ yaˇ teˇ hpaˍ lehˬ, a shu yawˇ gʼa taˍ ve hpu hkʼeun shi hkʼeun teˇ hpaˍ hta‸ ha‸ shaˉ taˍ ve yoˬ.
54
Hkʼe te leh, Moˉseˍ leh Eˇlaˍsaˍ lehˬ, Gʼuiˬsha Iˉsaˍreˍlaˆ chaw hui hta‸ kʼaw‸ caˉ leh ha‸ shaˉ laˇ tuˬ, mawˇ oˇ ve teˇ hpaˍ hta‸ aˉ po kʼo bon yehˬ lo yuˬ kʼai ve yoˬ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36