bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 1
1 Samuel 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Efraín jallqakunachö Ramá markapitam juk runa Zuf castapita Elcana jutiyuq karqan. Elcanaqa Jerohampa tsurin y Eliúpa willkanmi karqan. Eliúmi Tohupa tsurin karqan. Tohunam Zufpa tsurin karqan. Elcanaqa efrateo runam karqan.
2
Payqa ishkay warmiyuqmi karqan. Jukaq warminpa jutinmi karqan Ana y jukaq warmipa jutinnam karqan Penina. Peninapa wamrankuna kaptinpis Anapaqa manam wamran karqantsu.
3
Cada watam Silo markaman Elcana aywaq llapanta mandaq Tayta Diosta adorar sacrificiuta rupatsinanpä. Tsaychömi sacerdöti Elípa tsurinkuna Ofni y Finees kaykäyarqan. Paykunapis sacerdötim kayarqan.
4
Sacrificiupä ashmata pishtarmi warmin Peninata wamrankunawan mikuyänanpä Elcana rakipaq.
5
Peru Anatam sïqa qolluq kaptinpis pasaypa kuyarnin mas allinnin kaqta rakipaq.
6
Qolluq kananpä Tayta Dios destinashqa kaptinmi Peninaqa Anata kushipar rabyatsiq.
7
Cada wata Tayta Diospa wayinman aywayaptinmi Anata tsaynö rabyanätsiq. Tsaymi Anaqa waqarnin ni mikuytapis munaqtsu.
8
Tsaynam Elcana nirqan: «Ana, ¿imanirtä waqaykanki? ¿Imanirtä mikunkitsu? ¿Imanirtä pasaypa llakishqa kaykanki? Noqaqa chunka ollqu wamraykipitapis masmi cuidanäpä kaykä».
9
Juk kutinam Siluchö mikuyta upuyta ushaskir Tayta Diosta mañakunanpä Ana aywarqan. Sacerdöti Elínam Tinkuna Toldu punku lädunchö jamaraykarqan.
10
Anaqa pasaypa llakikur yakulla tamyalla waqarmi Tayta Diosta mañakur
11
nirqan: «Llapanta mandaq Tayta Dios, wamrä mana kaptinmi pasaypa llakishqa kaykä. Ollqu wamrä kananpä bendisamaptikiqa makikimanmi churaykamushä. Tsaymi podernikichö kanqanta musyayänanpä aqtsanta imaypis rututsinqatsu».
12
Tayta Diosta unayyaq Ana mañakuptinmi shimillan kuyuqta Elí rikarqan.
13
Shonqullanchö mañakuptin imatapis parlanqanta mana wiyarmi Ana machashqa kanqanta Elí yarparqan.
14
Tsaymi nirqan: «¿Imay hörayaqtä machashqa tsaychö kanki? ¡Machanqaykiyaqqa vïnuta ama upunkimantsu!»
15
Tsaynö niptinmi Ana nirqan: «Taytay, manam machashqatsu kaykä. Vïnuta ni ima machätsikuqtapis manam upurqütsu, sinöqa pasaypa llakishqa kaykanqätam Tayta Diosta willaykä.
16
Machaq warmi kanqäta ama yarpaykullaytsu. Noqaqa pasaypa llakishqa karmi Tayta Diosta kay hörayaq mañakurqü».
17
Tsaymi Elí nirqan: «Mañakunqaykinö kuyapäkuq Tayta Dios yanapaykulläshuy. Kananqa kushishqa kutikuy».
18
Tsaynö niptinmi Anaqa nirqan: «Päkillä, taytay». Tsaypitanam patsaranqanman kutiykur kushishqa mikurqan. Tsay junaqpitaqa mananam llakikurqannatsu.
19
Waraynin wäraynam Tayta Diosta yapay adoraskir Ramáchö wayinkunaman kutikuyarqan. Tsaypitanam runan Elcanawan punur Tayta Dios bendisaptin Anaqa qeshyaq rikakurqan.
20
Killan tinkuskiptinnam ollqu wamranta qeshyakurqan. Tayta Diosta mañakunqanpita ollqu wamran yuriptinmi jutinta churarqan Samuelta.
21
Elcanaqa Tayta Diostam awnishqa karqan cada wata Siluman aywar tsaychö adorananpä. Tsaymi tsurinkunawan y warmin Peninawan Silo markaman yapay aywayarqan.
22
Peru Anam sïqa aywayta mana munar runanta nirqan: «Wamräta manarä wasqirqa manam aywätsu. Wasqiskiptinrämi payta pushakurkur Tayta Diospa makinman churanäpä aywashä. Tsaychönam imayyaqpis payta sirvinqa».
23
Tsaynö niptinmi Elcana nirqan: «Tsaynö kaptinqa wamrantsik wasqinqanyaq ama aywaytsu. Tayta Dios yanapaykulläshuy awninqaykita cumplinaykipä». Runanwan tsaynö willanakuskirmi Anaqa wamranta wasqinqanyaq aywarqantsu.
24
Samuel wasqiskiptinnam pishillarä kaykaptin Silupa aywar Tayta Diospa wayinman aparqan. Tsaynöllam aparqan kimsa watayuq juk torïtuta, ishkay arröba jarinata y vïnu puritsikunan qarawan vïnutapis.
25
Tsay apanqan torïtuta sacrificiupä altarchö rupaskatsirmi Elíman Samuelta pusharqan paypa makinchö dëjananpä.
26
Elí kaqman chaykurnam Ana nirqan: «Taytay, noqam kaychö Tayta Diosta ñöpata mañakur kaykarqä.
27
Tsay höram Tayta Diosta mañakurqä wamrayuq kanäpä. Tsaynö mañakunqäta wiyamaptinmi kananqa wamrayuqna kaykä.
28
Tsaymi wamräta apamurqü Tayta Diospa makinman churanäpä. Paymi wanunqanyaq Tayta Diosta sirvinqa». Tsaynö niptinmi Elíqa urkunpis patsaman töpanqanyaq qonqurikuykur Tayta Diosta adorarqan.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31