bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 2
1 Samuel 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
1
Tsaynöllam Anapis Tayta Diosta alabar nirqan: «Tayta Dios, yanapamanqaykipita llapan shonqüwanmi agradëcikü. Chikimaqnïkunapis mananam kushipäyämanqanatsu. Wamrayuq kanäpä yanapamanqaykipitam kananqa pasaypa kushikü.
2
«Tayta Dios, qamllam santu kanki. Manam qampita juk diosqa kantsu. Manam pipis qamnö yanapakuq kantsu.
3
«Pipis ama yachaq tukutsuntsu, alabakutsuntsu ni allish tukutsuntsu. Tayta Diosllam llapantapis musyan. Paymi runakuna imata rurayanqantapis juzgan.
4
Paymi munayyuq runakunapa flëchantapis pakin. Kallpaynaqkunatapis kallpayuq kayänanpämi yanapan.
5
Rïcukunatam juk tantallapä arupakuyänanpä pobriyätsin. Mallaqaqkunataqa pacha junta kayänanpämi alistapan. Qolluq warmikunatapis qanchis ollqu wamrayuq kayänanpämi yanapan. Atska wamrayuqkunataqa kikillankuna kayänanpämi wamrankunata illakätsin.
6
«Tayta Diosmi kawayta y wanuytapis qaramantsik. Pay munaptinmi wanuntsik y kawamuntsikpis.
7
Tayta Diosmi pobri kanantsikpä y rïcu kanantsikpäpis destinamantsik. Paymi alli rikashqa y mana alli rikashqa kanapäpis churamantsik.
8
Tayta Diosmi pobrikunatapis yanapan. Limushna mañakuqkunatapis taritsin. Respitashqa kananpäpis churan. «Kay patsapa cimientunkunatapis paymi rurashqa. Tsay jananmanmi kay patsatapis jamatsishqa.
9
Pay munanqannö kawaq runakunataqa imaykapitam cuidan. Mana alli ruraqkunataqa llakikuywan wanuyänanpämi jaqirin. «Manam pipis kikinpa kallpanllawanqa poderyuq kanmantsu.
10
Contran shäriq runakunataqa Tayta Diosmi ushakätsinqa. Paykunataqa ciëlupitam maqakuywan mantsakätsin. Maytsaychö runakunatapis Tayta Diosmi juzganqa. «Akranqan reytam poderyuq kananpä yanapanqa. Paytam wakin runakunapitapis mas poderyuq kananpä yanapanqa».
11
Tsaypitanam Elcanaqa warminkunawan y tsurinkunawan Ramáchö kaykaq wayinman kutikurqan. Tsurin Samueltanam sacerdöti Elípa makinchö dëjarqan Tayta Diosta sirvinanpä.
12
Elípa tsurinkunaqa Tayta Diosta mana cäsurmi jutsata rurayarqan.
13
Sacerdöti kar rurayänanpä kaqkunata manam cumpliyarqantsu. Tsaymi Tayta Diosta pipis adorananpä ashmata pishtaskir kusinakuykaptillanrä sacerdötipa sirviqnin jatun trinchita aptarkur shamuq.
14
Paymi perolpita, aswanapita, taksha mankapita y caswilapita karpis trinchiwan aytsata jipiskir sacerdöti mikunanpä apaq. Israel runakuna Siluman apayanqankunatam cada vezlla tsaynö rurayaq.
15
Tsaynöllam wirata manarä rupatsir sirviqninta sacerdöti mandaq sacrificiupä apamuq runata ninanpä: «Sacerdötita kankapänäpäshi chawallanpa aytsata qaramanki. Kusinashqa aytsataqa manam chaskishunkinatsu».
16
Ashma apamuq runa «aytsata apanaykipäqa puntata wirantarä rupatsitsun» niptinmi sacerdötipa sirviqnin niq: «Jinan höra entregamänaykitam munä. Mana entregamaptikiqa kikï aptarkurmi apashä».
17
Sacrificiupä apayämuptin tsaynö rurarmi Elípa tsurinkunaqa Tayta Diosta pasaypa rabyatsiyarqan.
18
Samuelnam Tayta Diosta sirvirqan lïnupita rurashqa efodnin jatishqa.
19
Samuelpa mamanqa runanwan cada wata sacrificiuta rupatsiyänanpä Siluman aywarmi tünicata awaskir Samuelpä apaq.
20
Siluchö kaykäyaptinmi Anata y Elcanata bendisar Elí nirqan: «Tayta Diosta sirvinanpä Samuelta churayanqaykipita mas wamraykikuna kananpä bendicionninta churaykamutsun». Tsaypitanam Elcanaqa warmin Anawan wayinpa kutikuyarqan.
21
Tayta Diospa bendicionninwanmi Anapa kimsa ollqu wamrankuna y ishkay warmi wamrankuna karqan. Samuelqa Tayta Diospa poderninchömi jövinyarqan.
22
Elí pasaypa rukuna kaykarmi musyarqan tsurinkuna llutanta rurar Israel runakunata rabyanätsiyanqanta. Tsaynöllam musyarqan Tinkuna Sagrädu Toldupa patiunchö yanapaq warmikunawan kakuyanqanta.
23
Tsaymi tsurinkunata nirqan: «Llapan runakunam jutsata rurayanqaykita willayämashqa. ¿Imanirtä tsaynö kayanki?
24
Hïjukuna, ama tsaynöqa kayaytsu. Llutanta rurayanqaykitam runakuna parlaykäyan.
25
Pipis runa mayinpa contran kaptinqa Tayta Dios tsapaykunmanmi. Peru kikin Tayta Diospa contran kayaptinqa ¿pirä tsapanman?» Papänin tsaynö yätsiptinpis Tayta Dios wanutsinanpä destinashqa kaptinmi wiyakuyarqantsu.
26
Samuelnam wiñayllanta shumaq tantiyakurqan alli kawananpä. Tsaymi Tayta Dios munanqannö kawaptin runakunapis kushikuyarqan.
27
Juk kutichömi Elíman chaykur Tayta Diospa profëtan nirqan: «Tayta Diosmi nin: «Faraónpa poderninchö unay castaykikuna Egiptuchö kaykaptinmi milagrukunata rurar paykunata salvarqä.
28
Tsaypitam llapan trïbukunapita castayki Aarónta akrarqä sirvimaqnï sacerdöti kananpä. Paytam churarqä altarnïchö sacrificiukunata rupatsinanpä, inciensiuta qoshnitsinanpä y efodnin jatishqa ñöpäman yaykamunanpä. Tsaynöllam awnirqä Israel runakuna apayämunqan sacrificiukunapita paypis y paypita miraqkunapis racionninkunata chaskiyänanpä.
29
Tsaynö kaykaptinqa ¿imanirtä Israel runakuna apayämunqan sacrificiukunata respitayankitsu? Tsaynölla ¿imanirtä cäsumänaykipa rantin tsurikikunata mas cäsunki? Paykunaqa noqapä apayämunqan allin kaqkunata mikurmi werayaykäyan».
30
«Tsaymi Israel runakunata kuyaq Tayta Dios nin: «Tsaynö ruranqaykipitam imaypis sirvimaq sacerdöti kayänanpä unay castaykikunata akrashqa karpis qampita miraqkunata ushakätsishä. Noqata respitamaq kaqkunataqa yanapashämi. Mana respitamaq kaqkunataqa penqakuymanmi churashä.
31
Tsaymi tsurikikunata ushakätsinäpä tiempu chaykämunna. Qampita miraqkunaqa manam mayqanpis rukuyäyanqanyaq kawayanqatsu.
32
Wakin Israel runakunata shumaq yanapaptïpis qampita miraqkunaqa ñakarmi kawayanqa. Tsaymi mayqanpis rukuyanqanyaqqa kawayanqatsu.
33
Qampa miraynikikunapita jukninmi altarnïchö sirvimarpis pasaypa llakikur waqarnin kawanqa. Wakin miraynikikunaqa wanutsishqam kayanqa.
34
Tsurikikuna Ofni y Finees tsay junaqlla wanuyaptinmi ninqäkuna llapanpis rasunpa kanqanta musyanki.
35
«Qampita miraqkuna ushakäyaptinpis juk castapitanam akrashä paykunapa rantin sirvimaq sacerdöti kananpä. Payqa imaypis ninqäta rurarmi kawanqa. Tsaynöllam paypita miraqkuna akranqä reykunata sirvir imaypis sacerdöti kayanqa.
36
Qampa miraynikikunapita kawaykar quëdaq kaqmi qellayta o tantata karpis mañakurnin paypa puntanman qonqurikunqa. Paykunatam rugakunqa sacerdötikunachö arupakur mikuynin tarinanpä».
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31