bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 15
1 Samuel 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
Tsaypita juk kutichömi Saúlta Samuel nirqan: «Tayta Dios mandamaptinmi umaykiman aceitita wiñarqä Israel runakunapa mandaqnin rey kanaykipä. Kananqa Tayta Dios nishunqaykita shumaq tantiyakuy.
2
Llapanta mandaq Tayta Diosmi nin: «Amalecita runakunatam ushakätsishä. Paykunata ushakätsishä Israel runakuna Egiptupita shayämuptin markanpa päsayänanta mana dëjayanqanpitam.
3
Kananqa soldädukunata pushakurkur aywayay amalecita runakunata ushakätsiyänaykipä. Mana kuyapaypa wanutsiyanki ollqukunata, warmikunata, wamrakunata y llullukunatapis. Tsaynölla wanutsiyanki wäkankunata, üshankunata, cabrankunata, camëllunkunata y ashnunkunatapis».
4
Samuel tsaynö niptinmi runakunata Telaim markaman Saúl qayatsirqan. Tsaychö yupaptinmi Israelpita ishkay pachak waranqa (200,000) soldädukuna kayarqan. Tsaynöllam Judápita chunka waranqa (10,000) soldädukuna kayarqan.
5
Tsay soldädukunawanmi Saúlqa amalecita runakunapa markanman aywayarqan. Chaykurmi mayu kuchunchö churanakuykur atacayänanpä shuyaräyarqan.
6
Tsaypitanam tsaychö täraq ceneo runakunata Saúl nirqan: «Unay castaykikunam Israel runakunata kuyapäyarqan Egiptupita päsayämuptin. Tsaynö kaykaptinqa amalecita runakunapita witikuyay. Mana witiyaptikiqa paykunatawanmi qamkunatapis wanutsiyäman». Tsaynö niptinmi ceneo runakuna amalecita runakunapita witikuyarqan.
7
Tsaypitam Saúl atacarnin amalecita runakunata wanutsiyarqan Havilapita qallaykur hasta Shur ninqan partiyaq. Tsayqa kaykan Egipto nación läduchömi.
8
Tsaychömi mandaqnin rey Agagta prësu tsariskir llapan soldädunkunatapis wanutsiyarqan.
9
Peru Agagtam sïqa wanutsiyarqantsu. Tsaynölla manam wanutsiyarqantsu wera kaqtaqa üshatapis, cabratapis, wäkatapis, torïtukunatapis, carnërutapis. Ni imankunatapis alli kaqkunataqa manam rupatsiyarqantsu. Uyu kaqkunatam sïqa llapanta wanutsiyarqan.
10
Tsaypitam Samuelta Tayta Dios nirqan:
11
«Pësakümi rey kananpä Saúlta churanqäpita. Manam ninqäkunata cumplishqatsu». Tsaynö niptinmi Samuel pasaypa llakikur Tayta Diosta mañakur warat waqarqan.
12
Waraynin wäraynam tsaka tsakalla Saúlwan tinkunanpä Samuel aywarqan. Aywaykaptinmi willayarqan Carmelman Saúl chaykur juytu rumita ichïtsinqanta y tsaypitana Gilgalman aywanqanta.
13
Tsaypita Samuel aywar Saúl kaqman chaykuptinmi Saúl nirqan: «Taytay, Tayta Dios yanapaykulläshuy. Pay nimanqantaqa llapantam cumplirqü».
14
Samuelnam nirqan: «Tsaynö kaptinqa ¿imanirtä üshakunawan cabrakuna waqayämunqanta y törukuna büjayämunqanta wiyaykä?»
15
Saúlnam nirqan: «Waqamuq üshakuna, cabrakuna y büjamuq törukunaqa amalecita runakunapam kaykan. Allinnin kaq üshakunata y törukunatam soldädukuna apayämushqa sacrificiuta Tayta Diospä rupatsiyänäpä. Tsaypita wakin kaqtaqa llapantam wanutsiyarqü».
16
Tsaymi Samuel nirqan: «Qanyan paqas Tayta Dios imata nimanqantapis kanan willanäpä ¡upälla kay!» Tsaynö niptinmi Saúl nirqan: «Taytay, mä willaykallämay».
17
Tsaymi Samuel nirqan: «Mana väliq kanqaykita yarpaptikipis Tayta Diosmi churashurquyki Israel nacionpa mandaqnin rey kanaykipä.
18
Tsaymi jutsasapa kayanqanpita amalecita runakunata ashmankunatawan llapanta ushakätsinaykipä Tayta Dios mandashurqayki.
19
Tsaynö nikäshuptikiqa ¿imanirtä pay nishunqaykita rurarquykitsu? ¿Imanirtä Tayta Diosta rabyanätsir amalecita runakunapa imaykantapis apamurquyki?»
20
Saúlnam nirqan: «Tayta Dios nimanqantaqa llapantam rurarqü. Amalecita runakunapa mandaqnin rey Agagllatam prësu apamurqü. Tsaypita kaqtaqa llapantam wanutsirqü.
21
Peru pelyaq aywaqkunam sïqa allinnin kaq üshata, cabrata y wäkatapis apayämushqa Tayta Diosta adorar Gilgalchö sacrificiuta rupatsiyänäpä».
22
Samuelnam nirqan: «Tayta Dios ¿mayqantatä munan: sacrificiukunata rupatsinantsiktaku o pay ninqanta cäsunantsiktaku? «Sacrificiuta rupatsinqantsikpitapis mas allim payta cäsunqantsik. Tsaynöllam carnërupa wiranta rupatsinqantsikpitapis mas alli pay ninqanta chaskinqantsik.
23
Diosta mana cäsuq runakunaqa brüjunömi kayan. Mana wiyakuq runakunaqa ïdulukunata adoraqkunanömi kayan. Tayta Diosta mana cäsunqaykipitam qamtapis kanan cäsushunkinatsu. Tsaymi rey kaykanqaykipita jipishunki».
24
Tsaynö niptinmi Saúl nirqan: «¡Rasunpam jutsata rurarqü! Runakuna niyanqanta cäsurmi Tayta Dios nimanqantapis ni qam yätsimanqaykitapis cäsurqütsu.
25
Tsaynö jutsata ruranqäpita perdonaykallämay. Tayta Diosta adoraq aywaptï compañamay».
26
Samuelnam nirqan: «Qamwanqa manam aywätsu. Tayta Dios nishunqaykita manam cäsurquykitsu. Tsaynöllam Tayta Diospis Israel nacionpa mandaqnin rey kanaykita munannatsu».
27
Samuel aywakunanpä tumaykaptinmi tünicanpita Saúl tsariskir rachipaskirqan.
28
Tsaymi Samuel nirqan: «Tünicäta rachir pedäzuta jipinqaykinöllam qamtapis Tayta Dios Israel nacionpa mandaqnin rey kanqaykipita jipishurquyki. Rey kananpäqa qampita mas alli runatanam churanqa.
29
Ninqätaqa rasunpam Tayta Dios cumplinqa. Israel runakunata kuyaq Tayta Diosqa manam llullakuntsu. Payqa manam runatsu llullakunanpäqa».
30
Saúlnam nirqan: «Jutsatam rurarqü. Tsaynö kaptinpis Tayta Diosta adoraq aywaptï compañamay. Noqawan mana aywaptikiqa mayor runakunawan wakin runakunapis ¿imatarä yarpäyanqa?»
31
Tsaynö rugaptinmi Samuelqa Saúlwan aywarqan. Chaykurmi Tayta Diosta Saúl adorarqan.
32
Tsaypitanam Samuel nirqan: «Amalecita runakunapa mandaqnin rey Agagta pushayämuy». Pushayaptinmi manana wanunanpä kanqanta yarpar rey Agag kushishqa aywarqan.
33
Chaykuptinmi Samuel nirqan: «Warmikunapa wamrankunata wanutsiptiki wamraynaq quëdayanqannömi kanan qampa mamaykipis wamraynaq quëdanqa». Tsaynö nirmi Tayta Diospa puntanchö rey Agagta Samuel wanuskatsir pedäzu pedäzu roqurqan.
34
Tsaypitanam Samuel Ramáman aywakuptin Saúlpis Gabaaman kutikurqan.
35
Tsaypitaqa Saúlwan Samuel mananam imaypis tinkuyarqannatsu. Rey kananpä Saúlta churanqanpitam Tayta Dios pësakurqan. Tsaytam alläpa llakikur Samuel waqarqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31