bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 14
1 Samuel 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
1
Tsaypitam Saúlpa tsurin Jonatán yanapaqninta nirqan: «Aku wak tsimpaman päsashun filisteo soldädukunata atacanantsikpä». Tsaynö willanakuyanqantaqa manam papäninta willarqantsu.
2
Papänin Saúlnam kaykarqan Gabaa markapa lindërun Migrónchö kaykaq granadïlla jacha chakinchö. Tsaychömi joqta pachak (600) soldädunkunawan kaykarqan.
3
Paywanmi efodnin jatishqa Ahías sacerdötipis kaykarqan. Tsay sacerdötim Ahitobpa tsurin karqan. Ahitobnam Icabodpa wawqin karqan. Ahitobwan Icabodqa Fineespa tsurinkunam karqan. Fineesnam Elípa tsurin karqan. Sacerdöti Elíqa Siluchömi Tayta Diosta unay sirvirqan. Campamentuchö kaykaq runakunaqa manam musyayarqantsu filisteo soldädukunata atacananpä Jonatán aywanqanta.
4
Filisteo soldädukuna kayanqan kaqman Jonatán chänanpäqa wak tsimpa kay tsimpa lliwlliwyaykaq ishkay qaqakunam rakirqan. Jukaq qaqapa jutinmi karqan Boses y jukaq qaqapa jutinnam karqan Sene.
5
Jukaq qaqam Micmas lädupa karqan y jukaq qaqanam Gabaa lädupa. Micmasqa norti kaq lädupam karqan y Gabaanam sur kaq lädupa karqan.
6
Tsaymi yanapaqninta Jonatán nirqan: «Wak tsimpaman päsashun Diosman mana criyiq filisteo runakunata atacanantsikpä. Tayta Dios yanapamashqa capazchi wakillantapis wanutsishun. Pay yanapamashqaqa atskaq karpis o wallkaqlla karpis vincishunmi».
7
Tsaynö niptinmi yanapaqnin nirqan: «Yarpanqaykinö ras aywashun. Noqaqa imachöpis yanapanäpä listum kaykä».
8
Tsaymi Jonatán nirqan: «Wak tsimpaman päsaskir paykuna rikamänantsikpä alayrinman aywashun.
9
«Jinallanchö shuyäyämay» nimashqaqa jinallanchömi shuyaräshun. Manam paykuna kayanqan kaqmanqa witsäshuntsu.
10
Peru «witsäyämuy» nimashqam sïqa witsäshun. Tsaynöpam musyashun Tayta Dios yanapamashqa vincinantsikpä kanqanta».
11
Tsaynö nirmi alayrinman aywayarqan filisteo soldädukuna rikayänanpä. Paykunata rikaskirmi niyarqan: «¡Rikayay hebreo runakuna pakakuyanqan machaypita yarqayämuqta!»
12
Tsaymi filisteo runakuna qayakur niyarqan: «¡Kayman witsäyämuy yarpäyanqäta willayänäpä!» Tsaymi yanapaqninta Jonatán nirqan: «¡Aku aywashun! ¡Paykunatam Israel runakunapa makinmanmi Tayta Dios churamunqa!»
13
Tsaynö nirmi Jonatánqa makinwan y chakinwan tsarikur achpaypa witsarqan. Tsaynöllam yanapaqninpis qepanta witsarqan. Chaykurnin Jonatán qarpamuyllantam yanapaqnin wanutsirqan.
14
Tsaynö atacarmi ichik sitiullachö yanapaqninwan Jonatán wanutsiyarqan ishkay chunka (20) filisteo runakunata.
15
Tsaynö wanutsiyaptinmi campamentuchö kaqkuna, campamentupita yarqushqa kaqkuna y markakunata atacaq aywaqkunapis pasaypa mantsakäyarqan. Tsaynöllam illaqpita temblor kaptin llapanpis pasaypa mantsakäyarqan.
16
Gabaachö rikachakuq Israel soldädukunam filisteo soldädukuna wakpa kaypa cörrikachaykäyaqta rikayarqan.
17
Tsayta willayaptinmi soldädunkunata Saúl nirqan: «Watukashun mayqanpis faltaykanqanta musyanantsikpä». Tsaynö watukayaptinmi Jonatánwan yanapaqnin faltäyarqan.
18
Tsaymi sacerdöti Ahíasta Saúl nirqan: «Imata ruranantsikpäpis Tayta Diosta tapukunantsikpä babulninta apamuy». Tsay junaqmi Tayta Diospa babulnin Israel runakunawan kaykarqan.
19
Sacerdötiwan Saúl parlanqanyaqmi filisteo soldädukuna kaykäyanqanchö pasaypa bülla wiyakämurqan. Tsaynam sacerdötita Saúl nirqan: «Amana tapukushunnatsu. ¡Pelyaq ras aywashun!»
20
Tsaymi jinan höra filisteo runakunata atacayänanpä soldädunkunata pushakurkur Saúl aywarqan. Chäyänanpäqa filisteo runakuna kikinkunapura pantanakurmi wanutsinakuykäyänä.
21
Filisteo runakunawanmi wakin hebreo runakunapis kayarqan. Paykunaqa ñöpapitam filisteo soldädukunata yanapayarqan. Tsay runakunapis Saúlwan Jonatán vinciykäyanqanta rikarmi filisteo runakunata tikrapuyarqan.
22
Wakin Israel runakunanam Efraín jallqakunachö amparakushqa kaykäyarqan. Paykunapis filisteo runakuna qeshpiykäyanqanta musyaskirmi qepankunata aywar wanutsiyarqan.
23
Tsay wanutsinakuyqa karqan hasta Bet-avén markayaqmi. Tsay junaq filisteo runakunata vinciyänanpämi Israel runakunata Tayta Dios yanaparqan.
24
Pelyaman manarä aywarmi imatapis mana mikuyänanpä soldädunkunata Saúl nirqan: «Contrantsikkunata kanan tardi chipyaq manarä wanutsir imatapis mikuq kaqmi maldicionashqa kanqa». Saúl ninqanta cäsur mana mikuyaptinmi Israel soldädukunapa kallpankunapis karqannatsu.
25
Tsaypita muntipa päsarmi abëjapa mishkin patsachö kaykaqta tariyarqan.
26
Tsay muntichö abëjapa mishkin atska kaptinpis Saúl juratsinqanta mantsarmi ni mayqanpis mikurqantsu.
27
Jonatánqa papänin Saúl tsaynö juratsinqanta mana musyarmi tukrunwan abëjapa mishkinta oqtiskir mikurqan. Tsayta mikuskiptinmi pasaypa aywapakashqa kaykanqanpita kallpan yuriskirqan.
28
Mikuykaqta rikaykurmi juk soldädu nirqan: «Papänikim llapan soldädukunata juratsishqa kanan junaq imatapis mana mikuyänanpä. Tsaynöllam nishqa imatapis mikuq kaq maldicionashqa kananpä kanqanta. Tsaymi soldädukuna imatapis mana mikuyaptin kallpankunapis kannatsu».
29
Tsaynö niptinmi Jonatán nirqan: «Tsaynö juratsir llutantam papänï rurashqa. Abëjapa mishkinta mikuskiptïmi kallpä yurishqa.
30
Qamkunapis filisteo soldädukuna dëjayanqan mikuyta mikuyaptikiqa paykunata chipyaqmi ushakätsishwan karqan».
31
Mallaqaywan kallpankuna ushakashqa kaykaptinpis filisteo runakunatam Israel runakuna Micmaspita Ajalónyaq wanutsiyarqan.
32
Tsaypitanam filisteo runakunapa üshankunata, cabrankunata, wäkankunata y becërrunkunata patsallachö pishtaskir yawarnintinta mikuyarqan.
33
Tsayta rikaykurmi wakin runakuna aywar Saúlta willayarqan: «Yawarnintinta aytsata mikurmi Tayta Diosta cäsuyantsu». Tsayta wiyarmi Saúl nirqan: «¡Tsaynö rurarqa jutsatam ruraykäyan! Tsaynö kaptinqa jatun rumita tanqaypa apayämuy.
34
Tsaynölla runakunata niyanki törunkunata, üshankunata y cabrankunata apaykamur kaychö pishtaskir mikuyänanpä. Ama jutsata rurayätsuntsu yawarnintinta aytsata mikurnin». Tsaynö niptinmi törukunata y üshakunata tsay paqas apayarqan jinanchö pishtaskir mikuyänanpä.
35
Tsaychömi Tayta Diospä juk altarta Saúl rurarqan. Tsay altarmi punta kaq ruranqan altar karqan.
36
Tsaypitam Saúl nirqan: «Kanan paqas warat filisteo soldädukunata llapanta wanuskatsirmi imaykankunatapis apamushun». Tsaymi soldädunkuna niyarqan: «Taytay, llapan yarpanqaykita rurashun». Tsaynö niptinmi sacerdöti nirqan: «Manarä imatapis rurar Tayta Diosta mañakushun».
37
Tsaymi Tayta Diosta Saúl mañakur tapurqan: «¿Filisteo soldädukunata qatipäyämanku o manaku? ¿Paykunata ushakätsiyänäpä yanapayämankiku o manaku?» Tsaynö mañakuptinpis Tayta Dios tsay junaq imatapis manam nirqantsu.
38
Tsaymi soldädukunapa capitanninkunata Saúl nirqan: «Kayman llapaykikuna shäyämuy. Kananmi musyashun mayqantsik jutsata ruranqantsiktapis».
39
Qorikäyaptinnam Saúl nirqan: «Salvamaqnintsik Tayta Dios rikaykämantsikmi. Mayqantapis jutsayuq kaqtaqa tsurï Jonatán kaptinpis wanutsishämi». Tsaynö niptin soldädunkunaqa manam imatapis parlakuyarqantsu.
40
Tsaymi tsaychö kaykaqkunata Saúl nirqan: «Qamkuna washa läduchö ichïyanki. Noqanam tsurï Jonatánwan kaychö ichïyäshä». Tsaynö niptinmi soldädukuna niyarqan: «Ninqaykinö katsun».
41
Tsaypitanam Saúl mañakur nirqan: «Tayta Dios, mañakamunqäta ¿imanirtä contestamankitsu?» Suertiyaptinmi yarqamurqan Saúlpä y tsurin Jonatánpä. Tsaynöpam musyayarqan wakin runakuna jutsaynaq kayanqanta.
42
Tsaymi Saúl nirqan: «Tsurï Jonatánpä y noqapä suertiyayay». Suertiyayaptinmi yarqamurqan tsurin Jonatánpä.
43
Tsaymi Jonatánta Saúl nirqan: «Hïju, ima jutsata ruranqaykitapis willamay». Tsaymi Jonatán willarqan: «Aptaranqä tukrupa puntanwanmi ichikllata abëjapa mishkinta yawarkurqä. ¿Tsayllapitatsurä wanüman?»
44
Tsaynam Saúl nirqan: «¡Jonatán! Mana wanutsiptïqa Tayta Dios pasaypa castigamätsun».
45
Tsaynö niptinmi Israel runakuna Saúlta niyarqan: «¿Imanirtä Jonatántaqa pipis wanutsinqa? Paytam Tayta Dios yanapashqa filisteo soldädukunata vincinanpä. Tsaynöpam noqantsikpis paykunata vincirquntsik. Tsaynö kaykaptinqa manam pipis Jonatánta wanutsinmantsu». Tsaynöpam llapan runakuna Jonatánpa janan shäriyarqan mana wanutsinanpä.
46
Tsaymi soldädunkunawan Saúl manana qatikachäyaptin filisteo soldädukuna markankunapa kutikuyarqan.
47
Israel nacionpa mandaqnin rey karmi maytsaypapis soldädunkunawan Saúl Israel runakunapa contran kaq nacionkunawan pelyayänanpä aywayarqan. Tsay contran nacionkunam kayarqan Moab, Amón, Edom y Filistea nacionkuna. Tsaynöllam Sobapa mandaqnin reykunapis contran shäriyarqan. Soldädunkunawan maypa aywarpis llapantam Saúl vincirqan.
48
Tsaynöllam soldädunkunawan aywar amalecita runakunatapis vinciyarqan y asaltantikunapitapis Israel runakunata salvayarqan.
49
Saúlpa tsurinkunam kayarqan Jonatán, Isúi y Malquisúa. Mayor kaq warmi tsurinpa jutinmi karqan Merab y qepa kaq warmi tsurinpanam Mical.
50
Saúlpa warminpa jutinmi Ahinoam karqan. Payqa Ahimaaspa tsurinmi karqan. Soldädunkunapa capitanninpa jutinmi Abner karqan. Abnerpa papäninmi karqan Ner. Nerqa Saúlpa tiyunmi karqan.
51
Saúlpa papänin Cis y Abnerpa papänin Nerqa Abielpa tsurinkunam kayarqan.
52
Saúl rey kanqan witsanmi filisteo runakunawan imaypis guërra karqan. Tsaymi allinnin kaq jövinkunataqa soldädun kayänanpä llapanta Saúl qorirqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31