bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 25
1 Samuel 25
Quechuan QXO (Biblia en Quechua del sur de Conchucos)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Samuel wanuskiptinnam llapan Israel runakuna qorikaykur waqarnin täkunqan Ramá markanchö pampayarqan. Tsaypitanam Davidqa Parán desiertuman aywakurqan.
2
Maón partichömi Nabal jutiyuq rïcu runa tarqan. Paypam kimsa waranqa (3,000) üshankuna y waranqa (1,000) cabrankuna karqan. Carmel marka lädupa majädan kaptinmi millwata rututsinanpä tsayman aywarqan.
3
Nabalqa Caleb castam karqan. Payqa mana tantiyakuq y mana alli runam karqan. Peru warmin Abigailmi sïqa kuyayllapä y tantiyakuq karqan.
4
Carmelchö üshankunata Nabal rutuykätsinqanta musyaskirmi
5
chunka yanapaqninkunata qayaykur David nirqan: «Carmelman aywaykur Nabalta jutïchö saludar
6
niyanki: «Castaykita y qamtapis Tayta Dios yanapaykuyälläshuy. Tsaynölla llapan aruynikikunachö yanapaykulläshuy.
7
Tayta Nabal, üshaykita rutuykätsinqaykitam David musyashqa. Carmel partichö üsha mitsiqnikikuna noqakunawan kayanqan witsan manam paykunapa imantapis yatapäyarqütsu ni rabyanätsiyarqütsu.
8
Sirvishuqnikikunata tapuptikipis niyanqänöllam niyäshunki. Davidqa kuyay tsurikinöshi kaykan. Tsaymi fiestachö kaykäyanqaykita musyar rugakushurniki mandayämashqa voluntänikipita imallatapis apatsiyämänaykipä».
9
David tsaynö yätsiskiptinmi yanapaqninkuna Nabal kaqman chaykur ninqannölla willayarqan. Tsaypitanam imata ninantapis shuyaräyarqan.
10
Nabalnam nirqan: «¿Pitä tsay Davidqa? ¿Pitä Isaípa tsurinqa? Payqa patronninpita qeshpiykurmi tsaynö puriykan. Kanan witsanqa sirviqkuna atskaqmi tsaynö puriyan.
11
Üsha rutuqnïkunallapämi tantata ruratsirqü, yakuta alistaparqü y aytsata kusinakatsirqü. Mana reqinqä purikuq runakunataqa imatapis manam qarämantsu».
12
Tsaynö niptinmi Davidpa yanapaqninkuna jinaylla kutikuyarqan. Chaykurnam Nabal imata ninqankunatapis willayarqan.
13
Tsaymi David pasaypa rabyarnin espädanta alistakuskir paywan kaykaq runakunata nirqan: «¡Llapaykikuna espädaykikunata alistakuyay!» Tsaypitanam chusku pachak (400) runakunawan Nabal kaqman David aywarqan. Ishkay pachak (200) runakunanam campamentuta cuidar quëdayarqan.
14
Tsayman aywaykäyanqanta musyaskirmi Nabalpa juk sirviqnin Abigailta nirqan: «Desiertupitam willakuqninkunata David mandamushqa patronnïta saludayänanpä. Paykunatam patronnï pasaypa rabyar ollqutupashqa.
15
Mitsikur puriyaptï paykunaqa allim yanapayämashqa. Manam rabyatsiyämashqatsu ni imäkunatapis qechuyämashqatsu.
16
Tsaypa rantinqa junaqpa paqaspapis imapis mana päsayämänanpämi noqakunata y üshäkunata cuidayämashqa.
17
Capazchi patronnïtapis noqantsiktapis David ushakätsimäshun. Runaykiqa malgeniu karmi imata nishqapis cäsumäshuntsu. Kananqa shumaq yarpachakuy imata ruranaykipäpis».
18
Tsaynö willaptinmi Abigailqa ras alistarqan ishkay pachak (200) tantata, ishkay uyllu vïnuta, pitsqa kankashqa üsha aytsata, kimsa arröba pullan trïgu kamtsata, pachak (100) päsas tantata y ishkay pachak (200) hïgus tantata. Tsaynö alistaskirmi ashnukunaman chaqnakurqan.
19
Tsaypitam sirviqninkunata nirqan: «Cargakunata qatirkur puntayay. Jikpallaykikunatanam shamushä». Tsaykunataqa runan Nabalta mana willallarmi rurarqan.
20
Ashnun muntashqa pakayllapa jallqapita uraykämurmi Abigail rikarqan runakunata pushashqa David shamuykaqta.
21
Davidnam yarpachakur aywaykarqan: «Wallällachi desiertuchö Nabalpa imaykantapis mana yataypa cuidarqü. Nabalqa malgeniu karmi tsaynö yanapaykaptïpis yanapamayta munantsu.
22
¡Nabalwan kaykaq llapan runakunata waray wäray mana wanutsiptïqa Tayta Dios pasaypa castigamätsun!»
23
Davidwan tinkuskirnam Abigailqa ashnunpita yarpuskir urkunpis patsaman töpanqanyaq Davidpa puntanman qonqurikuykurqan.
24
Tsaynö qonqurikuykurmi nirqan: «Taytay, runä mana yarpachakuypa llutanta parlanqanpita perdonaykallämay. Kanan rugakunqäta wiyaykallämay.
25
Nabalqa jutinmanmi malgeniu. Payqa imaypis llutankunatam parlan. Taytay, payta ama cäsuytsu. Noqaqa mandamunqayki runakunata manam rikarqütsu.
26
«Tayta Dios manam munashqatsu llapäkunata wanutsiyämänaykita. Nabalta castigananpä kanqannölla llapan chikishuqnikikunatapis Tayta Dios castigaykullätsun.
27
Taytay, kay apamunqä mikuyta compañashuqniki runakunawan mikurkuyällay.
28
Tsaynölla noqatapis perdonaykallämay. Tayta Dios raykur pelyar purinqaykipitam Israel runakunapa mandaqnin rey kanki. Qampita miraqkunapis reymi kayanqa. Kawanqaykiyaqqa manam pipis yatayllapis yatashunkitsu.
29
Pipis wanutsishunaykipä qatikachäshuptikiqa Tayta Diosmi tsapäshunki. Warakawan rumita warakaqnömi chikishuqniki runakunata jukläman qarqunqa.
30
Tayta Dios awnishunqaykita cumplirmi Israel runakunapa mandaqnin rey kanaykipä churashunki.
31
«Kanan noqakunata wanutsiyämarqa rey kayman yaykurmi pësakur ninki: «¿Imanirtä tsay runakunata wanutsirqü? ¿Imanirtä shuyarqütsu kikin Tayta Dios paykunata juzgananpä?» Taytay, rey kanaykipä Tayta Dios churashuptiki noqallätapis yarpaykallämanki».
32
Davidnam nirqan: «¡Israel runakunapa Tayta Diosnin alabashqa kaykullätsun! Paymi kanan tinkunantsikpä mandamushurquyki.
33
Runakunata mana wanutsinäpämi kanan junaq tsapämarquyki. Tayta Diospa makinman dëjanäpa rantin runakunata wanutsirqa llutantam ruräman karqan. Alli yarpayyuq kanqaykipita Tayta Dios yanapaykulläshuy.
34
Ras mana shamuptikiqa Nabalpa castan kaqtaqa llapantam wanushqata warätsimüman karqan. Tayta Diosmi mandamushurquyki qamkunata mana wanutsiyänäpä».
35
Abigail apanqankunata chaskiskirmi David nirqan: «Kananqa mana llakikuypana wayikipa kutikuy. Runaykita manam wanutsishänatsu».
36
Tsaypita Abigail wayinman kutinanpämi alli allillata kusinaskatsir reynörä fiestata Nabal ruraykänä. Pasaypa machashqa kaptinmi Abigail waraynin wärayyaq imatapis willarqantsu.
37
Waraynin wäray machanqanpita sänaskiptinnam ima päsanqantapis willarqan. Tsayta willaykuptinmi Nabalta atäqui tsariskirqan.
38
Tsaypita chunka junaqllatanam Tayta Diospa castïgunwan wanukurqan.
39
Nabal wanunqanta musyaskirmi David nirqan: «¡ Tayta Dios alabashqa kaykullätsun! Paymi tsapämashqa Nabalta wanutsir jutsata ruranäpä kanqanpita. Manakaqman churamanqanpitam kikin Tayta Dios wanutsishqa». Tsaypitanam Abigailta warminpä qoriyta munar yanapaqninkunata David mandarqan yarpanqanta willayänanpä.
40
Carmel partiman chaykurmi Abigailta niyarqan: «Davidmi warmin kanaykipä qorikushuynikita munan».
41
Tsaynö willayaptinmi urkunpis patsaman chanqanyaq Abigail qonqurikuykur nirqan: «Tayta David tsaynö niptinqa sirviqninkunapa chakin mayllaqllanpis kashächi».
42
Tsaynö nir ras alistakuskirmi ashnunta muntakurkur y pitsqa sirviqnin jipashkunata pushakurkur Davidpa yanapaqninkunawan Abigail aywarqan. Tsaynöpam Davidpa warminna karqan.
43
Tsaynöllam Jezreel markapita Ahinoam warmiwanpis David tarqan.
44
Davidpa warmin Micaltanam papänin Saúl casaratsirqan Laispa tsurin Paltiwan. Paltiqa Galim markapitam karqan.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31