bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 20
1 Samuel 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Tsaypitanam Ramá cercan Naiot markapita David qeshpir Jonatán kaqman chaykur nirqan: «¿Ima jutsatatä rurarqü? ¿Imachötä papänikita rabyanätsirqü wanutsimayta munananpä?»
2
Jonatánnam nirqan: «¡Manam wanutsishunkitsu! Papänïqa imata rurananpä kaqtapis willamanrämi. Wanutsishuynikita munarqa ¿imanirrä willamashqatsu? Payqa manam wanutsishunkitsu».
3
Peru Davidnam nirqan: «Kuyanakunqantsikta musyarmi llakikunaykita mana munar papäniki willashurquykitsu. Tayta Diospis musyanmi awja puntallapana qeshpimunqäta».
4
Tsaynö niptinmi Jonatán nirqan: «Tsaynö kaptinqa qamta yanapanäpä ¿imatatä ruräman?»
5
Tsaymi David nirqan: «Waraymi llullu killa fiesta kanqa. Tsay fiestachöqa imaypis papänikiwanmi mësachö jamakuq kä. Warayqa manam fiestaman aywashätsu. Tsaypa rantinmi chakraman aywaykur warantin tardiyaq pakaräshä.
6
Fiestachö papäniki noqapä tapushuptikiqa ninki: «Belénchöshi castankuna cada wata fiestata rurar sacrificiuta rupatsiyan. Tsayman aywananpämi permïsuta mañakamashqa».
7
«Allim aywashqa» nishuptikiqa manam mantsarishänatsu. Rabyaptinmi sïqa qampis musyanki rasunpa wanutsimayta munanqanta».
8
Mastam David nirqan: «Imaypis yanapanakunapämi Tayta Diospa puntanchö pactuta rurarquntsik. Tsaymi kanan rugä jutsata rurashqa kaptïqa kikiki wanutsimänaykipä. Ama papänikimanqa apamaytsu».
9
Jonatánnam nirqan: «¡Tsaykunata ama yarpaytsu! Papänï wanutsishunaykipä yarpanqanta musyarqa imanöpapis willashaykim».
10
Tsaymi David nirqan: «¿Pirä willamanqa papäniki imatapis rabyar nishunqaykita?»
11
Jonatánnam nirqan: «Aku chakrapa aywashun». Tsaynö nirmi ishkan aywayarqan.
12
Chakraman chaykurnam Jonatán nirqan: «Yärakunqantsik Tayta Diospa jutinchömi awnï papänï imata yarpanqantapis waray o warantin kaynö höra qamta musyatsinäpä. Qampä mana rabyaptinqa jukllam willatsimushayki.
13
Tsaynöllam rabyar contrayki parlaptinqa ayqikunaykipä willatsimushayki. Mana willakatsimuptïqa Tayta Dios castigamätsun. Papänïta yanapanqannölla qamtapis Tayta Dios yanapaykulläshuy».
14
Mastam Jonatán nirqan: «Kawaykaptïräqa Tayta Dios kuyapäshunqaykinö noqatapis kuyapaykallämanki.
15
Tayta Dios contraykikunata ushakätsiptinpis castäkunata kuyapaykullanki.
16
Llapan contrayki kaqtaqa Tayta Dios juzgar chipyaq ushakätsitsun». Tsaynö nirmi Davidwan Jonatán pactuta rurayarqan awninakuyanqanta imaypis cumpliyänanpä.
17
Tsaypitam Davidta pasaypa kuyarnin imaypis mana dëjanakuyänanpä yapay awninakuyarqan.
18
Tsaymi Jonatán nirqan: «Waray junaq llullu killa fiestachö mikuy höra jamakunqaykichö mana kaptikim papänï watukashunki.
19
Warantin junaqna puntata pakakunqaykiman aywar Ezel rumi waqtallanman pakakunki.
20
Tsayman shamuykurmi yachakuq tumpalla kimsa kuti flëchamushä pakaraykanqayki läduman.
21
Tsaypitanam pushamunqä sirvimaqnïta tsay flëchamunqäkunata qorimunanpä nishä. «Flëchakuna kaylächömi kaykan; tsayta qorimuy» niptïqa mana mantsariypa yarqamunki. Tayta Diospa jutinchömi awnï imapis mana päsashunaykipä kanqanta.
22
Peru «mas washa läduchömi flëcha kaykan» niptïqa musyanki aywakunaykipä Tayta Dios munanqanta.
23
Kanan parlanqantsikta cumplinantsikpämi Tayta Dios testïgu kaykan».
24
Tsay willanakuyanqannöllam David aywar pakakurqan. Waraynin junaq llullu killa kaptinmi fiestata rurar rey Saúl mikunanpä jamakurqan.
25
Costumbrin kanqannömi Saúlqa pirqa kaq lädupa jamakurqan. Jonatánnam jamakurqan Saúlpa frentinman. Abnernam jamakurqan Saúlpa lädunman. Peru David jamakunan kaqmi sïqa jäkurqan.
26
Tsay junaqmi Saúl yarpayllanchö nirqan: «Davidtaqa imallapis päsashqam kanqa. Tsaychi impüru kar shamunrätsu».
27
Waraynin junaqpis Davidta mana rikarmi Jonatánta tapur nirqan: «¿Imanirtä qanyanpis ni kananpis Isaípa tsurin mikuq shamushqatsu?»
28
Jonatánnam nirqan: «Belénman aywananpämi permïsuta mañakamashqa.
29
Tsaychöshi castankuna sacrificiuta rupatsir fiestata ruraykäyan. Tsay fiestachö kananpäshi wawqin qayatsishqa. Tsaynöllam nimashqa tsayman aywaqnölla castankunata watukananpä kanqanta. Papä, tsaynöpam mikuq shamushqatsu».
30
Tsaynö niptinmi Saúl pasaypa rabyarnin nirqan: «¡ Supaypa wachanqan! Isaípa tsurinwan pasaypa kuyanakuyanqaykita ¿mana tantiyanqätaku yarpanki? Tsaynö karqa penqakuypämi kaykanki. Mamaykitapis penqakuymanmi churaykanki.
31
David kawanqanyaqqa manam imaypis rey kankitsu. ¡Maypitapis wanutsinäpä ras apamuy!»
32
Tsaymi Jonatán nirqan: «¿Ima jutsatatä rurashqa wanutsinaykipä?»
33
Tsaynö niptinmi pasaypa rabyarnin tsurin Jonatán jananpa lanzanta Saúl jitaskirqan. Tsaynö ruraptinmi Jonatán tantiyarqan rasunpa Davidta wanutsiyta munanqanta.
34
Tsaymi pasaypa rabyarnin mikuytapis dëjaskir mësapita shärirkur aywakurqan. Davidpä tsaynö juraptinmi pasaypa llakikurqan.
35
Waraynin wäraynam willanakuyanqannölla David pakaraykanqan kaqman Jonatán aywarqan. Tsayman aywarmi juk sirviqnin jövinta pusharqan.
36
Tsaymi tsay sirviqninta nirqan: «Ayway flëchanqä flëchakunata qorimunaykipä». Tsaynö niptinmi tsay sirviqnin cörrirqan qorimunanpä. Tsaymi jövin jananpa flëcharqan mas washa läduman chänanpä.
37
Flëcha jitanqan kaqman chaykaptinnam Jonatán qayakur nirqan: «¡Mas washachörämi flëcha kaykan!»
38
Tsaypitanam Jonatán yapay nirqan: «¡Mana ichiypa ras cörrilla ayway!» Niptinmi sirviqnin qoriskamur flëchakunata Jonatánman aparqan.
39
Tsay sirviqninqa imanir tsaynö ninqantapis manam tantiyarqantsu. Tsaytaqa Jonatánwan Davidllam musyayarqan.
40
Tsaypitanam sirviqnin jövinta flëchankunata aptarkatsir markapa kutikunanpä mandarqan.
41
Sirviqnin aywaskiptinnam pakaraykanqanpita David yarqaskamur Jonatánpa puntanman kimsa kuti qonqurikuykurqan urkunpis patsaman töpanqanyaq. Tsaypitam ishkan makallanakurkur waqayarqan. Davidmi Jonatánpitapis mas waqarqan.
42
Tsaymi Davidta Jonatán nirqan: «Ama llakikuytsu. Imaypis kuyanakunantsikpämi Tayta Diospa jutinchö awninakurquntsik. Noqantsikpis wamrantsikkunapis mana cumplishqaqa Tayta Diosmi juzgamäshun». Tsaynö willanakurnin despidinakuskirmi David aywakurqan y Jonatánpis markaman kutikurqan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31