bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 13
1 Samuel 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
1
Israel runakunata mandayta qallanqan witsan Saúlqa yashqa runanam karqan. Ishkay wata mandaq kaykarmi
2
Israel runakunapita kimsa waranqata (3,000) soldädunkuna kayänanpä akrarqan. Mana akranqan runakunatam nirqan wayinkunapa kutikuyänanpä. Tsay kimsa waranqa akranqan soldädukunapitam ishkay waranqata (2,000) akrarqan Micmaschö y Bet-el jallqachö kikinwan quëdayänanpä. Waranqa (1,000) soldädukunatanam mandarqan Benjamín trïbu runakuna täyanqan Gabaa markaman Jonatánwan aywayänanpä.
3
Soldädunkunawan Gabaaman Jonatán chaykurmi filisteo runakunapa cuartelninta atacar soldädukunata wanutsiyarqan. Tsaynö vinciyanqanta musyaskirmi Filistea nacionchö täraq runakuna pasaypa rabyakuyarqan. Filisteo runakuna atacayänanpä kanqanta musyarmi hebreo runakuna qorikäyänanpä cornëtata entëru Israel nacionchö Saúl tukatsirqan.
4
Cada markachö qorikäyaptinmi willayarqan filisteo soldädukunata Jonatán wanutsinqanta. Tsaynöllam filisteo runakuna pasaypa rabyar shamuykäyanqanta willayarqan. Tsaymi filisteo soldädukunawan pelyayänanpä Israel soldädukuna Gilgal markaman Saúlwan qorikäyarqan.
5
Tsaynöllam filisteo runakunapis Israel runakunawan pelyayänanpä qorikäyarqan. Filisteo runakunapam kimsa chunka waranqa (30,000) carrëtankuna y joqta waranqa (6,000) caballun muntashqa soldädunkuna kayarqan. Chakillapa aywaq soldädukunanam lamar kuchunchö arënanörä yupaytapis mana atipaypä kayarqan. Paykunam Micmaschö qorikäyarqan. Micmasqa Bet-avén rupay yarqamunan kaq lädupam karqan.
6
Tsaymi Israel runakuna pasaypa mantsarirnin pakakuyarqan machaykunaman, raqrakunaman, qaqakunaman, zanjakunaman y tsaki pözukunamanpis.
7
Wakin kaqnam qeshpir Jordán mayuta päsar Gad partipa y Galaad partipa aywayarqan. Peru Saúlqa Gilgalchömi soldädunkunawan quëdayarqan. Tsaychö quëdarmi soldädunkunaqa pasaypa mantsariyarqan.
8
Puntatam Samuelwan willanakushqa kayarqan qanchis junaq tsaychö payta shuyänanpä. Qanchis junaq Saúl shuyaraptinpis Samuelqa manam Gilgalman charqantsu. Tsaymi runakuna qoyay qoyay qeshpiyaptin
9
Saúl nirqan: «Ashmakunata apayämuy rupatsina sacrificiuta y alli päsakuy sacrificiuta rupatsinantsikpä». Ashmakunata apayaptinmi pishtaskatsir rupatsina sacrificiuta kikin Saúl rupatsirqan.
10
Sacrificiuta rupatsir ushaykaptinnam Samuel charqan. Chaykaqta rikaykurmi Saúl aywarqan Samuelta saludananpä.
11
Tsaymi Samuel nirqan: «¿Imanirtä sacrificiuta rupatsirquyki?» Saúlnam nirqan: «Jitapämanqayki junaq mana chämuptikim y runakuna jaqiramar aywakuyaptinmi tsaynö rurarqü. Filisteo runakunam Micmaschö qorikashqa kaykäyan atacayämänanpä.
12
Tayta Diosta manarä mañakuptï atacayämänanpä kanqantam yarparqü. Tsaymi mana chämuptiki sacrificiuta kikïna rupatsirqü».
13
Tsaynö niptinmi Samuel nirqan: «Llutantam rurarquyki. Tayta Diosta cäsuptikiqa qampita miraqkunallam Israel runakunapa mandaqnin rey kanman karqan.
14
Payta mana cäsunqaykipitam juk runatana akranqa Israel runakunapa mandaqnin rey kananpä. Tsay runaqa Tayta Dios munanqannömi kawanqa».
15
Tsaynö niskirmi Gilgalpita Samuel aywakurqan. Saúlnam soldädunkunata pushakurkur Benjamín trïbu runakuna täyanqan Gabaa markaman aywarqan. Tsaychö soldädunkunata yupaptinmi joqta pachakllana (600) kayarqan.
16
Saúl y tsurin Jonatánmi Gabaachö campamentunkuna rurayarqan. Filisteo soldädukunam Micmaschö campamentunkuna rurayarqan.
17
Filisteo soldädukunam kimsa grüpuman rakikaykur Micmaschö campamentunkunapita yarquyarqan Israel runakuna täyanqan markakunata ushakätsiyänanpä. Juk grüpum Sualchö kaykaq Ofra marka lädupa aywayarqan.
18
Juk grüpum Bet-horón lädupa aywayarqan y jukaq grüpunam Zeboim raqra janan desiertu lädupa aywayarqan.
19
Israel runakunata poderninchö tsarararmi filisteo runakuna dëjayarqantsu ni jukllayllapis herrëru kananta. Tsaynö dëjayarqantsu espädakunata ni lanzakunata rurayänanta mana munarmi.
20
Tsaymi Israel runakunaqa filisteo runakunamanrä aywayaq planchankunata aguzatsiyänanpä y lampankunata, jächankunata y ösinkunata afilatsiyänanpä.
21
Planchata y lampata aguzayanqanpitam puwaq grämu qellayta cobrayaq. Jächata y ayjata afilayanqanpitanam chusku grämu qellayta cobrayaq.
22
Tsaynöpam filisteo soldädukunawan pelyayanqan junaq Israel soldädukunapa ni mayqanpapis espädan ni lanzan karqantsu. Saúlpa y Jonatánllapam karqan.
23
Juk grüpu filisteo soldädukunam Israel runakunata tsapäyänanpä Micmas raqraman aywayarqan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31