bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 23
1 Samuel 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Tsaypitanam David musyarqan filisteo runakuna Keila markata atacar tsayrä trillayanqan trïguta qechur apayanqanta.
2
Tsaymi Tayta Diosta tapur nirqan: «¿Taytay, filisteo runakunawan pelyaq aywämanku?» Tsaymi Tayta Dios nirqan: «Aywayay filisteo runakunata atacar Keila markata salvayänaykipä».
3
Tsaynö ninqanta willaptinmi Davidta yanapaq runakuna aywayta mana munar niyarqan: «Kay Judáchö mantsariykarqa ¡masrächi mantsarishun Keila markaman aywar filisteo runakunapa soldädunkunawan pelyayta!»
4
Tsaymi David yapay Tayta Diosta mañakur tapuptin nirqan: «Keila markaman aywayay. Filisteo runakunata vinciyänaykipä noqam yanapayäshayki».
5
Tsaynö niptinmi yanapaqnin runakunawan Keila markaman David aywarqan. Tsaychömi filisteo runakunata vincir Keila markachö täraq runakunata David salvarqan. Tsaynöllam filisteo runakunapa ashmankunatapis apakuyarqan.
6
Ahimelecpa tsurin Abiatarmi efodta apakurkur Keila markachö David kaqman Saúlpita qeshpir aywarqan.
7
Keila markachö David kaykanqanta musyaskirmi Saúl kushikur nirqan: «Davidqa corralashqa markachö kar manam maypapis qeshpinqatsu. Tsaynöpam makïman Tayta Dios churamushqa».
8
Tsaymi jinan höra Saúl mandarqan llapan soldädunkunata Keila markaman aywaykur yanapaqninkunatawan Davidta corralaskir prësu tsariyänanpä.
9
Soldädunkunata Saúl mandanqanta willaptinmi sacerdöti Abiatarta David nirqan: «Efodta apamuy».
10
Apapaykuptinmi Tayta Diosta David tapur nirqan: «Israel runakunata kuyaq Tayta Dios, wiyarqümi Saúl shamur kay markata ushakätsinanpä kanqanta. Kaychö kanqäta musyarmi tsaynö yarpan.
11
¿Rasunpatsurä willayämanqannö kay markaman Saúl shamunqa? ¿Kaychö täraq runakuna makinmantsurä entregayämanqa? Tayta Dios, imanö kananpä kaqtapis willaykallämay». Tsaymi Tayta Dios nirqan: «Rasunpam Saúl shamunqa».
12
Tsaynö niptinmi yapay David tapurqan: «¿Yanapamaq runakunatawantsurä Keila marka runakuna Saúlpa poderninman entregayämanqa?» Tsaynö niptinmi Tayta Dios nirqan: «Awmi, entregayäshunkim».
13
Tsaynö niptinmi yanapaqnin runakunawan tsay markapita David aywakur jallqan jallqan puriyarqan. Yanapaqnin runakunaqa joqta pachakmi (600) kayarqan. Aywakuyanqanta musyaskirmi Saúlqa Keila markaman aywarqannatsu.
14
Tsaynöpam Zif niyanqan desiertuman chaykur yanapaqninkunawan qaqakunachö y machaykunachö David täkurqan. Tayta Dios tsapaptinmi qoyay qoyay ashirpis Saúl tarirqantsu.
15
Zif desiertu Horeschö kaykarmi David Saúl wanutsinanpä aywaykanqanta musyaskirqan.
16
Saúlpa tsurin Jonatánnam David kaqman aywaykur valuratsirqan Tayta Diosman imaypis yärakunanpä.
17
Tsaymi nirqan: «Ama mantsariytsu. Mayjina ashishurnikipis papänï manam tarishunkitsu. Israel runakunapa mandaqnin rey kaptikim noqa yanapashayki. Tsaytaqa papänïpis musyanmi».
18
Tsay junaqmi Tayta Diospa jutinchö pactuta yapay rurayarqan imaypis yanapanakuyänanpä. Tsaypitam Jonatánqa wayinpa kutikurqan y Davidnam Horeschö quëdakurqan.
19
Tsaypitanam Zifchö täraq runakuna Gabaa markaman aywaykur Saúlta willar niyarqan: «Haquila jirkachö Hores qaqakunachömi David pakaraykan. Tsayqa desiertupita sur kaq lädupam kaykan.
20
Taytay, munanqayki höra soldäduykikunawan shayämuy. Shayämuptikiqa tsay runata tsariyiyäshaykim».
21
Saúlnam nirqan: «Kuyapäyämanqaykipita Tayta Dios yanapaykuyälläshuy.
22
Tsay runa alläpa astütu kanqantam niyämashqa. Tsaynö kaptinqa aywayay pï rikanqanta y mayninchö pakaranqanta shumaq musyayämunaykipä.
23
Mayninchö pakaranqantapis shumaq rikapakaskamur willayämaptikim qamkunawan tsarimunäpä aywashä. Judá partichö rasunpa kaptinqa kuchu kuchum tarinqäyaq ashishä».
24
Tsaypitanam Zifchö täraq runakuna Saúl kaqpita markankunaman kutikuyarqan. Davidnam yanapaqnin runakunawan Maón desiertupita sur kaq läduchö kaykäyarqan. Tsayqa Arabá pampachömi kaykan.
25
Yanapaqnin runakunawan Saúl aywaykäyanqanta musyaskirmi Maón desiertuchö kaykaq jatun qaqaman pakakunanpä David aywarqan. Tsayta musyaskirmi Saúlpis Davidta qatipar tsayman aywarqan.
26
Tsaymi jirka washa waqtanpa Saúl aywaptin Davidqa yanapaqninkunawan kay waqtanpa qeshpiyarqan. Saúlnam soldädunkunawan Davidta tsariyänanpä jiruruypa tsapaskiyarqan.
27
Tsayman juk willakuq chaykurmi Saúlta nirqan: «¡Taytay, ras kutiy! ¡Filisteo runakunam nacionnintsikman yaykayämushqa!»
28
Tsaynö niptinmi Davidta manarä tsarir filisteo runakunata atacayänanpä soldädunkunawan aywakuyarqan. Tsay junaqpitam tsay qaqapa jutinta churayarqan Sela-hama-lecot.
29
Davidnam tsaypita aywakur En-gadichöna pakakurqan.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31