bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 11
1 Samuel 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
1
Amonita runakunapa mandaqnin rey Nahasmi soldädunkunata qoriskir Galaad partichö Jabes markaman Israel runakunata atacaq aywayarqan. Tsayman chaykuyaptinmi Jabes runakuna niyarqan: «Atacayämänaykipa rantin pactuta rurashun podernikichö kayänäpä».
2
Tsaymi rey Nahas nirqan: «Qamkunawanqa pactuta rurashä llapaykipa derëcha kaq ñawikikunata jipiskirrämi. Tsaynöpam llapan Israel runakunata manakaqman churashä».
3
Tsaynö niptinmi Jabes mayor runakuna niyarqan: «Qanchis junaqyaq shuyaykayämay ninqaykikunata entëru Israel nacionman willakatsiyanqäyaq. Tsaypita yanapayämänanpä pipis mana shamuptinqa niyanqaykinöchi kanqa».
4
Tsaynö niyanqanta Nahas awniptinmi willakuqninkunata mandayarqan. Saúl tanqan Gabaa markaman chaykur willakuyaptinmi llakikur llapan waqayarqan.
5
Saúlnam chakranchö arunqanpita törunkuna qatishqa charqan. Runakuna waqaykaqta tarirmi tapurqan: «¿Imanirtä waqaykäyanki?» Tsaynö tapuptinmi Jabes runakuna niyanqanta willayarqan.
6
Willayaptinmi Tayta Diospa Espïritun Saúlta valuratsirqan mana mantsariypa amonita runakunawan pelyananpä. Tsaymi pasaypa rabyarnin
7
ishkay törukunata pishtaskir pedäzu pedäzu roqurqan. Tsaytanam willakuqkunawan entëru Israel nación markakunaman apatsirqan. Tsay markakunaman chaykurmi niyarqan: «Mayqaykikunapis Saúlta y Samuelta pelyayiq mana aywayaptikiqa qamkunapa töruykikunatapis kaynömi pedäzu pedäzu roqunqa». Tsaynö niyanqanta wiyarmi Israel runakuna pasaypa mantsarir pelyar yanapayänanpä Bezecchö llapan qorikäyarqan.
8
Bezecchö qorikaq runakunata Saúl yupaptinmi kimsa pachak waranqa (300,000) Israelpita kayarqan y kimsa chunka waranqa (30,000) Judápita kayarqan.
9
Tsaypitanam Jabesman kutiyänanpä willakuq aywaqkunata Saúl nirqan: «Jabes runakunata willayay waray manarä pullan junaq kaptin salvanäpä kanqanta». Tsay willakuq runakuna kutiykur willakuyaptinmi Jabes runakuna pasaypa kushikuyarqan.
10
Tsaypitanam amonita runakunapa mandaqnin rey Nahasta niyarqan: «Waray junaqmi shäyämushä ñawïkunata jipiyänaykipä».
11
Tsaymi waraynin junaq soldädunkunata kimsa grüpuman Saúl rakirqan. Patsa manarä waraptinmi tsay kimsa grüpu soldädukuna amonita runakunaman illaqpita yaykuskir wanutsiyarqan pullan junaqyaq. Mana wanutsiyanqan kaq amonita runakunam wakpa kaypa mashtakaypa mashtakar qeshpiyarqan.
12
Tsaynö vinciskirmi Israel runakuna Samuelta niyarqan: «¿Pitä criyirqantsu Saúl mandamaqnintsik rey kananpä kanqanta? Tsay runakuna pï kayanqantapis willayämay wanutsiyänäpä».
13
Tsaynö niyaptinmi Saúl nirqan: «Kanan junaq Tayta Dios Israel runakunata salvashqa kaykaptinqa manam pipis wanunqatsu».
14
Tsaypitam llapan runakunata Samuel nirqan: «Gilgal markaman aku aywashun rey kayninta Saúl qallananpä».
15
Tsaynö niptinmi llapan runakuna Gilgalman aywayarqan. Alli päsakuy sacrificiuta rupatsirmi Tayta Diospa puntanchö Saúlta churayarqan rey kananpä. Tsaymi fiestata rurar llapanpis kushikuyarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31