bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 4
1 Samuel 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
1
Samuelqa Tayta Dios ninqankunatam llapan Israel runakunata willaq. Tsay witsanmi Israel runakuna filisteo runakunawan pelyayänanpä Eben-ezer cercanchö campamentunkuna rurayarqan. Filisteo soldädukunanam Afecman aywaykur campamentunkuna rurayarqan.
2
Tsaychömi filisteo soldädukuna atacarnin Israel runakunata vincir chusku waranqatanö (4,000) wanutsiyarqan.
3
Israel runakuna pelyayanqanpita campamentunkunaman kutiyaptinmi mayor runakuna niyarqan: «¿Imanirtä Tayta Dios permitishqa filisteo runakuna vincimänantsikpä? Yapay mana vincimänantsikpä Tayta Diospa Pactu Babulninta Silo markapita apamushun. Tsaynöpam Tayta Dios noqantsikwan kar contrantsikkunata vincinantsikpä yanapamäshun».
4
Tsaymi runakunata mandayarqan llapanta mandaq Tayta Diospa Pactu Babulninta Silupita apayämunanpä. Babul jananchö kaykaq ishkay querubín chawpinchömi Tayta Diospa trönun kaykan. Pactu Babulta apayämuptinmi Elípa tsurinkuna Ofni y Fineespis compañar aywayarqan.
5
Tayta Diospa Pactu Babulninta campamentuman chaykatsiyaptinmi Israel runakuna kushikuypita pasaypa qayaräyarqan qaqakunapis yachapanqanyaq.
6
Tsaynö qayaräyanqanta wiyarmi filisteo soldädukuna niyarqan: «Hebreo runakuna campamentunkunachö ¿imanirtä pasaypa büllata ruraykäyan?» Tayta Diospa babulninta campamentuman chätsiyanqanta musyaskirmi
7
filisteo runakuna pasaypa mantsarir niyarqan: «¡Kayrächi kayllaqa! ¡Israel runakunapa Diosninmi campamentunkunaman chashqa! Kananqa ¡imanörä kaykulläshun! ¡Israel runakunapa Diosnin manam imaypis shamushqatsu contrantsik pelyananpä!
8
¿Imanöparä poderösu Diosninpa poderninpita qeshpiykulläshun? Paymi imaykaläya desgraciawan Egipto runakunatapis desiertuchö ushakätsirqan.
9
Taytakuna, tsaynö kaptinpis valorta tsarir mana mantsariypa pelyashun. Paykunata mana vincishqaqa mananam sirvimaqnintsiknatsu kayanqa, sinöqa noqantsiknam paykunapa sirviqninkuna kashun. Tsaynö mana kanantsikpä tseqllata chachak wachakakurkur pelyashun».
10
Filisteo soldädukuna vinciyaptinmi Israel runakuna campamentunkunaman qeshpir kutikuyarqan. Tsay pelyachömi Israel runakunata filisteo soldädukuna wanutsiyarqan kimsa chunka waranqa (30,000) soldädukunata.
11
Vinciskirmi Tayta Diospa babulninta qechuskir Elípa tsurinkunata Ofnita y Fineesta wanutsiyarqan.
12
Benjamín trïbupita juk runa pelyapita qeshpirmi tsay junaqlla Silo markayaq charqan. Paymi pasaypa llakikurnin röpanpis rachishqa y umanpis allpallana charqan.
13
Chänanpämi Elíqa nänipa rikachakurnin Tayta Diospa babulninpä pasaypa llakikurnin jamaraykarqan. Markaman tsay runa chaykur pelyachö ima päsanqantapis willaptinmi llapankuna qayarayparä waqayarqan.
14
Waqaykäyanqanta wiyarmi Elí tapurqan: «¿Imanirtä runakuna waqaykäyan?» Tsaynam tsay aywaq runa ima päsanqantapis willananpä Elíman ras aywarqan.
15
Tsay witsanqa Elí isqun chunka puwaq (98) watayuqnam karqan. Ñawin tsakaptinmi reqikurqannatsu.
16
Tsay runa chaykurmi Elíta nirqan: «Pelyayanqanpita qeshpimurmi kanan junaqlla chämurqü». Tsaynö niptinmi Elí tapurqan: «Hïju, tsay pelyachö ¿imatä päsashqa?»
17
Tsay runanam willar nirqan: «Filisteo runakuna atacar maytsikaqta wanutsiyaptinmi Israel runakuna qeshpir aywakuyashqa. Ofnitawan Fineestapis wanutsiyashqam. Tayta Diospa babulnintapis qechuskirmi apayashqa».
18
Tayta Diospa babulninta apayanqanta willaptinmi sillëtachö Elí jamaraykanqanpita punku lädunman tsakakaypa ankallaskirqan. Rukuna karmi cuerpun pasaypa lasaptin kunkanpis pakiqpä kumllikaskir jinan höra wanuskirqan. Paymi Israel runakunapa jueznin chusku chunka (40) wata karqan.
19
Tsaychömi tsurin Fineespa warminpis qeshyakunanpä killan tinkushqana kaykarqan. Tsaymi Tayta Diospa babulninta apayanqanta y suegrunpis y runanpis wanunqanta wiyaykuptin jinan höra nanay tsariskirqan. Nanaywan qoshpaykaptinmi wamranpis yuriskirqan.
20
Fineespa warmin wanuykaqtana rikarmi partërakuna niyarqan: «Ama mantsariytsu. Ollqutam qeshyakurquyki». Tsaynö niyaptinpis manam imatapis parlarqannatsu.
21
Manarä wanurmi tsay yuriq wamranpa jutinta churarqan Icabodta. Icabod ninanqa Tayta Diosmi dëjamarquntsik ninanmi. Jutinta tsaynö churarqan Tayta Diospa babulninta apayanqanpita y runanwan suegrun wanuyanqanpitam.
22
Tsaypitanam nirqan: «¡Israel runakunatam Tayta Dios dëjaykushqa! ¡Tayta Diospa babulnintam filisteo runakuna apakuyashqa!»
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31