bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 24
1 Samuel 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Filisteo runakunata vinciskir Saúl kutiykaptinmi willayarqan En-gadi desiertuchö David kaykanqanta.
2
Tsaymi Israel runakunapita kimsa waranqa (3,000) allinnin kaq soldädukunawan munti cabrakuna purikuyänan qaqakuna lädupa Davidta ashirnin Saúl aywarqan.
3
Aywaykäyanqanchömi üsha kunchakuna ñöpanchö jatun machayman chäyarqan. Tsay machaychömi yanapaqnin runakunawan David pakaraykäyarqan. Machaychö David kaykanqanta mana musyarmi ishpakuq Saúl yaykurqan.
4
Saúlta rikarmi Davidwan kaykaq runakuna niyarqan: «Kanan junaqmi Tayta Dios cumplishqa contraykita makikiman churamunanpä ninqanta. Tsaynö kaykaptinqa yarpanqaykinö imatapis ruray». Tsaymi David yachayllapa aywaykur Saúl ishpakuykaptin tünicanpa kuchunta mana mayatsiyllapa roquskirqan.
5
Tsayta ruraskirmi llutanta ruranqanta tantiyar David pasaypa llakikurqan.
6
Tsaymi yanapaqnin runakunata nirqan: «Qamkuna yätsiyämanqaykita ruranäpä Tayta Dios ama permitiykutsuntsu. Kikin Tayta Dios Saúlta rey kananpä akraykaptinqa noqapapis mandamaqnïmi. Tsaymi paytaqa yatayllapis yatashätsu».
7
Tsaynö nirmi yanapaqnin runakunata David micharqan Saúlta mana wanutsiyänanpä. Saúlnam ishpakuskir machaypita aywakurqan.
8
Karu qepallanta machaypita David yarquskirmi qayakur nirqan: «¡Rey Saúl!» Saúl tikraykur rikaskiptinmi urkunpis patsaman töpanqanyaq David qonqurikuykur
9
nirqan: «Contrayki shärinqäta runakuna niyäshuptiki ¿imanirtä criyinki?
10
Kananqa Tayta Diosmi ñöpäman pushamushurquyki. Contrayki rasunpa karqa kay machayllachönam wanutsïman karqan. Yanapamaqnï runakuna qamta wanutsinäpä nimaptinpis manam wanutsirqütsu. Tsaypa rantinqa rey kanaykipä Tayta Dios akrashunqaykipitam imaypis yatashaykitsu. Tsaytaqa kikikim rikaykanki.
11
«Taytay, kay tsaraykanqä ratashta rikay. Kay ratashqa ¿manaku tünicaykipa kuchun? Wanutsiyta munarqa tünicaykipa kuchunta roquqnöllam wanuskatsïman karqan. Tsaynö kaykaptinqa tantiyakuy wanutsiyta mana yarpanqäta ni contrayki mana kanqäta. Tsaynö kaykaptïpis ¿imanirtä wanutsimayta munar qatikachaykämanki?
12
Mayqantsikpis jutsayuq kashqaqa Tayta Dios castigamäshun. Noqaqa manam imaypis wanutsishaykitsu.
13
«Unay runakunam niyaq: «Mana alli runapitam mana allikuna kaykan». Tsaymi noqaqa ni imaypis wanutsishaykitsu.
14
Pulganö y allqunö mana väliq kaykaptïqa ¿imanirtä qatikachämanki?
15
Mayqantsikpis jutsayuq kashqaqa Tayta Diosmi juzgamäshun. Payqa imata yarpanqätapis musyanmi. Paymi makikipita salvamanqa».
16
David parlayta ushaskiptinmi Saúl nirqan: «¡David! ¿Rasunpaku qam kaykanki?» Tsaynö nirmi qayarayparä waqar
17
nirqan: «Pasaypa chikiykaptïpis alli runa karmi kuyapämarquyki.
18
Tayta Dios qampa makikiman churaykämaptinpis manam wanutsimarquykitsu. Tsaymi kanan musyä kuyamanqaykita.
19
Manam pï runapis contranta tariykurqa kawaykaqtaqa dëjantsu. Tsaynö kaptinpis qamqa kuyamarmi wanutsimarquykitsu. Mana wanutsimanqaykipita Tayta Dios imaykachöpis yanapaykulläshuy.
20
«Kananmi sïqa tantiyakü rey kanaykipä kanqanta. Rey kaptiki Israel runakuna allim kawayanqa.
21
Tayta Dios wiyaykämashqa kanan awnimay rey kar castäkunata mana wanutsinaykipä ni jutïtapis mana ushakätsinaykipä».
22
Tsaynö niptinmi Davidqa Saúlta awnirqan castankunata mana wanutsinanpä. Tsaypitanam Saúl kutikurqan palaciunman y Davidpis kutikurqan pakaranqanman.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31