bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 18
1 Samuel 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Saúlwan parlayta ushaskirmi Davidqa Saúlpa tsurin Jonatánwan reqinakuyarqan. Amïguta ruraskirmi alläpa kuyanakuyarqan.
2
Tsay junaqpitam Davidta yanapaqnin kananpä Saúl churarqan. Tsaymi munarqantsu papänin kaqpa kutinanta.
3
Jonatánwan Davidqa alläpa kuyanakurmi imaypis mana dëjanakuyänanpä jurarnin amistäta rurayarqan.
4
Tsaypitanam Jonatánqa jatiranqan cäpanta, tünicanta, espädanta, flëchanta y cinturonnintapis Davidta qararqan.
5
Imatapis rurananpä mandanqanta David ruraptinmi soldädukunapa capitannin kananpä Saúl churarqan. Tsaymi llapan soldädukuna y Saúlpa yanapaqninkunapis pasaypa kushikuyarqan.
6
Goliatta David wanutsinqanpita soldädukuna kutiyaptinmi Israel markakunapita warmikuna tamburninkunata y panderëtankunata tukarnin cantaraykar y tushuraykar rey Saúlta chaskiyänanpä kushishqa yarquyarqan.
7
Warmikunam tushurnin cantar niyarqan: «Saúlmi wanutsishqa waranqa (1,000) runakunata. Davidnam chunka waranqa (10,000) runakunata wanutsishqa».
8
Tsaynö cantayanqanta wiyarmi Saúl pasaypa rabyakur nirqan: «Davidpämi chunka waranqa runakunata wanutsinqanta niyan y noqapäqa waranqallata wanutsinqätam niyan. ¡Kananqa rey kananpä churayänallannam faltan!»
9
Tsay junaqpitam Saúlqa Davidta chikir qallaykurqan.
10
Tsaypita waraynin junaqnam palaciuchö David imaypis arpata tukanqannö tukapaykaptin Tayta Dios mandanqan supay Saúlta pasaypa löcuyätsirqan. Tsaymi aptaraykanqan lanzawan
11
Davidta wanutsiyta munar jitapuykurqan. Cada jitaychö David witikuriptinmi ishkay kuti lanzawan jitarpis chätsirqantsu.
12
Saúlta yanapananpa rantin Davidtana Tayta Dios yanapaptinmi Saúlqa Davidta pasaypa mantsarqan.
13
Tsaymi lädunchö kananta manana munarnin waranqa (1,000) soldädukunapa capitannin kananpä Davidta churarqan. Tsaymi Davidqa maypapis pelyananpä aywar soldädukunata pusharqan.
14
Pelyaq maypa aywaptinpis Tayta Diosmi Davidta yanapaq.
15
Tsayta musyaskirmi Saúlqa Davidta masrä chikirqan.
16
Peru Israel y Judá soldädukunam sïqa Davidta kuyayarqan maypa aywarpis alli pushaptin.
17
Juk junaqmi Davidta Saúl nirqan: «Mayor tsurï Merabwanmi qamta casaratsiyta munä. Alli chölu kanqaykita musyanäpä filisteo runakunawanrä mana mantsariypa pelyay». Saúlqa yarparqan kikin wanutsinanpa rantin filisteo runakuna wanutsiyänanta munarmi.
18
Tsaynö niptinmi David nirqan: «Taytay, pobri runapa tsurin kaykarqa ¡imanöpatä qampa mashayki käman!»
19
Mashan kayta mana munaptinmi David churakänanpä kaq tiempu chämuptin Mehola markapita Adriel ninqan runawan tsurin Merabta Saúl churarqan.
20
Tsaypitanam Saúlpa jukaq tsurin Micalna Davidta kuyakurkurqan. Tsayta musyaykurmi Saúl kushikurnin
21
yarparqan tsurinwan churaq tumpalla filisteo runakunapa makinman Davidta entregananpä. Tsaymi Davidta nirqan: «Kananmi sïqa rasunpa mashä kanki».
22
Tsaynöllam yanapaqninkunata Saúl nirqan: «Kikillanta qayaykur Davidta niyay: «Rey Saúlqa kuyashunkim. Tsaynöllam noqakunapis qamta kuyayä. Tsaynö kaykaptinqa mashan kanaykipä juklla yaykuy».
23
Tsaymi Davidman aywaykur yachatsinqannölla Saúlpa yanapaqninkuna niyarqan. Davidnam nirqan: «¿Imanirtä qamkuna tsaynö yarpäyanki? Pobri kaykarqa reypa mashan manam yaykümantsu».
24
Tsaynö niptinmi Saúlpa yanapaqninkuna kutiykur David ninqankunata willayarqan.
25
Tsaymi filisteo runakuna Davidta imanöpapis wanutsiyänanta munar yanapaqninkunata Saúl nirqan: «Davidta niyay: «Tsurinwan tänaykipä Saúlqa manam päganaykita munantsu, sinöqa pachak (100) filisteo runakunata wanuskatsir penqayninkunapa puntanpa jana qaranta roquskir apamunaykitam munan».
26
Tsay ninqankunata Saúlpa yanapaqninkuna Davidta niyaptinmi awnirqan reypa mashan kayta. Tsaymi jitapanqan junaq manarä chaptin
27
yanapaqnin runakunawan David aywaykur ishkay pachak (200) filisteo runakunata wanutsiyarqan. Mashan kananpä awnishqa karmi tsay runakunapa penqayninpa jana qaranta roquskir rey Saúlman aparqan. Tsaynöpam Davidta tsurin Micalwan Saúl casaratsirqan.
28
Tayta Dios yanapanqanta tantiyar y tsurin Micalpis Davidta pasaypa kuyanqanta musyarmi
29
Saúlqa masrä mantsarqan. Tsaymi wanunqanyaqpis Davidta pasaypa chikirqan.
30
Filisteo runakuna pelyaq shayämuptinmi wakin mandaq soldädukuna wanutsiyanqanpitapis mas atskata David wanutsiq. Tsaymi pïmaypis payta alli rikayaq.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31