bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 28
1 Samuel 28
Quechuan QXO (Biblia en Quechua del sur de Conchucos)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Tsay witsanmi filisteo runakuna qorikaykur aywayarqan Israel runakunata atacayänanpä. Tsaymi rey Aquis Davidta nirqan: «Qam y qamwan kaykaq runakunapis guërrachö yanapayämänaykipä compañayämay».
2
Davidnam nirqan: «Taytay, aywashun. Kananmi rikamanki imanö pelyanqätapis». Tsaymi Aquis nirqan: «Tsaynö kaptinqa noqata cuidamänaykipämi churashayki».
3
Tsay witsanqa Samuel wanushqanam karqan. Israel runakuna waqarmi markan Ramáchö pampayarqan. Tsaynöllam wanushqakunapa almanwan parlaqkunatapis brüjukunatapis Israel nacionpita rey Saúl qarqushqa karqan.
4
Israel runakunawan pelyayänanpämi filisteo runakuna campamentunkunata Sunem markachö rurayarqan. Saúlnam Israel runakunawan Gilboa jirkachö campamentunkunata rurayarqan.
5
Filisteo soldädukuna qorikashqa kaykäyaqta rikaykurmi Saúlqa pasaypa mantsarir llakikurqan.
6
Tsaymi imata rurananpäpis Tayta Diosta mañakuptin ni sueñuyninchöpis, ni Urim rumiwanpis ni profëtakunawanpis contestarqantsu.
7
Tsaymi yanapaqninkunata Saúl nirqan: «Ayway ashiyämuy wanushqakunapa almanwan parlaq warmita noqapis aywanäpä». Tsaynö niptinmi niyarqan: «Endor markachömi wanushqakunapa almanwan parlaq warmi kaykan».
8
Tsaymi Saúlqa juk röpata jatikuskir ishkay yanapaqninkunawan paqaspa tsay warmi kaqman aywayarqan. Chaykurmi rugakur nirqan: «Mamïta, imanö kanäpä kanqantapis musyanäpä wanushqa runapa almanta yuritsipaykallämay».
9
Tsaynö niptinmi warmi nirqan: «Qam musyankim kay nacionpita rey Saúl llapan brüjukunata y wanushqakunapa almanwan parlaqkunata qarqunqanta. Tsaynö kaykaptinqa ¿imanirtä wanushqa runapa almanta qayamunäta munanki? Tsayta ruraptïqa noqatapis wanuymanmi churaykämanki».
10
Peru Saúlnam nirqan: «Tayta Diospa jutinchömi qamta awnï imapis mana päsashunaykipä».
11
Tsaymi warmi nirqan: «¿Pipa almanta yuritsimunätatä munanki?» Saúlnam nirqan: «Samuelpa almanta yuritsimunaykitam munä».
12
Samuelpa almanta rikaykurmi warmi qayarar nirqan: «¡Peru qamqa kikin rey Saúlchä kanki! Taytay, ¡imanirtä llullapämarquyki!»
13
Tsaymi rey Saúl nirqan: «Ama mantsariytsu. ¿Imatatä rikaykanki?» Warminam nirqan: «Patsa rurinpita alma yarqaykämuqtam rikaykä».
14
Tsaymi Saúl tapurqan: «¿Pï niraqtä tsay yarqaykämuq alma?» Warminam nirqan: «Tünican jatishqa ruku runam yarqaykämun». Samuel yarqaykämuqta tantiyaskirmi Saúlqa urkunpis patsaman töpanqanyaq qonqurikuykurqan.
15
Samuel yuripuskirnam Saúlta nirqan: «¿Imapätä ajanätsimar kayman qayatsimarquyki?» Saúlnam nirqan: «Filisteo runakuna conträ pelyayänanpä shayämuptinmi pasaypa llakishqa kaykä. Tayta Diospis mañakuptï manam cäsumannatsu. Sueñuynïchöpis ni profëtakunawanpis manam parlapämantsu. Tsaymi qamta qayatsimurqü imata ruranäpä kaqtapis tantiyatsimänaykipä».
16
Samuelnam nirqan: «Tayta Dios jaqiskishurniki contrayki kaykaptinqa ¿imapänatä imatapis tapukamanki?
17
Tayta Dios nimanqanta willanqänöllam llapanpis päsaykäshunki. Tsaymi rey kanqaykipita jipiskishurniki Davidtana churashqa Israel runakunapa mandaqnin rey kananpä.
18
Tsaynö jipishurquyki «amalecita runakunata ushakätsiy» nishuptikipis mana cäsunqaykipitam.
19
Tsaymi Israel soldädukunata filisteo runakunapa makinman Tayta Dios churanqa. Qamtapis tsurikikunatapis wanutsiyäshuptikim waray junaq noqa kaykanqäman chäyämunki».
20
Tsaynö niptinmi Saúl pasaypa mantsakar patsaman ishkiskirqan. Juk junaq y juk paqas imatapis mana mikushqa karmi kallpaynaq karqan.
21
Pasaypa mantsakashqa kaykaqta rikarmi tsay warmi witiykur nirqan: «Taytay, wanunäpä kanqanta mantsaykarpis rugakamanqaykinömi Samuelpa almanta yuritsimurqü.
22
Sirviqniki kaykaptïqa kanan ninqäta wiyaykallämay. Kallpayki yurinanpä imallatapis mikurkuyrä. Mikuskirnam päsakunki».
23
Tsaynö niptinpis Saúlqa manam mikuyta munarqantsu. Yanapaqninkunapis tsay warmipis kutin kutin rugayaptinrämi patsapita shärirkur bancaman jamaskirqan.
24
Tsay warmi yarquskirnam wera kaq torïtunta pishtaskir levadüraynaq tantata masararqan.
25
Tsaypitanam Saúlta y yanapaqninkunata kusinakunqan mikuyta qararqan. Tsayta mikuskirnam tsay paqas despidikuskir aywakuyarqan.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31