bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 30
1 Samuel 30
Quechuan QXO (Biblia en Quechua del sur de Conchucos)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Tsaypita kimsa junaqtarä Siclag markaman charmi wayinkuna rupatsishqa kaykaqta tariyarqan. Illäyanqanyaqmi amalecita runakunaqa Neguevman yaykuskir Siclag markatapis rupatsiyarqan.
2
Tsaynöllam tsaychö kaykaq warmikunata y wamrakunatapis mana wanutsiyllapa llapanta prësu apayarqan.
3
Wayinkuna rupashqa kaykaqta tariykur y warminkunata y wamrankunata mana tariykurmi
4
yanapaqninkunawan David ikikyäyanqanyaq pasaypa waqayarqan.
5
Tsaynöllam Davidpa ishkan warminkunatapis amalecita runakuna prësu apashqa kayarqan. Jukaq warminmi karqan Jezreel markapita Ahinoam y jukaq warminnam karqan Carmelpita Abigail. Abigailqa Nabalpa viüdanmi karqan.
6
Tsurinkunata amalecita runakuna prësu apayashqa kaptinmi yanapaqnin runakuna pasaypa rabyarnin Davidta saqmayta munayarqan. Tsaynö rabyanäyaptinmi David pasaypa llakikur Tayta Diosta mañakurqan.
7
Tsaymi Ahimelecpa tsurin sacerdöti Abiatarta David nirqan: «Efodta makyaykallämay». Efodta makyaykuptinmi
8
Tayta Diosta David mañakurqan: «¿Tsay suwakunapa qepanta aywämanku? Jinan höra aywar ¿paykunata taripämantsurä?» Tayta Diosnam nirqan: «Taripänaykipä ras ayway. Tsaynölla llapan apayanqankunata kutitsimunki».
9
Tsaynö niptinmi Davidqa joqta pachak (600) yanapaqnin runakunata pushakurkur Besor raqraman chäyarqan.
10
Pasaypa ajyanashqa karmi tsay mayuta päsayta mana puëdir ishkay pachak (200) runakuna tsaychö quëdakuyarqan. Peru chusku pachak (400) runakunam sïqa amalecita runakunata qatipar Davidwan aywayarqan.
11
Aywaykäyanqanchömi Egiptupita juk runa aywapakashqa jitaraykaqta tariyarqan. Tsay runatam David kaqman apaykur tantatawan yakuta qarayarqan.
12
Tsaynöllam qarayarqan juk hïgus tantata y ishkay päsas tantata. Tsaykunata mikuskiptinmi kallpan yuriskirqan. Tsay runa manash kimsa paqas ni kimsa junaq imatapis mikushqatsu kanä.
13
Tsaypitanam David tapurqan: «¿Pipa sirviqnintä kanki y maypitatä shamurquyki?» Tsay runanam nirqan: «Amalecita runapa sirviqninmi kä. Qanyantinnam pasaypa qeshyaptï patronnïpis jaqiskamar aywakushqa.
14
Noqakunam asaltayämurqü Neguevchö täraq cereteo runakunata, Judá runakuna täyanqan wakin markakunata y Calebpita miraq runakuna täyanqan markakunatapis. Tsaypita kutimurmi Siclag markatapis rupatsiyarqü».
15
Davidnam nirqan: «¿Pushamankimanku tsay runakuna kaykäyanqanman?» Niptinmi tsay Egipto runa nirqan: «Mana wanutsimänaykipä ni patronnïman mana entregamänaykipä Tayta Diospa jutinchö juraptikiqa pushashaykim».
16
Tsay runa pushaptin chäyänanpämi amalecita runakuna mashtakashqa mikur upur fiestata ruraykäyänä. Tsaynö fiestata ruraykäyarqan Judáchö y Filisteachö täraq runakunata asaltar imaykatapis qoriyanqanpita kushikurmi.
17
Tsaynö kaykaqta tariskirmi Davidqa yanapaqninkunawan tsay runakunata wäraypita waraynin tardiyaq wanutsiyarqan. Chusku pachak (400) jövinkunallam camëllunkunata muntakurkur qeshpiyarqan.
18
Tsaynöpam amalecita runakuna llapan apayanqankunata David qechuskir ishkan warminkunatapis kutitsimurqan.
19
Paykunata qorimuptin manam faltarqantsu ni jatunpis ni takshapis ni ollqu wamrapis ni warmi wamrapis. Apayanqan kaqkunataqa llapantam imaykankunatapis David qorimurqan.
20
Tsaynöllam apayanqan üshankunata y wäkankunata llapanta David qorimurqan. Qorimunqan ashmakunata kutitsirmi qatiqninkuna niyarqan: «¡Kay ashmakunaqa Davidpänam kaykäyan!»
21
Besor raqraman chaykuyaptinmi tsaychö quëdaq ishkay pachak (200) runakuna yarqur taripäyarqan Davidta y paywan aywaq runakunata. Tsay runakunaqa pasaypa ajyashqa karmi amalecita runakunata qatipayta mana puëdir Besor raqrachö quëdakuyarqan. Paykunawan tinkuskirmi David kushikurnin saludarqan.
22
Davidwan aywaq wakin mana alli yarpayyuq runakunanam Davidta niyarqan: «Noqantsikwan mana aywaq runakunaqa imatapis manam merëciyanmantsu. Warminkunata y wamrankunata aparkur aywakuyätsun».
23
Tsaymi David nirqan: «Wawqikuna, ama tsaynöqa rurashuntsu. Tayta Diosmi qorimunantsikpä yanapamarquntsik. Tsaynöllam salvamarnintsik suwakunata vincinantsikpä yanapamarquntsik.
24
Qamkunaqa llutantam yarpaykäyanki. Rakipänakunqantsik höraqa iwal iwalmi rakipänakushun qepita täpar quëdaqkunawanpis y pelyaman aywaqkunawanpis».
25
Tsay junaqpitam kananyaqpis Israel runakuna guërrapita apayämunqan kaqtaqa imatapis iwal iwal rakipänakuyan.
26
Siclag markaman David chaykurnam qechuyanqan kaqkunapita rakiskir Judáman mayor runakunapä apatsir nirqan: «Tayta Diospa contran runakunata qechumunqätam qamkunapä apaykätsimü».
27
Tsaynöllam apatsirqan Bet-elman, Neguev Ramotman, Jatirman,
28
Aroerman, Sifmotman, Estemoaman,
29
Racalman, Jerameel runakuna täyanqan markakunaman, ceneo runakuna täyanqan markakunaman,
30
Hormaman, Corasánman, Atacman
31
y Hebrónmanpis. Yanapaqninkunawan puntata chäyanqan markakunamanqa llapanmanmi David apatsirqan.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31