bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Samuel 6
1 Samuel 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
1
Filisteo runakunaqa qanchis killam nacionninchö Tayta Diospa babulninta tsararäyarqan.
2
Tsaypitanam sacerdötikunata y brüjukunata qayaykatsir tapuyarqan: «¿Imatatä rurayäshä Israel runakunapa Diosninpa babulninta? Kutitsirqa ¿imanötä kutitsiyäshä?»
3
Tsaymi niyarqan: «Israel runakunapa Diosninpa babulninta kutitsirqa ama jinayllataqa kutitsiyaytsu, sinöqa imallatapis qarayänaykipä apayay. Babulta kutitsiyanqaykipita allirmi Israel runakunapa Diosnin castigayäshunqaykita musyayanki».
4
Tsaymi filisteo runakuna tapur niyarqan: «¿Imatatä qarayäshä?» Tapuyaptinmi niyarqan: «Mandamaqnintsik reykunawan iwal ñakaykarqa pitsqa chupu niraqta y pitsqa ukush niraqta qoripita ruraykur qarayay. Tsaynöpam mandamaqnintsik reykuna pitsqa kaptin cada reypita juk qaraynin kanqa.
5
Tsaykunata apatsiyay Israel runakunapa Diosninta respitar. Tsaynö apatsiyaptiki capazchi manana castigayäshurniki murukuynikikunatapis ushakätsinqanatsu y diosnintsikkunatapis pakinqanatsu.
6
Qamkunaqa kullu rinri ama kayaytsu. Mana wiyakuq karqa Egipto runakunanö y mandaqnin Faraónnömi kaykäyanki. Paykunaqa Israel runakunapa Diosnin pasaypa castigaptinrämi Israel runakuna aywakuyänanpä dëjayarqan.
7
«Kananqa mushuq carrëtata ruraskatsir imaypis manarä yuntashqa llullu wawayuq ishkay wäkakunata yüguskir carrëtata watarkur apatsiyay. Peru wawankunataqa chikuyanki.
8
Tsaypitam Israel runakunapa Diosninpa babulninta carrëtaman churayanki. Tsaynölla qoripita rurayanqayki qaraykunata juk cajonman wiñarkur babulpa lädunman churayanki. Tsaypitana wäkakuna kikillan qarachashqa apakuyänanpä dëjayanki.
9
Wäkakuna aywayaptin karu qepallanta qatipäyanki maypa aywayanqantapis rikayänaykipä. Israel nacionchö Bet-semesman aywaq nänipa apaptinmi musyashun Israel runakunapa Diosnin castigaykämanqantsikta. Juk nänipa aywaptinmi sïqa musyashun pay mana castigaykämanqantsikta, sinöqa llapanpis tsaynö päsananpä kaqkunalla päsanqanta».
10
Sacerdötikuna tsaynö niyaptinmi wawayuq wäkakunata carrëtata qarachäyänanpä yüguyarqan. Wawankunatanam chikuyarqan.
11
Tsaypitanam Tayta Diospa babulninta carrëtaman churayarqan. Tsaynöllam qoripita ruratsiyanqan chupu niraqta y ukush niraqta cajonman wiñarkur carrëtaman churayarqan.
12
Tsaynö ruraskir qarquyaptinmi wäkakunaqa wawankunapä waqarnin maypapis mana yaqaypa carrëtan qarachashqa Bet-semesman aywaq nänipa aywayarqan. Filisteo markakunapa mandaqnin reykunanam karu qepallanta Bet-semespa lindërunyaq qatipäyarqan.
13
Bet-semes runakunanam pampachö trïguta segaykar rikachakuyanqanchö rikaskiyarqan Tayta Diospa babulninta wäkakuna qarachashqa yaykaykätsiqta. Tsayta rikaykurmi pasaypa kushikuyarqan.
14
Josuépa chakranchö jatunkaray rumi kaqman chaykurmi wäkakuna ichiskiyarqan. Bet-semes runakunanam carrëtata tseqtaskir tsay wäkakunata pishtaskirnin Tayta Diosta agradëcikur sacrificiuta rupatsiyarqan.
15
Manarä rupatsirmi Leví trïbu runakuna carrëtapita jipiyarqan Tayta Diospa babulninta y cajonchö kaykaq qoripita rurashqa qaraykunatapis. Babultawan cajontam jatun rumi jananman churayarqan. Tsaymi Bet-semes runakuna Tayta Diosta adorarnin kikinkunapa ashmankunatapis tsay junaq rupatsiyarqan.
16
Tsay rurayanqanta rikaykurmi filisteo runakunapa pitsqa mandaqnin reykuna tsay junaqlla Ecrón markaman kutikuyarqan.
17
Tayta Diospä qoripita rurashqa chupu niraqkunam karqan Asdod, Gaza, Ascalón, Gat y Ecrón markakunapa mandaqnin reykunapita.
18
Qoripita rurashqa pitsqa ukushkunanam karqan filisteo runakunapa pitsqa murallashqa markankunapita y cercanchö kaq taksha markakunapita. Tayta Diospa babulninta churanqan jatun rumiqa kananyaqmi Josuépa chakran Bet-semeschö kaykan.
19
Tayta Diospa babulnin tsaychö kaptinmi wakin Bet-semes runakuna kichaskir rikayarqan. Tsaymi Tayta Dios qanchis chunka (70) runakunata wanutsirqan. Tsaynö wanuyaptinmi tsaychö täraq runakuna pasaypa waqarnin
20
niyarqan. «Tayta Dios santu kaykaptinqa ¡pirä puntanchö kawanman! Tsaynö kaptinqa ¿maymanrä babulninta apaykatsishwan?»
21
Tsaynö nirmi Quiriat-jearimman willakuqkunata mandar niyarqan: «Tayta Diospa babulninta filisteo runakuna kutitsiyämunqantash aywar apakayämunki».
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31